🛑सासोलीच्या सामायिक जमीन प्रश्नाला जयंत पाटील यांचे पाठबळ; ग्रामस्थांच्या संघर्षात उतरण्याची ग्वाही!

*🛑सासोलीच्या सामायिक जमीन प्रश्नाला जयंत पाटील यांचे पाठबळ; ग्रामस्थांच्या संघर्षात उतरण्याची ग्वाही!*

 

*🛑२० हजार झाडांची तोड झाल्याचा ग्रामस्थांचा दावा; कारगिलमध्ये देशासाठी लढलेल्या माजी सैनिकाची हक्काच्या जमिनीसाठी व्यथा, महसूल मंत्र्यांकडे पाठपुरावा करण्याचे जयंत पाटील यांचे आश्वासन.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴दोडामार्ग, दि- ०६:-* सासोली येथील सामायिक जमिनींच्या प्रश्नावरून सुरू असलेल्या संघर्षाला आता राजकीय पाठबळ मिळू लागले आहे. राष्ट्रवादी काँग्रेस (शरदचंद्र पवार) पक्षाचे प्रदेशाध्यक्ष आमदार जयंत पाटील यांनी आज सासोली येथे भेट देत ग्रामस्थांकडून जमीन व्यवहार, कथित गैरप्रकार आणि पर्यावरणाच्या हानीबाबत सविस्तर माहिती जाणून घेतली. यावेळी त्यांनी ग्रामस्थांसमवेत वादग्रस्त जमीन परिसराची पाहणी केली. कंपनीकडून सामायिक जमिनींवर संमतीशिवाय ताबा मिळविणे, मोठ्या प्रमाणात डोंगरकापणी व वृक्षतोड करणे, तसेच कथित बनावट कागदपत्रांच्या आधारे जमीन व्यवहार झाल्याचे गंभीर आरोप ग्रामस्थांनी त्यांच्यासमोर मांडले.

सासोलीतील सामायिक जमिनींचा प्रश्न गेल्या काही वर्षांपासून वादाच्या भोवऱ्यात आहे. ग्रामस्थांच्या म्हणण्यानुसार, सामायिक जमिनींच्या व्यवहारात कंपनीकडून परवानगी व संमतीबाबत गंभीर प्रश्न उपस्थित होत आहेत. काही जमिनींच्या व्यवहारात ग्रामस्थांची संमती नसताना कागदपत्रे तयार करण्यात आल्याचा, तसेच महसूल अधिकाऱ्यांना हाताशी धरून कथित बनावट दस्तऐवजांच्या आधारे सनद मिळविण्यात आल्याचा आरोप करण्यात आला आहे.

या जमीन व्यवहाराच्या अनुषंगाने परिसरात मोठ्या प्रमाणात डोंगरकापणी, उत्खनन आणि वृक्षतोड झाल्याचा मुद्दाही ग्रामस्थांनी उपस्थित केला. सुमारे २० हजार झाडांची तोड झाल्याचा दावा करत ग्रामस्थांनी पर्यावरणाच्या हानीबाबत चिंता व्यक्त केली. रस्ते तयार करण्याच्या नावाखाली आपल्या जमिनीत घुसखोरी केली जात असल्याचा आरोपही त्यांनी केला.

 

*‘कारगिलमध्ये देशासाठी लढलो, आता स्वतःच्या जमिनीसाठी लढतोय!’*

 

या भेटीदरम्यान एका माजी सैनिकाने जयंत पाटील यांच्याशी संवाद साधताना आपली व्यथा मांडली. “कारगिल युद्धात मी देशासाठी लढलो; मात्र आज स्वतःच्याच गावात माझ्या हक्काच्या जमिनीसाठी मला लढण्याची वेळ आली आहे,” अशा शब्दांत त्यांनी आपली खंत व्यक्त केली. देशाच्या रक्षणासाठी सीमेवर लढलेल्या सैनिकाला आता स्वतःच्या जमिनीच्या हक्कासाठी संघर्ष करावा लागत असल्याची भावना त्यांनी व्यक्त केली.

माजी सैनिकाची व्यथा ऐकल्यानंतर आमदार जयंत पाटील यांनी या प्रकरणात महसूल मंत्र्यांशी चर्चा करून पाठपुरावा करण्याचे आश्वासन दिले. तसेच संबंधित ग्रामस्थांनी आपली कैफियत लेखी स्वरूपात मांडावी. यासाठी माननीय उच्च न्यायालयाचे मुख्य न्यायमूर्ती, देशाचे पंतप्रधान आणि राष्ट्रपती यांच्याकडेही पत्रव्यवहार करून हा प्रश्न त्यांच्या निदर्शनास आणून द्यावा, असे मार्गदर्शन त्यांनी केले.

