🛑 दुसऱ्या लॉकडाऊनची राजापुरातील गोष्ट.. 

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अद्वैत अभ्यंकर

🎴राजापूर दि०६ :- जिल्हाधिकारी यांच्या आदेशाने राजापुरात देखील ३ जून पासून लॉकडाऊन आरंभलेले आहे …अर्थात याचा प्रभाव कितपत आहे हे कोंढेतड प्रकरणावरून पुढे आलेले आहेच. लॉकडाऊन म्हणजे कोरोनाचा प्रादुर्भाव रोखण्यासाठी उचललेले पाऊल असले तरी अती जीवनावश्यक गोष्टी नागरिकांपर्यंत पोहोचू द्यायच्याच नाहीत असा त्याचा अर्थ नसावा..दूध हे तर रुग्ण, लहान बालके यांना गरजेचेच..तसे ते सर्वांनाच आवश्यक. दुधाने म्हणे प्रतिकारशक्ती वाढते असो. लॉकडाउनमध्ये दूध घरपोच देण्यासाठी सवलत असताना आज पोलीस यंत्रणेने ओणीहुन दररोज शहरात किमान ४० लिटर दुध घरोघरी वितरित करणाऱ्या व्यक्तीला जकात नाका येथूनच परत पाठवले..४० लिटर दुध म्हणजे किमान ५० कुटुंबे आज यामुळे व्यथित झाली असणारच..आता या कुटुंबातील लोकांनी आपली बालके, वृद्ध याना दूध मिळवून देण्यासाठी घराबाहेर पडणे प्रशासनाला अपेक्षित आहे काय ? कोरोनाच्या नावाखाली ही दडपशाही नव्हे तर काय ?

कोरोनाचा प्रादुर्भाव रोखण्यासाठी जर प्रशासन एवढे सतर्क आहे तर अगदी कालचा प्रकार नेमकं काय दर्शवतो ?

काल दुपारी अडीच वाजता आपल्या स्कुटीवर बॅग असलेला एक तरुण राजापूरच्या पंपावर पेट्रोल भरत होता.. आपला रिपोर्ट पोजिटिव्ह आलेला असून आपण रायपाटण येथील कोविड सेंटरमध्ये जात असल्याचे त्याने सांगितले..हे ऐकून पेट्रोल पंपावरच्या कर्मचाऱ्यात घबराट उडाली..रिपोर्ट पोजिटिव्ह आलेल्या रुग्णाला जर परस्पर असे सोडले जात असेल तर नागरिकांपर्यंत दूध पोहोचू न देण्याचा अट्टहास कशासाठी ??