🛑 पाट हायस्कूल कोविड सेंटर मध्ये आज ६ रुग्ण दाखल..

_*🛑 म्हापण सरपंच अभय ठाकूर व ग्रा. पं. सदस्य गुरूप्रसाद चव्हाण यांनी भेट देऊन आवश्यक सुविधांची पूर्तता करत रुग्णाचे मनोबल वाढविले..*_

_*🛑 म्हापण गावचे सुजाण नागरिक संजय ठाकुर यांनी १० दिवस या सर्व रुग्णांची जेवणाची जबाबदारी स्वीकारत समाजाला नवा आदर्श घालून दिला आहे..*_

_*🛑 समाजातील इतर व्यक्तींनीही अशाप्रकारे पुढे सरसावून यथाशक्ती मदत करण्याचे आवाहन सरपंच अभय ठाकुर यांनी म्हापण पंचक्रोशतील नागरिकांना केले आहे..

🎥 कोकण लाईव्ह ब्रेकिंग न्यूज
अचूक बातमी थेट हल्ला_

✍️ प्रतिनिधी : समीर चव्हाण

🎴वेंगुर्ले, दि-१३ :- पाट हायस्कूल येथे म्हापण, कोचारा, निवती ग्रामपंचायत यांनी संयुक्त रित्या सुरु करण्यात आलेल्या कोविड सेंटर मध्ये आज सकाळी ६ कोरोणा बाधित रुग्ण दाखल झाले आहेत. या सर्व रुग्णाची प्रकृती स्तिर आहे. दरम्यान या सर्व रुग्णांची कोविड सेंटर ला भेट देऊन म्हापण सरपंच अभय ठाकुर, ग्रामपंचायत सदस्य गुरूप्रसाद चव्हाण व भाजपा युवामोर्चा उपाध्यक्ष ता. वेंगुर्ला चंद्रकांत चव्हाण यांनी भेट देऊन या सर्व रुग्णांची विचारपूस केली व त्यांचे मनोबल वाढविले. येथील वीज, पाणी शौचालय या सर्व सुविधांची चाचपणी करून रुग्णांची गैरसोय होणार नाही याची खातरजमा केली.
त्याचबरोबर एक कौतुकाची गोष्ट अशी घडली की या सर्व ६ रुग्णांची १० दिवसांची जेवणाची व्यवस्था म्हापणचे सुजाण व सामाजिक भान असलेले ग्रामस्थ संजय पुरुषोत्तम ठाकुर यांनी करण्याची ठरविले आहे. अशाप्रकारे स्वतःहून पुढे येवून रुग्णांसाठी जेवणाची जबाबदारी स्वीकारत संजय ठाकुर यांनी समाजाला नवा आदर्श घालून दिला आहे व इतर समाजसेवी वृत्ती असणाऱ्या माणसांना समाजसेवेचा नवा मार्ग दाखवला आहे
म्हापण गावाच्या या कोरोणा विरुद्धच्या लढाईत ग्रामपंचायत पूर्ण ताकदीनिशी लढतेच आहे पण इतरांनीही आपापल्या मार्गाने अशाप्रकारे मुक्तहस्ते योगदान देत आपाल्या गावाला हि लढाई जिंकण्यासाठी अधिकाधिक सहकार्य करावे असे आवाहन म्हापण सरपंच अभय ठाकुर यांनी पंचक्रोशीत नागरिकांना केले आहे.
ज्यांना कोणाला आपल्या परीने या सामाजिक उपक्रमात योगदान द्यायचे असल्यास सरपंच किंवा ग्रामपंचायत प्रशासनाशी संपर्क साधावा.