🛑 उठा सिंधुदुर्ग वासियांनो आता तरी निदान आपल्या बहुमूल्य आरोग्याच्या हक्कासाठी जागे व्हा..

June 5, 2021 Pratik Rane

🛑 सतर्क पोलीस टाईम्स व आरोग्य हक्क कृती समिती, सिंधुदुर्ग यांच्यावतीने करण्यात येणाऱ्या आत्मक्लेश उपोषणास मानवाधिकार न्याय सुरक्षा ट्रस्ट, सिंधुदुर्ग चा जाहीर पाठिंबा ; भूषण विलास मांजरेकर

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्यूरो न्यूज : कोकण लाईव्ह ब्रेकिंग

🎴सिंधुदुर्ग, दि-०५ :- सिंधुदुर्गातील कोरोना काळातील महामारीचा वाढता प्रादुर्भाव व कोरोना मूळे मोठ्या प्रमाणात झालेली जीवितहानी रोखण्यासाठी प्रमुख जिल्हा शल्य चिकित्सक तसेच प्रशिक्षित डॉक्टर, परिचारिका व ईतर आरोग्य कर्मचारी यांची रिक्त पदे लवकरात लवकर भरण्यात यावीत. तसेच सिंधुदुर्गात जिल्ह्याचे हक्काचे “शासकीय वैद्यकीय महाविद्यालय (GMC Sindhudurg)” व रुग्णालय होणे ही काळाची गरज आहे. सिंधुदुर्गवासीयांच्या या मागण्या बाबतचा योग्य तो निर्णय न झाल्यास सतर्क पोलीस टाईम्स वृत्तपत्र समूह व आरोग्य हक्क कृती समिती, सिंधुदुर्ग च्या माध्यमातून संयुक्तपणे दिनांक २०जून २०२१ रोजी नंतर जिल्ह्यातील महिला व पुरुष अश्या १५ सदस्यांना घेऊन सिंधुदुर्ग जिल्हाधिकारी कार्यालय, सिंधुदुर्गनगरी, ओरोस येथे जनहितार्थ “बेमुदत आत्मक्लेश उपोषण” करण्यात येणार असल्याने त्यास “मानवाधिकार न्याय सुरक्षा ट्रस्ट, सिंधुदुर्ग” (Human Rights Justice Protection Trust) यांचा पूर्ण पाठिंबा असल्याचे सिंधुदुर्ग जिल्हाध्यक्ष(मानवाधिकार न्याय सुरक्षा ट्रस्ट,नवी दिल्ली) भूषण मांजरेकर यांनी कळविले आहे.

महाराष्ट्र राज्यात सिंधुदुर्ग जिल्ह्याने कोरोना महामारीच्या काळात गाठलेला उच्चांक, कोरोना रुग्णांचे वाढते मृत्युचे प्रमाण व ढासळलेल्या आरोग्य यंत्रणेमुळे कोरोना रुग्णांचा पॉझिटिव्ह असण्याचा रेट वाढत आहे. तसेच म्युकर मायकोसिस सारख्या इतर आरोग्य व्याधी संबंधित योग्य उपचार व निदान, वैद्यकिय उपकरणाचा तसेच सोयी सुविधा, प्रशिक्षित डॉक्टर ह्यांचा अभाव यामुळे सिंधुदुर्ग जिल्ह्यात कोरोना प्रादुर्भाव वाढला असल्याने जिल्हावासीयांची चिंता वाढली आहे.

सिंधुदुर्ग जिल्ह्यातील सर्व सामान्य व्यक्ति, सर्व सामाजिक संस्था, प्रतिष्ठान, आरोग्यमित्र, रक्तमित्र, सामाजिक कार्यकर्ते, पत्रकार व डिजिटल मिडिया प्रतिनिधी ह्यांनी सिंधुदुर्ग जिल्ह्यातील ह्या अत्यावश्यक व भविष्यासाठी हितावह असलेल्या शासकीय वैद्यकीय महाविद्यालय तसेच जिल्हा रुग्णालय व आरोग्य विभाग रिक्त पद नियुक्ती तात्काळ व्हावी, तसेच जनसामान्यांना वैद्यकीय सुविधा मिळाव्यात याकरिता एकत्र येण्याची गरज आहे. जिल्ह्यातील नागरिकांच्या आरोग्याच्या प्रश्नाकरीत एकत्र येऊन, सतर्क पोलीस टाईम्स व आरोग्य हक्क कृती समिती, सिंधुदुर्ग यांच्या माध्यमातून करण्यात येणाऱ्या बेमुदत आत्मक्लेश उपोषणास आपण सर्वांनी पाठिंबा द्यावा असे आमचे आपणास भावनिक जाहीर आवाहन आहे.

Leave a Reply