🛑 कळसुलकर इंग्लिश स्कूल व आय बी सय्यद कनिष्ठ महाविद्यालय सावंतवाडी मध्ये शैक्षणिक वर्ष २०२१- २०२२ ची उत्साहात सुरुवात..

🛑 झूम मीटिंग व गूगल मीटिंग सारख्या तंत्रज्ञानाच्या सहाय्याने विद्यार्थ्यांशी मुख्याध्यापक व शिक्षकांनी साधला संवाद ..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी,दि.१६-: कळसुलकर इंग्लिश स्कूल व आय बी सय्यद कनिष्ठ महाविद्यालय सावंतवाडी मध्ये शैक्षणिक वर्ष २०२१- २०२२ ची दिनांक १५ जुन पासून उत्साहात सुरुवात झाली आहे. यावेळी पूर्वीच्या इयत्तेतील विद्यार्थ्यांची पुढच्या इयत्तेतील विद्यार्थ्यांना पाठ्यपुस्तके पालका मार्फत देव – घेव पध्दतीने तात्पुरत्या स्वरुपात वितरित करण्यात आली. तसेच झूम मीटिंग व गूगल मीटिंग सारख्या तंत्रज्ञानाच्या सहाय्याने विद्यार्थ्यांशी मुख्याध्यापक व शिक्षकांनी संवाद साधला. तसेच वर्गनिहाय वर्ग शिक्षकांनी आपल्या वर्गातील विद्यार्थ्यांचे झूम व गुगल मीट च्या माध्यमातून संवाद साधला.

येणारे वर्ष देखील कोव्हिड -19 च्या छायेत सुरू झाले तरी प्रशासनाच्या शाळा बंद पण शिक्षण सुरू या धोरणाचा अवलंब करत ऑनलाईन शिक्षण पद्धतीचा स्वीकार केला आहे. यामध्ये अगदी चिमुकल्या विद्यार्थ्यांनीही आपला सहभाग नोंदवला व पालकांनीही या उपक्रमाला शुभेच्छा दिल्या.

विद्यार्थ्यांचे शैक्षणिक नुकसान कोव्हिड -19 काळात होणार नाही शासनाच्या निर्देशानुसार डिजिटल माध्यमांचा उपयोग घेऊन व्हाट्सअप ग्रुप, यूट्यूब चैनल, झूम मीटिंग, गुगल मीट तसेच बालभारती कडून मिळालेली ईपुस्तके इतर साधने यांच्या सहाय्याने ऑनलाईन शिक्षण पूर्ण करण्याचे आश्वासन मुख्याध्यापक श्री . एन .पी.मानकर व सर्व शिक्षकवृंद यांनी दिले आहे.

या सर्व उपक्रमांना सावंतवाडी एज्युकेशन सोसायटीचे अध्यक्ष शैलेश पै सर्व पदाधिकारी व माजी विद्यार्थी संघ यांनी शुभेच्छा दिल्या आहेत.