🛑 ज्येष्ठ दशावतारी कलाकार भास्कर देऊ सुतार यांच्या दुचाकीला अपघात ; डोकिला  जबर दुखापत झाल्याने त्यांना बांबोळी गोवा येथे अधिक उपचारासाठी दाखल

🎥 कोकण लाईव्ह ब्रेकिंग न्यूज

अचूक बातमी थेट हल्ला

 ✍️ प्रतिनिधी : शंकर जाधव

🎴दोडामार्ग, दि-२५ :- पिकुळे गावचे ज्येष्ठ दशावतारी कलाकार भास्कर देऊ सुतार हे आपल्या दुचाकीवरून प्रवास करत असताना दुचाकीवरचा ताबा सुटून अपघात होऊन त्यांच्या डोकीला जबर दुखापत झाल्याने त्यांना तात्काळ बांबोळी गोवा येथे अधिक उपचारासाठी दाखल करण्यात आले आहे. हा अपघात आज मंगळवारी दुपारी दीड ते दोन वाजण्याच्या सुमारास दोडामार्ग ते तिलारी मार्गावर कोनाळ या ठिकाणी झाला सध्या त्यांच्यावर उपचार सुरू आहेत.

भास्कर सुतार सध्या झरेबांबर याठिकाणी राहतात ते आज सकाळी पिकुळे आपल्या गावी कामानिमित्त गेले होते तेथील काम आटपून तिलारी ला गेले असता दोडामार्ग ते तिलारी मार्गावर कोनाळ याठिकाणी त्यांचा आपल्या दुचाकीवरचा ताबा सुटुल्याने दुचाकी रस्त्याच्या कडेला गटार कोसळली आणि अपघात झाला असावा असा प्राथमिक अंदाज वर्तविला जात आहे .

कोनाळ येथील सरपंच पराशर सावंत व नामदेव गवस  यांना याठिकाणी अपघात झाल्याचे समजताच त्यांनी घटनास्थळी धाव घेतली सदर अपघात ग्रस्त गाडी व व्यक्तीची ओळख पटली नाही येथीलच या युवकाने अपघात ग्रस्त व्यक्तीचा आपल्या मोबाईल मध्ये  फोटो काढून येथील दशावतारी कलाकार सुभाष लोंढे यांना दाखविला असता अपघात ग्रस्त व्यक्ती ही भास्कर सुतार असल्याचे समजताच श्री लोंढे यांनी घटनास्थळी धाव घेतली आणि तात्काळ 108 रुग्णवाहिका बोलावून त्यांना प्रथम साटेली भेडशी प्राथमिक आरोग्य केंद्रात दाखल केले डोकीला जबर दुखापत झाली असल्याने त्यांना दोडामार्ग ग्रामीण रुग्णालयात अधिक उपचारासाठी हलविण्यात आले त्यांना तेथूनही येथील डॉक्टर यांनी त्यांना अधिक उपचारासाठी बांबोळी गोवा याठिकाणी घेऊन जाण्याचा सल्ला दिल्याने सुतार यांना तात्काळ बांबोळी गोवा याठिकाणी दाखल करण्यात आले असून त्यांच्यावर अधिक उपचार सुरू आहेत.