🛑 जाळ्यात गुरफटलेल्या ऑलिव्ह रिडले जातीच्या कासवांना स्थानिक मच्छीमार युवकांनी दिले जीवदान..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-१३ :- उभादांडा मुठवाडी येथील समुद्र किनारी रविवार संध्याकाळी 5:00 च्या सुमारास काही स्थानिक मच्छीमार युवकांना समुद्र किनाऱ्यावर ऑलिव्ह रिडले जातीचे कासव जाळ्यात गुरफटलेले आढळून आले. त्यावेळी ललित गिरप, काशिनाथ गिरप, राजेश गिरप, ओंकार तांडेल, रुजल कुबल या स्थानिक मच्छीमार युवकांनी त्या कासवाची जाळ्यातून सुटका केली व त्यास जीवदान दिले व त्याला नैसर्गिक सागरी अधिवासात सोडण्यात आले. उभादांडा समुद्रकिनारी या प्रकारची कासवे अंडी देण्यासाठी येत असतात. ऑलिव्ह रिडले कासवाच्या घरट्यातून बाहेर पडलेल्या कासव पिल्लांचे स्थानिक मच्छीमार संगोपन करत असतात, त्यांच्या अंड्यांचे योग्य त्या प्रकारे संरक्षण करून मग अंड्यातून पिल्ले बाहेर आल्यावर त्यांना त्यांच्या नैसर्गिक सागरी अधिवासात सोडले जाते. कधी कधी मासेमारीची जाळी ही त्यांच्यासाठी धोकादायक बनू शकतात अशा प्रकारे मोठी कासवे त्यात अडकून मरण पावतात. उभादांडा मुठवाडी येथील समुद्र किनारी जाळ्यात अडकलेल्या कासवाची जाळ्यातून सुटका केली व त्यास जीवदान दिले.