🛑 नर्मदा इंटरप्रायजेसचे बनावट पास बनवून बदमाकरणाऱ्यावरच कायदेशीर कारवाई करणार ; सुप्रिया पाताडे

🛑 कंपनीच्या नावाचे बनावट पास बनवून नाहक बदनामी करण्याचा डाव..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : रविकांत जाधव

🎴कासार्डे, दि-०८ :- कासार्डेतील नर्मदा इंटरप्रायजेसच्या नावाने बोगस पास व शिक्का बनवून तसेच खोट्या सहीने त्या पासचा गैरवापर करून याप्रकरणी आमच्या कंपनीची होत असलेली नाहक बदनामी कदापि सहन केली जाणार नाही ,याशिवाय नर्मदा इंटरप्रायजेस कंपनीच्या नावाचा गैरवापर करून सोशल मिडिया च्या माध्यमातून नाहक त्रास देणाऱ्यांवर कायदेशीर कारवाई करणार असल्याचा इशारा कंपनीचे मालक श्री.प्रितम सुभाष पाताडे व माजी जि.प. सदस्या सौ.सुप्रिया सुभाष पाताडे यांनी प्रसिद्धीस दिलेल्या पत्रकात म्हटले आहे.

सोशल मीडियावर जिल्हा नियोजन समितीचे सदस्य अतुल रावराणे यांनी जो बोगस पास सादर करून या संदर्भात माहिती देत कंपनीची बदनामी होईल अशी बातमी प्रसारित केली आहे.त्या बनावट पास संदर्भात त्यांनीच खुलासा करणे गरजेचे आहे.कोणतीही खातरजमा न करता एखाद्या कंपनीची बदनामी करण्याचा अधिकार त्यांना कोणी दिला असा सवालही करीत त्यांच्यावर कायदेशीर कारवाई का करू नये? असेही त्यांनी दिलेल्या पत्रकात नमूद केले आहे.

यासंदर्भात पाताडे यांनी जिल्हाधिकारी सिंधुदुर्ग व जिल्हा खणीकर्म अधिकारी सिंधुदुर्ग यांच्याकडे लेखी दाद मागितली आहे. पण गेली तीन महिने झाले संबंधितांकडून कोणताही खुलासा अथवा कारवाई झालेली नाही.उलट गेले तीन महिने आमचा वाहतूक पास व विक्री परवाना तात्पुरता स्थगित केल्यामुळे व्यवसाय बंद असून आर्थिक नुकसान होत आहे.याला जबाबदार कोण? असाही प्रश्न त्यांनी उपस्थित केला आहे.

तरी या प्रकरणी सखोल चौकशी करून वाहतूक पासांचा गैरवापर करणाऱ्या व्यक्तीवर कडक कारवाई करून कृपया आम्हास न्याय मिळावा तसेच आम्हाला वाहतूक पास वितरीत करणेबाबत आदेश करण्यात यावेत अशी मागणी नर्मदा इंटरप्रायजेसचे मालक प्रितम सुभाष पाताडे व सौ.सुप्रिया सुभाष पाताडे यांनी जिल्हाधिकारी सिंधुदुर्ग तसेच खनिकर्म अधिकारी सिंधुदुर्ग यांच्याकडे केली आहे.