🛑 म्हापण गावातच कोविड सेंटर सुविधा सुरु करण्याचा निर्णय..

🛑 म्हापण बाजारपेठेत अनावश्यक फिरणाऱ्यांची होणार रॅपिड टेस्ट..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-२८ :- मा. जिल्हाधिकारी सिंधुदुर्ग व पंचायत समिती वेंगुर्ला स्तरावरून देण्यात आलेल्या मार्गदर्शक सुचनांनुसार म्हापण गावातील केंद्रशाळा म्हापण नं. १, पूर्ण प्राथ. शाळा म्हापण – खवणे, प्राथमिक शाळा म्हापण खवणेश्वर व प्राथ. शाळा मळई अशा चार ठिकाणी कोविड सेंटर सुविधा सुरु करण्याचा निर्णय आजच्या कोविड प्रतिबंध नियंत्रण समिती, म्हापणच्या सभेत घेण्यात आला. या कोविड सेंटरमध्ये गावातील ५० वर्षाखालील व सौम्य लक्षणे असणार्‍या पॉझिटीव्ह रुग्णांना ठेवण्यात येणार आहे. तसेच ५० वर्षावरील रुग्णांना होम आयसोलेशन मध्ये ठेवण्यात येईल.

तसेच म्हापण बाजारपेठ येथे सकळी ११ वा. च्या नंतरही अनावश्यक कामासाठी फिरणार्‍या लोकांची संख्याही मोठी असुन त्यावर नियंत्रण मिळविणे आवश्यक आहे. त्यासाठी बाजारपेठ येथे ११ नंतर आढळणार्‍या लोकांची रॅपीड टेस्ट घेवुन पॉझिटीव्ह आठळणार्‍या रुग्णांना ओरोस येथे पाठविण्याचे सभेत ठरले. त्यानुसार आरोग्यसेवक श्री. प्रविण परब यांनी आज ६ जणांची कोरोना चाचणी घेतली असता सर्व ६ टेस्ट निगेटिव्ह आल्या आहेत. तरी नागरीकांनी अनावश्यक घराबाहेर पडू नये असे आवाहन म्हापण ग्रामपंचायतीच्या मार्फत करण्यात येत आहे.