🛑 कोरोनाग्रस्तांना अत्यावश्यक सुविधा पुरविण्यासाठी मदतीचा हात द्या..

🛑 ‘माझा बांदा’ संस्थेची जगभरातील बांदावासियांना आर्त हाक..

✍️ प्रतिनिधी : शैलेश गवस

🎴बांदा, दि-१४ :- बांदा शहरासह परिसरातील ग्रामीण भागात कोरोनाने उग्र रुप धारण केले आहे. किरकोळ आजार वगळता मोठ्या आजारावरील उपचारासाठी बांबोळी रुग्णालयावर अवलंबून असणार्‍या गावांना सध्या कोविडग्रस्तांच्या उपचाराचा प्रश्न भेडसावत आहे. वाढत्या रुग्णांच्या पार्श्वभूमीवर शासनाचा आरोग्य विभागही हतबल झाला आहे. कोरोना रुग्णांसाठी आता ‘माझा बांदा’ संस्थेने पुढाकार घेतला असून अत्यावश्यक सुविधा पुरविण्यासाठी जगभरातील बांदावासियांना आर्थिक मदतीची हाक दिली आहे.

जगभरात कोरोना विषाणूने हाहाकार उडविला आहे. लाखो रुग्णांना आपला जीव गमवावा लागला. सिंधुदुर्गातही कोरोनाचे थैमान सुरु असून दरदिवशी सरासरी ५०० हून अधिक कोरोना पॉझिटीव्ह रुग्ण सापडत आहेत. कोरोना रुग्णांसाठी आवश्यक व्हेंटिलेटर, आॅक्सिजन बेड, आॅक्सिजन कॉन्सन्ट्रेटर, नेब्युलायझर, आॅक्सिमीटर, पीपीई कीट, मास्क यासारख्या सुविधा पुरविताना आरोग्य यंत्रणेची दमछाक होत आहे. वेळेत योग्य उपचार मिळत नसल्याने रुग्णांना आपला जीव गमवावा लागत आहे.

बांदा शहराशी संबंधित ३५ हून अधिक गावांकरिता उपचारासाठी बांदा प्राथमिक आरोग्य केंद्र हाच एकमेव पर्याय आहे. गंभीर आजारासाठी सावंतवाडी किंवा गोवा रुग्णालयांवर अवलंबून रहावे लागते. शेती व शेतीपूरक व्यवसायांवर कुटुंबाचा गाडा हाकणाऱ्या सर्वसामान्यांसाठी खाजगी रुग्णालयात उपचार घेणे आर्थिकदृष्ट्या परवडणारे नसते. त्यामुळे योग्यवेळी योग्य उपचार मिळाल्याने रुग्ण दगावण्याचे प्रमाणही मोठे आहे. कोरोनावर उपचार करणे तर आवाक्याबाहेरचे आहे. या पार्श्वभूमीवर बांदा नागरिकांनी ‘माझा बांदा’ ही संस्था स्थापन करुन गरजू रुग्णांना मदतीचा हात देण्याचा प्रयत्न सुरु केला आहे.

त्यासाठी संस्थेने जगभरातील समस्त बांदावासियांना आर्थिक किंवा वस्तुरुपी मदत करण्याचे आवाहन केले आहे. या मदतीमधून रुग्णांना रुग्णवाहिकेसह अत्यावश्यक सुविधा पुरविण्यात येणार आहेत. इच्छुक दात्यांनी सिंधुदुर्ग जिल्हा मध्यवर्ती सहकारी बँक, शाखा बांदाच्या खाते क्र. ०२३४००००००२०७९६ (आयएफएससी कोड – SIDC0001023) वर आर्थिक मदत जमा करावी. अधिक माहितीसाठी सरपंच अक्रम खान (९९२३३३७३८६) किंवा वैद्यकीय अधिकारी डॉ. जगदीश पाटील (९४२१२३८३११) या क्रमांकावर संपर्क साधण्याचे आवाहन संस्थेमार्फत करण्यात आले आहे.

*💐मनसे अध्यक्ष मा.श्नी.राजसाहेब ठाकरे यांना वाढदिवसाच्या हार्दिक शुभेच्छा…..*

*◆शुभेच्छूक◆*

*श्नी.आशिष सुभेदार*

शहर अध्यक्ष, मनसे सावंतवाडी