🛑 सतर्क पोलीस टाईम्स व आरोग्य हक्क कृती समिती यांच्या २० जून नंतरच्या आत्मक्लेश उपोषणास अखिल भारतीय भंडारी समाज महासंघाचा जाहीर पाठिंबा ; नविनचंद्र बांधिवडेकर

June 5, 2021 Pratik Rane

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्यूरो न्यूज : कोकण लाईव्ह बेकिंग

🎴सिंधुदुर्ग, दि-०५ :- सिंधुदुर्ग जिल्ह्यात कोरोना महामारीच्या काळात रुग्णांची वाढती संख्या, कोरोना रुग्णांचे वाढते मृत्युचे प्रमाण व ढासळलेली आरोग्य यंत्रणेमुळे कोरोना रुग्णांचा पॉझिटिव्ह रेट वाढत आहे. त्यामुळे सिंधुदुर्ग जिल्ह्यात कोरोना प्रादुर्भाव वाढला असल्याने जिल्हावासीयांची चिंता वाढली आहे.

सिंधुदुर्गातील कोरोना काळातील महामारीचा वाढता प्रादुर्भाव व कोरोना मूळे मोठ्या प्रमाणात होत असलेली जीवितहानी यापुढे रोखण्यासाठी प्रमुख जिल्हा शल्य चिकित्सक तसेच प्रशिक्षित डॉक्टर, परिचारिका व स्टाफ यांची रिक्त पदे तात्काळ भरण्यात यावीत तसेच सिंधुदुर्ग जिल्ह्यातील जनभावनेचा विचार करता शासकीय मेडिकल कॉलेज व रुगणालाय व्हावे ही सिंधुदुर्गवासीयांची मागणी आहे. याकरिता सतर्क पोलीस टाईम्स वृत्तपत्र समूह व आरोग्य हक्क कृती समिती, सिंधुदुर्ग च्या माध्यमातून संयुक्तपणे दिनांक २०जून २०२१ रोजी नंतर जिल्ह्यातील महिला व पुरुष अश्या १५ सदस्यांना घेऊन जिल्हाधिकारी कार्यालय ओरोस येथे जनहितार्थ ” बेमुदत आत्मक्लेश उपोषण” करण्यात येणार असल्याने त्यास अखिल भारतीय भंडारी समाज महासंघाचे राष्ट्रीय अध्यक्ष नविनचंद्र बांधिवडेकर यांनी पाठिंबा असल्याचे कळविले आहे.

जिल्ह्यातील कोरोना प्रादुर्भाव रोखण्यासाठी व कोरोनामुळे होणारे मृत्यू थांबवण्यासाठी वैद्यकीय मूलभूत सोई सुविधा उपलब्ध करून द्याव्यात तसेच जिल्हा शल्य चिकित्सक व डॉक्टर, परिचारिका व स्टाफ यांची रिक्त पद भरून तात्काळ नव्याने नियुक्ती करण्यात यावी तसेच जिल्ह्यात शासकीय वैद्यकीय कॉलेज व रुग्णालय व्हावे या मागणीकरिता सिंधुदुर्ग जिल्ह्यातील सर्व संस्था, पत्रकारबंधु व डिजिटल मीडिया प्रतिनिधींनी जिल्ह्यातील नागरिकांच्या आरोग्याच्या प्रश्नाकरीत एकत्र यावे असे आवाहन केले आहे. याकरिता सतर्क पोलीस टाईम्स व आरोग्य हक्क कृती समिती, सिंधुदुर्ग यांच्या माध्यमातून करण्यात येणाऱ्या बेमुदत आत्मक्लेश उपोषणास पाठिंबा द्यावा असे आवाहन नविनचंद्र बांधिवडेकर यांनी केले आहे. तसेच जिल्ह्यातील भंडारी समाजाचे पदाधिकारी हेमंत करंगुटकर, प्रकाश पावसकर, एकनाथ पिंगुळकर, उत्तम मोबारकर यांनीही जाहीर पाठिंबा दिलेला आहे.

राष्ट्रीय अध्यक्ष नविनचंद्र बांधिवडेकर यांनी सतर्क पोलीस टाईम्स व आरोग्य हक्क कृती समिती यांच्या माध्यमातून संविधानिक पद्धतीने जिल्ह्यात शासकीय वैद्यकीय महाविद्यालय व रुग्णालय तसेच आरोग्य व्यवस्था सुधारावी याकरिता करण्यात येणाऱ्या बेमुदत आत्मक्लेश उपोषणास जाहीर पाठिंबा असल्याचे कळविल्याबाबत राजन रेडकर सल्लागार संपादक, सतर्क पोलिस टाईम्स, व बाळासाहेब सावंत आरोग्य हक्क कृती समितीचे अध्यक्ष व जेष्ठ शेतकरी नेते, आशिष सुभेदार सावंतवाडी प्रतिनिधी, सौरभ नागोळकर, सिद्धेश शेलटे वेंगुर्ला प्रतिनिधी यांनी आभार व्यक्त केले आहेत.

Leave a Reply