🛑 वैभववाडी शहरासह लगतच्या एडगाव तिठ्यावर खुलेआम अवैध दारूविक्री सुरूच..

🛑 दारुमाफियांना ना पोलिसांचे भय राहिलेय, ना एक्साइज खात्याचे..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-०७ :- लॉककडाऊन मध्येही वैभववाडी शहरासह एडगाव तिठ्यावर अवैध दएकीकडे कोरोना काळात परमिट रूम बिअर बार, देशी दारू दुकान आणि बिअर शॉपिंवर कडक निर्बंध असताना वैभववाडी शहरासह लगतच्या एडगाव तिठ्यावर मात्र खुलेआम अवैध दारूविक्री सुरू आहे. या अवैध दारुमाफियांना ना पोलिसांचे भय राहिलेय, ना एक्साइज खात्याचे. दारू विक्री करताना पकडल्यावर स्वतः ऐवजी डमी आरोपी गुन्ह्यासाठी पुढे करायचा आणि कायद्यातील पळवाट शोधत अटकेऐवजी पोलिसांकडून केवळ नोटीस घेऊन काही तासांत घरी यायचे, ही सवय लागून राहिल्यामुळे निर्ढावलेल्या या दारू माफियांना कडक शासन होणार की नाही ? हा सवाल आहे. या अवैध दारू विक्रीचा बेकायदा धंदा करणाऱ्यांवर कायदेशीर कारवाई करण्याची मागणी वैभववाडी बार असोसिएशनच्या वतीने जिल्हाधिकाऱ्यांसह पोलीस अधिक्षकांकडे लेखी निवेदनाद्वारे करण्यात आली आहे. वैभववाडी बार असोसिएशनने दिलेल्या तक्रारीच्या निवेदनात म्हटले आहे, की वैभववाडी शहरातील गोपाळनगर येथील बारक्या निकम आणि वैभववाडी शहराच्या सिमेलगतच्या एडगाव तिठ्यालगत कॉर्नरला जितेंद्र सीताराम कदम उर्फ पप्या कदम व त्याचे कुटुंबीय गोवा बनावटीची विनापरवाना देशी आणि विदेशी दारूची राजरोसपणे विक्री करत आहेत. जितेंद्र कदम याच्यावर यापूर्वी गुन्हा दाखल होऊनही त्याला कायद्याचा धाक राहिलेला नाही. डमी माणूस उभा करून त्याच्यावर गुन्हा दाखल केला जातो. परमिट रूम परवाना असल्यासारखा गिऱ्हाईकांसाठी बैठक व्यवथा करतो. त्यामुळे लॉकडाऊन काळात सहज मिळणाऱ्या दारू खरेदीसाठी त्यांच्याकडे गर्दी होते. साहजिकच कोव्हीड -19 नियमांचा भंग होऊन कोरोना फैलावण्यास जितेंद्र कदम आणि बारक्या निकम हे कारणीभूत होत आहेत. यातील काही ग्राहक कोव्हीड पॉझिटिव्ह होऊन समाजात फिरतात आणि त्याने कोरोनाचा फैलाव अधिक होतो. वैभववाडी तालुक्यातील ग्रामीण भागातही गोवा बनावटीच्या अवैध दारुसह विना परवाना देशी-विदेशी दारूची विक्री मोठ्या प्रमाणात होत आहे. यावर कडक कारवाई करण्याची मागणी वैभववाडी बार असोसिएशनच्या वतीने हॉटेल राव परमिट रूम, हॉटेल वैभव परमिट रूम, हॉटेल अरविंद परमिट रूम, कदम देशी दारू दुकान, रावराणे देशी दारू दुकान, नेवरेकर देशी दारू दुकान, एस. दरबार बिअर शॉपी यांनी केली आहे.