🛑आज सायडोंगर,उद्या सावंतवाडी-दोडामार्ग! विकासाच्या नावाखाली सह्याद्रीची कत्तल किती दिवस सहन करायची?”

*🛑आज सायडोंगर,उद्या सावंतवाडी-दोडामार्ग! विकासाच्या नावाखाली सह्याद्रीची कत्तल किती दिवस सहन करायची?”*

 

*🛑शक्तिपीठ महामार्गासाठी लाखो वृक्षांच्या संभाव्य तोडीचा धोका;डेटा सेंटरच्या वाढत्या ऊर्जेच्या गरजांसाठी निसर्गाचा बळी दिला जातोय का? — शिवसेना जिल्हा प्रवक्ते डॉ.जयेंद्र परुळेकर यांचा सवाल*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्ग, दि- २६:-* महाराष्ट्रात विकासाच्या नावाखाली पर्यावरणाचा किती मोठा बळी दिला जाणार, असा संतप्त सवाल उपस्थित करत शिवसेना जिल्हा प्रवक्ते व पर्यावरण कार्यकर्ते डॉ. जयेंद्र परुळेकर यांनी सह्याद्रीतील बेसुमार वृक्षतोडीविरोधात आवाज उठवला आहे. भीमाशंकरजवळील सायडोंगर परिसरातील जंगलतोडीचा मुद्दा गाजत असताना, उद्या याच संकटाची पुनरावृत्ती सिंधुदुर्ग जिल्ह्यातील सावंतवाडी-दोडामार्ग तालुक्यांत होऊ शकते, असा इशारा त्यांनी दिला आहे.

सायडोंगरातील वृक्षतोड ‘फेक नेरेटिव्ह’ कशी?

भीमाशंकरजवळील सायडोंगर परिसरातील सुमारे ६०० एकर जंगल आणि ३२ हजार वृक्षांच्या संभाव्य तोडीचा मुद्दा सध्या चर्चेत आहे. सुमारे ७१ हजार कोटी रुपये खर्चाच्या आणि ३ हजार मेगावॉट क्षमतेच्या पंप स्टोरेज जलविद्युत प्रकल्पाविरोधात ‘फेक नेरेटिव्ह’ पसरवले जात असल्याचा आरोप मुख्यमंत्र्यांकडून केला जात असल्याच्या पार्श्वभूमीवर डॉ. परुळेकर यांनी पर्यावरणीय परिणामांबाबत प्रश्न उपस्थित केले आहेत.

“महाराष्ट्र दुष्काळाच्या संकटाला सामोरा जात असताना हजारो वृक्षांची तोड आणि त्यातून होणारे पर्यावरणीय परिणाम यांबाबत प्रश्न विचारणे हा फेक नेरेटिव्ह कसा ठरू शकतो? विकासाच्या आकड्यांबरोबरच निसर्गाची होणारी हानी, पाण्याची उपलब्धता आणि भविष्यातील पर्यावरणीय संकट यांचाही हिशेब मांडला गेला पाहिजे,” अशी भूमिका त्यांनी मांडली.

आज रायगड, उद्या सिंधुदुर्गच्या सह्याद्रीवर कुऱ्हाड?

रायगड जिल्ह्यातील कर्जत तालुक्यातील सायडोंगर परिसरात जंगलतोडीचा प्रश्न ऐरणीवर आला असताना, सिंधुदुर्गातील सावंतवाडी-दोडामार्ग परिसरातील जैवविविधतेबाबतही गंभीर चिंता व्यक्त केली जात आहे. शक्तिपीठ महामार्गाच्या प्रस्तावित मार्गामुळे पर्यावरणीयदृष्ट्या संवेदनशील सह्याद्री परिसरावर परिणाम होण्याची शक्यता असून, वृक्षतोडीच्या प्रमाणाबाबत आणि पर्यावरणीय परिणामांबाबत सखोल अभ्यास आवश्यक असल्याचे डॉ. परुळेकर यांनी अधोरेखित केले.

“शक्तिपीठ महामार्गामुळे महाराष्ट्राचा जीडीपी वाढेल, विकासाला गती मिळेल, अशा घोषणा केल्या जातील. पण या विकासाची किंमत जर लाखो वृक्षांची संभाव्य कत्तल, जैवविविधतेचा ऱ्हास आणि जलस्रोतांवरील वाढता ताण अशी असेल, तर या विकासाचे खरे लाभार्थी कोण, हा प्रश्न विचारलाच पाहिजे,” असे ते म्हणाले.

तापमानवाढ, दुष्काळ आणि पाणीटंचाईचा विसर कशासाठी?

