🛑 गोवा बनावटीच्या बेकायदा दारु वाहतुकीविरोधात एका दिवसात तब्बल सव्वा कोटींची दारू पकडली..

🛑 राज्य उत्पादन शुल्क विभागाची कारवाई ; अवैध दारू वाहतूक दारांचे धाबे दणाणले..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शैलेश गवस

🎴बांदा, दि-०२ :- गोवा बनावटीच्या बेकायदा दारु वाहतुकीविरोधात एका दिवसात तब्बल सव्वा कोटींची दारू पकडून प्रथमच एवढी मोठी कारवाई केली. मंगळवारी पहाटे 72 लाखाची दारू कारवाई केली असतानाच सायंकाळी 7च्या सुमारास गोव्याहून मुंबईच्या दिशेने जाणाऱ्या कॅन्टरवर कारवाई करत 34 लाख 66 हजार 560 रुपयाची दारू, 11 लाख रुपयाचा कॅन्टर व 10 हजार रुपयाचा इतर मुद्देमाल असा एकूण 45 लाख 76 हजार 560 रुपयाचा मुद्देमाल ताब्यात घेतला.या गाडी मध्ये विविध महागड्या ब्रँडच्या दारूचे तब्बल 344 बॉक्स आढळून आले.तर या प्रकरणी बडोदा गुजरात व घाटकोपर मुंबई येथील दोन संशयिताना ताब्यात घेतले. हि कारवाई मंगळवारी सायंकाळी 7 च्या सुमारास केली. काल दिवसभर राज्य उत्पादन शुल्क विभागाचे जिल्हा अधीक्षक बी एच तडवी ठाण मांडून होते त्यांनीच या दोन्ही कारवाया केल्याने अवैध वाहतूक दारांचे धाबे दणाणले आहेत.

याबाबत अधिक माहिती अशी कि, गोव्यातून मुंबईच्या दिशेने दारू वाहतूक होणार असल्याची पक्की माहिती राज्य उत्पादन शुल्क विभागाला होती.त्या पाश्वभूमीवर अधीक्षक बी एच तडवी आपल्या सहकाऱ्या समवेत गोव्यातून सिंधुदुर्ग मध्ये येणाऱ्या प्रत्येक वाहनांची कसून तपासणी करत होते. त्याच दरम्यान जी जे06 बीटी2021 हा कॅन्टर इन्सुली तपासणी नाका येथे आला असता त्याला थांबण्याचा इशारा केला गाडीत काय असे विचारले असता बॅरल असल्याचे चालकाने सांगितले.कर्मचारी यांना संशय आल्याने तपासणी केली असता त्यात बॅरल मध्ये प्रत्येकी दोन बॉक्स गोवा बनावटीच्या दारूचे असल्याचे उघड झाले. पूर्ण तपासणी केली असता त्यात 398 बॉक्स असल्याचे दिसून आले. यात 54 बॉक्स बियर, मॅक्डोल चे 108 बॉक्स, मॅक्डोल छोटे 30 बॉक्स, ब्लू सेवन व्हिस्कीचे 52 बॉक्स, टूबग माइल्डचे 24 बॉक्स, किंगफिशर माइल्डचे 30 बॉक्स, इम्पेरियल ब्लुचे 100 बॉक्स असा एकूण 398 बॉक्स दारू जप्त केली तर त्याची बेकायदा वाहतूक करणारे कॅन्टर व मोबाईल जप्त केले .तर दारू वाहतूक करणाऱ्या बडोदा गुजरात व घाटकोपर मुंबई येथील दोघाना ताब्यात घेतले.

हि कारवाई अधीक्षक बी एच तडवी, प्रभारी निरीक्षक शैलेंद्र चव्हाण, दुय्यय निरीक्षक शिवाजी काळे, अमित पाडाळकर, बापूसाहेब डोने, ए एम चव्हाण, जवान रमेश चंदुरे, शरद साळूंखे, शिवशंकर मुपडे, आर एच पाटील यांनी केली