🛑 आरोग्य विभागाच्या स्त्री परीचरना मार्चपासून मानधन नाही,तरीही स्वॅब घेणेसाठी राबवून घेतात ; कमलताई परूळेकर

🛑 कोविडचा वाढता संसर्ग लक्षात घेऊन तातडीने सर्व संरक्षक साधने स्त्री परीचरना उपलब्ध करून द्यावी ; अन्यथा जि.प.समोर आंदोलन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०९ :- आरोग्य विभागाकडे ए एन एम सोबत ग्रामीण भागात भेटी देण्यासाठी एकेक स्त्री परिचर असते.ती अर्धवेळ कामगार असली तरी काही नर्सेस त्याना दिवस दिवस राबवून घेतात.त्याना मानधन अवघे दरमहा 3000रूपये दिले जाते.तेही कधीच वेळेवर नसते.आता सगळीच कुटूंबे कोविडच्या विळख्यात बेजार झाली आहेत.घरातील पुरूषांचे रोजगार गेलेत.काही एकल कुटूंब प्रमुख आहेत.प्रचंड वाढलेल्या महागाईत स्त्री परीचरनी जगायचं कसं की आत्महत्या करायची असा सवाल कष्टक-यांच्या नेत्या कमलताई परूळेकर यानी आरोग्य प्रशासनाला केला आहे.

आता तर नर्सेसकडे गावोगावी फिरून स्वॅब टेस्टींगचे काम दिले गेले आहे.त्यांचेबरोबर स्त्रीपरीचरना फिरावे लागते.स्बॅब घेणेचे काम जरी सिस्टर करीत असल्या,तरी ट्यूबला बंद करणे,बाॅक्स भरणे,सांभाळून आणणे ही कामे विनासाधन परीचर भगिनीनाच करावी लागतात,ना त्याना मास्क दिले गेलेत,ना हॅन्डग्लोव्ज दिले गेलेत.सॅनिटायझरसुध्दा दीलेला नाही.प्रा.आरोग्य केंद्रातील सॅनिटायझर वापरण्याची त्याना परवानगीही नाही.पगार नसताना या सगळ्या गोष्टी ती कशी मॅनेज करील याचे भान आरोग्य अधिका-याना नसावे ही शरमेची गोष्ट आहे.कोविडचा वाढता संसर्ग लक्षात घेऊन तातडीने सर्व संरक्षक साधने स्त्री परीचरना उपलब्ध करून द्यावी अन्यथा जि.प.समोर आंदोलन करावे लागेल असा इशारा त्यांच्या नेत्या कमलताई परूळेकर यानी प्रशासनाला दिला आहे.