🛑 म्हापण ग्रामपंचायत क्षेत्रातील सर्व वाडींमध्ये होणार कोरोना चाचणी..

🛑 कोरोना रोखण्यासाठी आरोग्यविभाग व ग्रामपंचायत प्रशासन इन ॲक्शन ; सरपंच अभय ठाकुर यांचे नागरिकांना सहकार्य करण्याचे आवाहन..

🛑 गावातील १८ वर्षांवरील लस न घेतलेल्या व ४५ वर्षांवरील दुसरा डोस राहिलेल्या ग्रामस्थांचा तपशील जमा करण्याची आशावर्कर्सना सूचना..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-१२ :- म्हापण मध्ये गेले काही दिवस कोरोना रुग्णसंख्या अतिशय झपाट्याने वाढत आहे. याच पार्श्वभूमीवर म्हापण ग्रामपंचायत व कोविड नियंत्रण समिती म्हापण यांच्या वतीने अनेक महत्त्वपूर्ण निर्णय घेतले जात आहेत. कोरोणाला रोखण्यासाठी स्थानिक प्रशासनाने आता कंबर कसली असून अनेक ठोस पावलं त्यांनी उचलायला सुरुवात केली आहे. त्याचाच एक भाग म्हणून म्हापण ग्रामपंचायत क्षेत्रातील सर्व वाड्या वस्त्यांमध्ये कोरोणाची रॅपिड व आरटीपीसीआर या दोन्ही टेस्ट करण्याची मोहीम सध्या म्हापण मध्ये सुरू आहे.

त्याचप्रमाणे म्हापण ग्रामपंचायत क्षेत्रातील १८ वर्षावरील लस न घेतलेले व ४५ वर्षावरील दुसरा डोस राहिलेले अशा नागरिकांचा तपशील जमा करण्याची सूचना आशा वर्कर्स यांना देण्यात आलेली आहे. त्यामुळे लसीकरण मोहीम राबवण्यासाठी प्रशासनाला सोयीचे जाणार आहे. लसीकरणाचा वेग वाढविण्याचा प्रशासनाने ठरविले आहे.

१२ ते १७ जून या कालावधीत म्हापन बाजारपेठ पूर्णतः बंद राहणार असून अत्यावश्यक सेवा फक्त सुरू राहणार आहे. बाजारपेठेत नागरिक खरेदी करताना सोशल डिस्टंसिंग राखत नसल्याचेही निदर्शनास आले आहे. १२ ते १७ जून कालावधी दरम्यान विनाकारण कोणीही फिरताना आढळल्यास त्याच्यावर कठोर कारवाई केली जाईल अशी सूचना स्थानिक प्रशासनाकडून देण्यात आली आहे. त्याचप्रमाणे कोरोणा बाधित रुग्णांवर त्वरित उपचार करण्यासाठी पाठ हायस्कूल येथे चाळीस बेडची क्षमता असणारे सुसज्ज कोरोणा केअर सेंटरचा शुभारंभ काल करण्यात आला आहे.

या कोरोणा संकटात स्थानिक प्रशासन सर्वतोपरी नागरिकांची मदत करण्यासाठी सदैव सज्ज आहे; नागरिकांनीही सर्व नियमांचे पालन करून स्थानिक प्रशासनाला सहकार्य करावे व कोरोणाला आपल्या गावातून हद्दपार करण्यासाठी मोलाची भूमिका निभवावी असे आवाहन म्हापण ग्रामपंचायत सरपंच अभय ठाकूर यांनी केले आहे.

आजच म्हापन चव्हाणवाडी येथे कोरोना चाचणी सुरू असताना आरोग्य सेवक प्रवीण परब आरोग्य सेविका शलाका वालावलकर म्हापण ग्रामपंचायत सरपंच अभय ठाकूर उपसरपंच अशोक पाटकर भाजपा युवामोर्चा संघटना वेंगुर्ले तालुका उपाध्यक्ष चंद्रकांत चव्हाण व ग्रामस्थ उपस्थित होते.