🛑 डॉक्टर बाबासाहेब आंबेडकर साहित्यिक विचारमंच महाराष्ट्र – रत्नागिरी यांच्यावतीने रोनापाल गावच्या पोलीस पाटील सौ.निर्जरा परब यांना “कोरोनायोद्धा’ सन्मानपत्र देऊन करण्यात आला त्यांचा सन्मान..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-१२ :- डॉक्टर बाबासाहेब आंबेडकर साहित्यिक विचारमंच महाराष्ट्र – रत्नागिरी यांच्यावतीने रोनापाल गावच्या पोलीस पाटील सौ.निर्जरा परब यांना “कोरोनायोद्धा’ सन्मानपत्र देऊन त्यांचा सन्मान करण्यात आला आहे. कोरोना महामारीच्या काळात पोलीस पाटलांची मोठी मदत प्रशासनाला झाली आहे. होत आहे. या महामारीत स्वतः आघाडीवर राहून पोलीस पाटील काम करत आहेत. बाहेरून आलेल्या चाकरमानी आणि इतरांना क्वारटाईन करणे,त्यांची माहिती प्रशासनाला देणे, रुग्णांची प्रत्यक्ष अप्रत्यक्ष सेवा करणे अशी कामे पोलीस पाटील करत आहेत. सौ. निर्जरा परब यांच्या या कामाची दखल घेऊन त्यांना कोरोना योद्धा म्हणून सन्मानित करण्यात आले आहे. गेल्यावर्षीही त्यांना माहिती सेवा समिती, महाराष्ट्र पश्चिम ने कोरोना योद्धा म्हणून सन्मानित केले होते.याबद्दल सौ. निर्जरा परब यांचे अभिनंदन होत आहे.