🛑 कोरोनाच्या पार्श्वभूमीवर शहरात पानवळ येथे डेंग्यूचे तीन रुग्ण सापडल्याने भीतीचे वातावरण..

🛑 सरपंच अक्रम खान यांनी दिल्या आरोग्य विभागाला तात्काळ सर्वेक्षण करण्याच्या सूचना..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-१३ :- बांदा शहर व परिसरात कोरोनाचा प्रादुर्भाव हा वाढता आहे. या पार्श्वभूमीवर शहरात पानवळ येथे डेंग्यूचे तीन रुग्ण सापडल्याने भीतीचे वातावरण निर्माण झाले आहे. बांदा पानवळ वाडीत रुग्ण सापडल्याने सरपंच अक्रम खान यांनी तात्काळ आरोग्य विभागाला सर्वेक्षण करण्याच्या सूचना दिल्यात.

आज सकाळी रुग्ण मिळालेल्या परीसरात आरोग्य परिचारिका कीर्ती भाईप, आरोग्य सेवक दत्ताराम म्हापणकर यांनी सर्वेक्षण केले. यावेळी सरपंच अक्रम खान, ग्रामपंचायत सदस्य श्यामसुंदर मांजरेकर उपस्थित होते. आतापर्यंत या वाडीत तीन रुग्ण बाधित आढळले आहेत. परिसरात तापसरीचे रुग्ण असून त्यादृष्टीने आरोग्य विभागाकडून स्थानिकांना सतर्कतेच्या सूचना देण्यात आल्या आहेत.