हवामान बदलामुळे वाढणारे तापमान, अनियमित पाऊस आणि पाणीटंचाई यांची आव्हाने अधिक गंभीर होत असताना जंगलांचे संरक्षण करणे अत्यावश्यक आहे. सुपर एल निनोच्या संभाव्य परिणामांच्या पार्श्वभूमीवरही पर्यावरणीय नियोजनाला प्राधान्य दिले पाहिजे,असे डॉ.परुळेकर यांनी म्हटले आहे.

वृक्षतोडीमुळे स्थानिक परिसंस्थेवर, मातीच्या धूपेवर, जलसंधारणावर आणि वन्यजीवांच्या अधिवासावर काय परिणाम होणार,याचा शास्त्रीय अभ्यास न करता प्रकल्पांना केवळ आर्थिक गुंतवणुकीच्या निकषांवर तपासणे धोकादायक ठरू शकते. तापमानवाढ आणि पिण्याच्या पाण्याची टंचाई सामान्य नागरिकांच्या जीवनावर परिणाम करत असताना विकासाच्या नियोजनात पर्यावरणीय सुरक्षिततेला केंद्रस्थानी ठेवण्याची गरज त्यांनी व्यक्त केली.

वीज प्रकल्प कोणासाठी? उद्योगांसाठी की डेटा सेंटरसाठी?

सह्याद्री परिसरात मोठ्या क्षमतेचे वीज प्रकल्प उभारण्यामागील ऊर्जेची मागणी नेमकी कोणती आहे, याबाबतही पारदर्शकता असावी, अशी मागणी डॉ. परुळेकर यांनी केली आहे. ठाणे, कोकण आणि पश्चिम महाराष्ट्रात प्रस्तावित किंवा विस्ताराच्या मार्गावर असलेल्या डेटा सेंटरना मोठ्या प्रमाणावर वीज लागणार असल्याचा मुद्दा उपस्थित करत त्यांनी या प्रकल्पांचा एकत्रित ऊर्जा आराखडा सार्वजनिक करण्याची गरज अधोरेखित केली.

“वीज निर्मितीचे प्रकल्प नेमक्या कोणत्या गरजांसाठी उभारले जात आहेत, त्यातून स्थानिक नागरिकांना आणि उद्योगांना किती फायदा होणार, डेटा सेंटरसाठी किती ऊर्जा लागणार आणि त्यासाठी पर्यावरणावर किती ताण येणार, याची स्पष्ट माहिती जनतेला मिळाली पाहिजे. विकासाच्या नावाखाली निसर्गाची हानी होत असेल, तर त्याचे उत्तरदायित्व कोण स्वीकारणार?” असा सवाल त्यांनी केला.

मोजक्या उद्योगसमूहांच्या फायद्यासाठी निसर्गाचा बळी नको!

निसर्गसंपन्न कोकण आणि सह्याद्री हा केवळ पर्यटनाचा किंवा गुंतवणुकीचा भूभाग नाही, तर तो पाणी, शेती, जैवविविधता आणि स्थानिक जनजीवनाचा आधार आहे. त्यामुळे मोठ्या प्रकल्पांचे आर्थिक फायदे मोजताना पर्यावरणीय नुकसान, स्थानिक लोकांचे हित आणि भावी पिढ्यांच्या नैसर्गिक संसाधनांचा विचार करणे आवश्यक आहे.

“मूठभर मंडळींच्या नफ्यासाठी आपल्या जैवविविध निसर्गाचा नाश आणि भविष्यात पिण्याच्या पाण्याची टंचाई निर्माण होण्याचा धोका जनतेवर लादला जाऊ नये. विकासाला आमचा विरोध नाही; पण निसर्गाचा विनाश करून साधला जाणारा विकास कोणाच्या हिताचा आहे, याचे उत्तर सरकारने द्यावे,” अशी ठाम भूमिका शिवसेना जिल्हा प्रवक्ते डॉ. जयेंद्र परुळेकर यांनी मांडली.

सह्याद्री वाचला तरच पाणी वाचेल, जैवविविधता टिकेल आणि कोकणचे भवितव्य सुरक्षित राहील. विकासाच्या प्रत्येक प्रकल्पात पर्यावरणीय परिणामांचा पारदर्शक हिशेब आणि स्थानिक जनतेच्या हिताला प्राधान्य मिळाले पाहिजे, हीच काळाची गरज आहे असे शिवसेना जिल्हा प्रवक्ते डॉ जयेंद्र परुळेकर यांनी प्रसिद्धीस दिलेल्या पत्रकात म्हटले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_