 

*गावाचे नावच लपविण्याचा प्रयत्न होत असल्याचा महिलांचा आरोप!*

 

यावेळी महिला ग्रामस्थांनीही आपल्या भावना तीव्र शब्दांत मांडल्या. संबंधित कंपनीकडून सिंधुदुर्ग जिल्हा आणि दोडामार्ग तालुक्याची ओळख बाजूला ठेवून सासोली गावाचा उल्लेख ‘सासोली, गोवा’ असा केला जात असल्याचा आरोप महिलांनीj केला. गावाचे नाव आणि त्याची भौगोलिक ओळख लपविण्याचा हा प्रयत्न असल्याची शंका व्यक्त करत महिलांनी याबाबत नाराजी व्यक्त केली. आपल्या गावाच्या अस्तित्वाशी आणि ओळखीशी संबंधित हा गंभीर विषय असल्याचे त्यांनी जयंत पाटील यांच्या निदर्शनास आणून दिले.

 

*विधिमंडळातही उपस्थित केला होता प्रश्न*

 

या प्रकरणाची गंभीरता लक्षात घेता जयंत पाटील यांनी यापूर्वी विधिमंडळाच्या अधिवेशनातही हा विषय उपस्थित केला होता. त्यानंतर महसूल मंत्र्यांच्या आदेशानुसार कोकण विभागीय आयुक्तांनी सासोली येथे भेट देऊन परिस्थितीची पाहणी केली होती. मात्र, अद्याप ग्रामस्थांच्या प्रश्नांना अपेक्षित न्याय मिळालेला नसल्याची भावना ग्रामस्थांनी व्यक्त केली.

यावेळी बोलताना जयंत पाटील यांनी जमीन प्रकरणातील कथित गैरप्रकार आणि संबंधित अधिकाऱ्यांच्या भूमिकेचा मुद्दा महसूल मंत्र्यांच्या निदर्शनास आणून देण्याची ग्वाही दिली. तसेच मुंबई उच्च न्यायालयाच्या कोल्हापूर सर्किट बेंचमध्ये ग्रामस्थांची बाजू सक्षमपणे मांडता यावी, यासाठी चांगला वकील उपलब्ध करून देण्याबाबत प्रयत्न केले जातील, असेही त्यांनी सांगितले.

दरम्यान, कंपनीकडून काही ग्रामस्थांच्या जमिनी घेण्यात आल्या असल्या तरी संबंधितांना अपेक्षित मोबदला अथवा हक्काचा हिस्सा मिळाला नसल्याचा आरोप करण्यात आला. आपल्या जमिनीत प्रवेश करण्यास अडथळे निर्माण केले जात असून, तहसील कार्यालय आणि पोलीस ठाण्यात तक्रारी करूनही न्याय मिळत नसल्याची व्यथाही ग्रामस्थांनी मांडली.

या दौऱ्यादरम्यान जयंत पाटील यांनी सासोलीतील ग्रामदैवत श्री देवी सातेरी मंदिरात दर्शन घेतले. त्यानंतर ग्रामस्थांसमवेत जमीन प्रश्नावर सविस्तर चर्चा केली. देवस्थान समितीचे अध्यक्ष कृष्णा गवस यांनी ग्रामस्थांच्या वतीने त्यांचे स्वागत व सत्कार केला. यावेळी मनोज गवस, महेश ठाकूर यांच्यासह मोठ्या संख्येने ग्रामस्थ उपस्थित होते.

सासोलीतील सामायिक जमिनींचा प्रश्न आता केवळ मालकी हक्कापुरता मर्यादित राहिलेला नाही. पर्यावरणाची हानी, महसूल प्रशासनाची भूमिका, कथित जमीन गैरव्यवहार आणि ग्रामस्थांच्या न्याय्य हक्कांचा हा महत्त्वाचा प्रश्न बनला आहे. विशेषतः देशासाठी लढलेल्या माजी सैनिकालाही स्वतःच्या जमिनीसाठी संघर्ष करावा लागत असल्याची घटना या प्रश्नाचे गांभीर्य अधोरेखित करणारी ठरली आहे. आता जयंत पाटील यांनी दिलेल्या पाठपुराव्याच्या आश्वासनानंतर शासन या प्रकरणात कोणती ठोस भूमिका घेते आणि सासोलीच्या ग्रामस्थांना न्याय कधी मिळतो, याकडे संपूर्ण सिंधुदुर्ग जिल्ह्याचे लक्ष लागले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_