🛑 सरसकटची होणारी कोरोना तपासणी शासनाने थांबवावी ; सुधीर नकाशे

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-१८ :- जिल्ह्यात कोरोनाच्या वाढत्या प्रादुर्भावामुळे शासनाने सध्या कोरोना तपासणी संख्या वाढविली आहे. गावोगावी तपासणी सुरू केल्या आहेत. शासनाच्या या धोरणाला जि. प.सदस्य नकाशे यांनी आक्षेप घेतला आहे. शासनाने सरसकट तपासणी न करता बाधित रुग्णांच्या संपर्कातील रुग्णांची तपासणी करावी. ग्रामीण भागात सध्या शेतीचा हंगाम सुरू आहे. त्यामुळे तपासणी केल्यानंतर नागरिकांना रिपोर्ट येईपर्यंत घरातच राहावे लागत आहे. या हंगामात घरात राहणे परवडणारे नाही. लाँकडाऊन मध्ये रोजगार नसल्यामुळे आधीच आर्थिक संकटात सापडलेल्या गरीब जनतेला आणखी नव्या संकटाला सामोर जाव लागेल. त्यामुळे ही होणारी सरसकटची तपासणी शासनाने थांबवावी.

शासन एकीकडे चाचण्या वाढवल्यामुळे रुग्ण संख्या वाढत आहे. मात्र या वाढणाऱ्या रुग्ण संख्येला सुविधा कुठे मिळताहेत? रुग्णांची मोठ्या प्रमाणावर गैरसोय होते. ग्रामपातळीवरील कोव्हिड सेंटर बाबत अजूनही संभ्रमावस्था आहे. अशा परिस्थितीत या रुग्णांवर कसे उपचार होणार? त्यामुळे शासनाने सरसकट तपासणीचा पुन्हा विचार करावा. अन्यथा यावरून जनतेच्या उद्रेकाला सामोरं जाव लागेल असा इशारा सुधीर नकाशे यांनी दिला आहे.