🛑 दुःखद घटना माड्याचीवाडी हायस्कूलचे मुख्याध्यापक संतोष राऊळ सर यांचे निधन ; अख्खी म्हापण पंचक्रोशी शोकसागरत..

🛑 आपल्या शांत व सेवाभावी वृत्तीमुळे समाजात त्यांना होत आदरच स्थान..

🛑 दिड वर्षापूर्वी त्यांच्या पत्नी व सर्वांच्या लाडक्या शिक्षिका टिकम मॅडम यांनी घेतला होता जगाचा निरोप..

🛑 एक आदर्श असं शिक्षक दांपत्य काळाच्या पडद्याआड गेल्याने सर्वत्र होत आहे हळहळ व्यक्त..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-०६ :- आज सायंकाळी माड्याच्यावाडी हायस्कूलचे मुख्याध्यापक व पाट हायस्कूलचे प्रिय शिक्षक श्री संतोष राऊळ सर यांचेहृदयविकाराच्या तीव्र झटक्याने निधन झाले. त्यांच्या निधनाच्या वार्तेने संपूर्ण म्हापण पंचक्रोशीतून हळहळ व्यक्त करण्यात येत आहे. शांतप्रिय, मितभाषी, उच्चशिक्षित, समाजसेवी, प्रेमळ ही त्यांच्या व्यक्तिमत्त्वाची खास वैशिष्ट्ये होती. पाट हायस्कूलमध्ये राऊळ सर गणित व विज्ञान हे विषय शिकवायचे मात्र गेली दीड वर्ष ते माड्याचीवाडी हायस्कूल येथे मुख्याध्यापक म्हणून कार्यरत होते. त्यांची शिकवायची पद्धत एकदम साधी सोपी होती त्यामुळे विद्यार्थ्यांना ती पटकन लक्षात यायची त्यांची वागणूक सुद्धा विद्यार्थ्यांबरोबर अतिशय प्रेमाची असल्याने विद्यार्थी वर्गामध्ये ते अत्यंत प्रिय होते. स्वभावाने शांत असल्याने समाजात सुद्धा त्यांना आदराचं स्थान होतं समाजसेवा करणे गरीब गरजू व गुणवान विद्यार्थ्यांच्या पाठीशी नेहमी उभा राहणे हे त्यांच्या व्यक्तिमत्त्वाचे विशेष गुण होते. ते एक आदर्श शिक्षक होतेच त्याचबरोबर ते एक गुणी सहकारी सुद्धा होते त्यामुळेच त्यांचे सर्व सहकारी कर्मचारी सुद्धा त्यांच्या अशा अकाली जाण्याने हळहळ व्यक्त करत आहेत.
त्यांच्या पश्चात एक मुलगी एक मुलगा व बहीण असा परिवार आहे. दिड वर्षापूर्वीच त्यांच्या पत्नीचे निधन झाले होते. त्या सुद्धा पेशाने शिक्षिका होत्या. हे दांपत्य आदर्श शिक्षक दांपत्य म्हणून ओळखले जात होते. या दांपत्याच्या जाण्याने मुल पोरकी झाली आहेत.