🛑 कोरोना आजाराचा सामना करण्यास अयशस्वी ठरलेले निष्क्रिय पालकमंत्री, महाविकास आघाडी सरकारचा निषेध करण्यासाने भाजप कडून पुकारण्यात आले निषेध आंदोलन..

🛑 १४ जुन रोजी सकाळी १०:३० वाजता कुटीर रुग्णालयासमोर करणार आंदोलन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी,दि.१३-: जिल्ह्यात कोरोनाचे रुग्ण वाढत असताना देखील रुग्णालयातील अपुऱ्या सुविधा, कमी असलेला मेडिकल स्टाफ, कोरोना आजाराचा सामना करण्यास अयशस्वी ठरलेले निष्क्रिय पालकमंत्री, महाविकास आघाडी सरकारचा निषेध करण्यासाठी भाजप कडून निषेध आंदोलन पुकारण्यात आले आहे.

उद्या सोमवार दिनांक १४ जुन रोजी सकाळी १०:३० वाजता कुटीर रुग्णालय समोर हे आंदोलन भाजपकडून पुकारण्यात आले आहे. या आंदोलनात तालुक्यातील भाजपचे सर्व नगरसेवक, नगरसेविका, जिल्हा परिषद सदस्य, पंचायत समिती सदस्य, सरपंच, जिल्हा कार्यकारणी सदस्य, तालुक्यातील तिन्ही मडल कार्यकारणी सदस्य, महिला मोर्चा, मागासवर्गीय आघाडी, अल्पसंख्यांक आघाडी, शक्ती केंद्र प्रमुख, बूथ अध्यक्ष, कार्यकर्ते यांनी यावेळी उपस्थित रहावे असे आवाहन सावंतवाडी नगराध्यक्ष संजू परब, आंबोली मंडल अध्यक्ष संदीप गावडे, सावंतवाडी मंडल अध्यक्ष अजय गोंदावळे, बांदा मंडल अध्यक्ष महेश धुरी यांनी केले आहे.