🛑 राज्य उत्पादन शुल्कच्या सिंधुदुर्ग भरारी पथकाकडून आज बांद्यात गोवा बनावटीच्या दारु वाहतुकी विरोधात कारवाई..

🛑 तब्बल १० लाख ९ हजार २०० रुपयांच्या दारुसह ६ लाखांचा टेम्पो असा एकूण १६ लाखांचा मुद्देमाल जप्त..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-१२ :- राज्य उत्पादन शुल्कच्या सिंधुदुर्ग भरारी पथकाकडून आज बांद्यात गोवा बनावटीच्या दारु वाहतुकी विरोधात कारवाई करण्यात आली. यात तब्बल १० लाख ९ हजार २०० रुपयांच्या दारुसह ६ लाखांचा टेम्पो असा एकूण १६ लाखांचा मुद्देमाल जप्त करण्यात आला. याप्रकरणी दहिसर मुंबईतील दोन तरुणांना अटक करण्यात आली. बालाजी भागवत केदार (३७) व रकिसन राजाराम दिवटेवाड (४४) अशी त्यांची नावे आहेत.

मुंबई – गोवा महामार्गावर बांदा बसस्टँडसमोरील खालसा पंजाबी ढाब्यासमोर ही कारवाई करण्यात आली. दारु वाहतुकीसाठी वापरलेला टेम्पो (एमएच ०८ डीके १८६७) ताब्यात घेण्यात आला. ही कारवाई जिल्हा अधीक्षक डॉ. बी. एच. तडवी याच्या प्रत्यक्ष मार्गदर्शनाखाली सब इन्स्पेक्टर डी. एम. वायदंडे, जवान आर. डी. ठाकूर, डी. आर. वायदंडे, चालक आर. एस.शिंदे यांच्या पथकाने केली.पुढील तपास सब इन्स्पेक्टर डी.एम.वायदंडे करीत आहेत.