🛑 करुळ घाटात गटारे तुंबल्यामुळे पाणी वाहू लागले रस्त्यावरुन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

 ✍️ प्रतिनिधी : संजय शेळके

🎴वैभववाडी, दि-१५ :- तालुक्यात सलग चार दिवस संततधार पाऊस कोसळत आहे. यामुळे भुईबावडा, करुळ या दोन्ही घाटात दरडी कोसळण्याच्या मालिका सुरू झाल्या आहेत. करुळ घाटात गटारे तुंबल्यामुळे रस्त्यावरुन पाणी वाहू लागले आहे. पावसाला सुरूवात होते ना होतेय तोपर्यंत रस्तेही उखडायला सुरूवात झाली आहे. पहिल्याच पावसात घाटमार्गातील ही अवस्था असेल तर अजून चार महिने पावसाळा आहे. तरी सार्वजनिक बांधकाम विभागाने गटारी साफ करुन रस्ता वाहतूकीस निर्धोक करावा अशी मागणी प्रवाशांमधून केली जात आहे.

दरवर्षी पावसाळा आला की, भुईबावडा व करुळ हे दोन्हीही घाटमार्ग आजारी पडतात. पावसाळ्यात दोन्हीही घाटमार्ग धोकादायक बनतात. घाटमार्गातून वाहन चालविताना वाहन चालकांना जीव मुठीत घेऊन वाहन चालवावे लागते. करुळ घाटात एका तीव्र वळणावर गटार तुंबल्यामुळे रस्त्यावरुन मोठ्या प्रमाणात पाणी वाहू लागले आहे. याठिकाणी वेळीच उपाययोजना केली नाही तर रस्ते उखडायला लागतील. तरी सार्वजनिक बांधकाम विभागाने गटारी साफ करुन रस्ता वाहतूकीस निर्धोक करावा अशी मागणी प्रवाशांमधून केली जात आहे.