🛑निर्मनुष्य वाशी गावच्या जंगलात अदानींचा २१०० मेगावॅटचा प्रकल्प प्रस्तावित होता…?

*🛑निर्मनुष्य वाशी गावच्या जंगलात अदानींचा २१०० मेगावॅटचा प्रकल्प प्रस्तावित होता…?*

 

*🛑७०.४० हेक्टर वनजमिनीचा सरकारी प्रस्ताव…! २०२३ मध्ये गाजले होते प्रकरण….!*

 

*🛑आता आंजीवडेत पुन्हा १०० एकर जमिनीची चाचपणी : जुन्या प्रस्तावाचे काय झाले…?*

 

*🛑सरकारने खुलासा करण्याची मागणी..!*

 

*🎥 KOKAN LIVE BREAKING ||NEWS CHANNEL*

 

*✍️ प्रासंगिक : राजन चव्हाण*

 

*🎴सिंधुदुर्ग, दि- ०२:-* कुडाळ तालुक्यातील आंजीवडे गावाच्या हद्दीतील ‘ वाशी’ हे एकेकाळचे गाव आज निर्मनुष्य झाले आहे. प्लेगच्या साथीमुळे येथील वस्ती उठल्याचे सांगितले जाते. आज या परिसरात दाट जंगल, वनसंपदा आणि निसर्गाचे समृद्ध वैभव आहे. मात्र, याच जंगलाच्या कुशीत अदानी समूहाचा तब्बल २१०० मेगावॅट क्षमतेचा जलविद्युत प्रकल्प प्रस्तावित होता अशी बाब आता समोर आली आहे.

विशेष म्हणजे, केंद्र सरकारच्या पर्यावरणविषयक ‘पोर्टल’वर उपलब्ध असलेल्या प्रकल्प अर्जामध्ये आंजीवडे येथील प्रकल्पासाठी ७०.४० हेक्टर वनजमिनीची आवश्यकता असल्याची स्पष्ट नोंद आहे.

२०२२ मधील पर्यायी प्रकल्प आराखड्यात ‘ वाशी ‘ चा उल्लेख असून, तब्बल ११६.८० हेक्टर वनक्षेत्राचा समावेश असल्याचेही दिसून येते. त्यामुळे वाशीच्या जंगलात नेमका कोणता प्रकल्प प्रस्तावित होता, या जमिनीचे पुढे काय झाले आणि वनविभागाने ती कंपनीला दिली आहे का, असे अनेक प्रश्न उपस्थित झाले आहेत.

सन २०२२ मध्ये या प्रकल्पाबाबत आंजीवडे गावाचाच भाग असलेल्या वाशीजवळ हा प्रकल्प सुरु करावा असा प्रस्ताव होता असे समजते. यासाठी सुमारे १४० हेक्टर जमिनीवर हा प्रकल्प उभारण्यात येणार असल्याचे प्रस्तावित होते. त्यापैकी सुमारे ७० हेक्टर क्षेत्रात जलसाठा करण्याचे नियोजन असल्याचेही सांगण्यात आले होते.

भारत सरकारच्या पर्यावरण, वन आणि हवामान बदल मंत्रालयाच्या पोर्टलवर उपलब्ध असलेल्या माहितीनुसार, अदानी हायड्रो एनर्जी थ्री लिमिटेड या कंपनीने पाटगाव पंप्ड स्टोरेज प्रकल्पासाठी २१०० मेगावॅट क्षमतेचा प्रस्ताव सादर केला होता. या प्रकल्पाचा अंदाजित खर्च ८,३७४ कोटी रुपये होता.

या प्रस्तावात आंजीवडे गावाचा स्पष्ट उल्लेख आहे. प्रकल्पासाठी ७०.४० हेक्टर वनजमिनीची आवश्यकता असल्याचे नमूद करण्यात आले आहे. मात्र, संबंधित अर्जात वनपरवानगीचा अर्ज अद्याप सादर करणे बाकी असल्याचीही नोंद आहे.

दुसरीकडे, जुलै २०२२ मधील पर्यायी आराखड्यात एकूण १३९.५५ हेक्टर क्षेत्र दाखविण्यात आले असून, त्यामध्ये ११६.८० हेक्टर वनक्षेत्र आणि २२.७५ हेक्टर बिगरवनक्षेत्राचा समावेश आहे. या आराखड्यात वाशी (Vasi) असा स्पष्ट उल्लेख असून, संबंधित परिसराचे वर्णन राखीव वनक्षेत्र आणि बांबूसह दाट मिश्र जंगल असे करण्यात आले आहे.

म्हणजेच, वाशी आणि आंजीवडे परिसरातील वनजमीन हा या प्रकल्पाचा महत्त्वाचा भाग होता, हे सरकारी कागदपत्रांमधून स्पष्ट होते.

या प्रकल्पासाठी नोव्हेंबर,२०२३ मध्ये वनक्षेत्रात भूगर्भीय चाचण्यांसाठी बोअरवेलचे काम सुरू झाल्याचे समजते मात्र, स्थानिकांचा विरोध आणि लोकप्रतिनिधींनी उपस्थित केलेल्या आक्षेपांनंतर कोल्हापूर वनविभागाने डिसेंबर,२०२३ मध्ये माती परीक्षणाच्या परवानगीला तात्पुरती स्थगिती दिली होती.

या प्रकल्पाला कोल्हापूर जिल्ह्यातील पाटगाव परिसरातूनही विरोध झाला. पाटगाव धरणाचे पाणी वीजनिर्मितीसाठी वापरल्यास भविष्यात शेती आणि पिण्याच्या पाण्याचा प्रश्न निर्माण होईल, अशी भीती स्थानिक शेतकऱ्यांनी व्यक्त केली होती.

 

*भूमिका बदलली; पण प्रकल्प रद्द झाला का?*

 

पाटगाव धरणाच्या पाण्याच्या वापरावरून निर्माण झालेल्या वादानंतर अदानी ग्रीन एनर्जी कंपनीने २३ जानेवारी २०२४ रोजी कोल्हापूर जिल्हाधिकाऱ्यांना पत्र पाठवून विद्यमान पाटगाव धरणाचा वापर न करण्याचा निर्णय कळविला होता. तसेच प्रकल्पासाठी पर्यायी जागेचा शोध घेण्यात येत असल्याचे कंपनीने स्पष्ट केले होते.

मात्र, पाटगाव धरणाचे पाणी वापरणार नाही, असा निर्णय आणि संपूर्ण २१०० मेगावॅटचा प्रकल्प रद्द करणे या दोन वेगळ्या बाबी आहेत.

कंपनीने पर्यायी जागेचा शोध घेण्याचे सांगितल्यानंतर मूळ आंजीवडे-वाशी प्रकल्पाचे काय झाले? वनजमिनीचा प्रस्ताव मागे घेतला का? पर्यायी जागा निश्चित झाली का? नव्याने प्रकल्प आराखडा तयार करण्यात आला का? या प्रश्नांची उत्तरे अद्याप स्पष्ट झालेली नाहीत.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_