🛑 म्हापण बाजारपेठेत अनावश्यक फिरणाऱ्यांवर पोलीसांकडून कडक कारवाई..

🛑 आता बंद कालावधीत अनावश्यक फिरणाऱ्यांची काही खैर नाही..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-१३ :- म्हापण मध्ये कोरोणा चा प्रादुर्भाव वेगाने वाढत असल्याने याच पार्श्वभूमीवर वाढत्या कोरोणाला आळा घालण्यासाठी १२ ते १७ जुन या कालावधी दरम्यान म्हापण बंदचा निर्णय स्थानिक प्रशासनाच्या वतीने घेण्यात आला आहे. हा निर्णय जाहीर करतानाच अनावश्यक फिरणाऱ्यांवर पोलिसांमार्फत कडक कारवाई करण्यात येईल अशी सुचना सुद्धा ग्रामस्थांना देण्यात आल्या होत्या. त्याच सूचनेवर अंमलबजावणी करत कालपासून म्हापन बाजारपेठेत निवती पोलिसांनी कडक कारवाईला सुरुवात केली आहे.

कालपासून जवळपास १६ जणांविरुद्ध निवती पोलिसांनी कारवाई केली आहे. त्यामुळे आता अनावश्यक फिरणाऱ्यांचे धाबे दणाणले आहेत.

म्हापण मध्ये रोजची होणारी गर्दी, कोणत्याही प्रकारचे सोशल डिस्टंन्स न पाळणे, मास्क नीट न घालाने, कामाशिवाय उगाच बाजारपेठेत फेरफटका मारणे या कारणांमुळे कोरोणाला हात पाय पसरायला वाव मिळाला. पण कालपासून सुरू झालेल्या बंद दरम्यान पोलीसांनी कडक कारवाईचे धोरण अवलंबताच बाजारपेठेत शुकशुकाट पसरला आहे. वेळेचं गांभीर्य लक्षात घेऊन दुकानदार, रिक्षा संघटनेने सुद्धा या बंद दरम्यान प्रशासनाला सहकार्य करत आपली दुकाने, रिक्षा बंद ठेवले आहेत.

म्हापण बाजारपेठ हि या दशक्रोशीतील एक मोठी बाजारपेठ असल्याने या ठिकाणी खरेदीसाठी व इतर कामानिमित्त मोठी गर्दी होत असते. या गर्दीवर नियंत्रण राखण्यासाठी संपूर्ण कोरूना काळात निवती पोलीस ठाण्याच्या कर्मचाऱ्यांना विशेष लक्ष द्यावा लागला आहे. संपूर्ण कोरोना काळात निवती पोलीस ठाण्याच्या कर्मचाऱ्यांनी केलेले कार्य कौतुकास्पद आहे.

आज सायंकाळी कारवाई करताना पीएसआय पगडे साहेब, एएसआय हनुमंत मिषाळ, हवालदार शेख व सुहास पाटकर, महिला होमगार्ड सरनोबत, म्हापण उपसरपंच अशोक पाटकर इ. उपस्थित होते.