🛑 “एक हात मदतीचा” पुरोगामी परिवाराचा उपक्रम अमोल भोबस्कर यांच्यामुळे यशस्वी ; बळीराम मोरे

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-१७ :- महाराष्ट्र पुरोगामी प्राथमिक शिक्षक संघटनेच्या वतीने “एक हात मदतीचा पुरोगामी परिवाराचा” या उपक्रमांतर्गत सर्व स्तरातील कोरोना रुग्णांना केलेले सहकार्य हे कौतुकास्पद असून यासाठी संघटनेचे सरचिटणीस अमोल भोबस्कर यांचा यामध्ये सिंहाचा वाटा आहे. त्यांनी कोरोना काळात केलेली रुग्ण सेवा ही त्यांच्या सामाजिक कार्याची चुणूक आहे. असे मत संघटनेचे राज्य कार्याध्यक्ष बळीराम मोरे यांनी व्यक्त केले एक हात मदतीचा पुरोगामी परिवाराचा” या उपक्रमांतर्गत चिपळूण तालुक्यातील कामथे उपजिल्हा रुग्णालयामध्ये इंजेक्शन, गोळ्या, सलाईन, ऑक्सिमीटर, सिलेंडर ट्रॉली, मास्क आदी रुग्ण उपयोगी

वस्तू ही देण्यात आल्या तसेच तहसील कार्यालय चिपळूण येथे पेढांबे आणि वहाळ कोविड सेंटर करिता बेडशीट, वॉटर हिटर, जेवणाचे साहित्य व एक महिना पुरेल एवढे मागणीनुसार चिकन देण्यात आले. तसेच चिपळूण तालुका आरोग्य अधिकारी कार्यालयात त्यांच्या मागणीनुसार गरीब कोरोना रुग्णांना महागड्या गोळ्या, इंजेक्शन देण्यात आले. पुरोगामी परिवाराने अमोल भोबस्कर यांच्या नेतृत्वाखाली हा उपक्रम राबविला असून त्यांच्या सोबत यशवंत पेढांबकर, संतोष कादवडकर, शैलेश जानवलकर, अजित कुरणे, अभय सरदेसाई, सुनील पवार, विकास ढवण, महेश मोरे, सुनील जाधव, मधुकर चव्हाण व पुरोगामीच्या सर्व पदाधिकाऱ्यांनी सहकार्य केले. पुरोगामी प्राथमिक शिक्षक संघटनेच्या वतीने अमोल भोबस्कर यांच्या नेतृत्वाखाली शालेय उपयोगी उपक्रम राबविले जात असल्याची माहिती संघटनेचे राज्य कार्याध्यक्ष बळीराम मोरे यांनी दिली.