🛑तिलारी कालव्याच्या पाण्यावर कुणाचा डोळा? दुरुस्तीच्या नावाखाली पाणीबंदीचा घाट!

*🛑तिलारी कालव्याच्या पाण्यावर कुणाचा डोळा? दुरुस्तीच्या नावाखाली पाणीबंदीचा घाट!*

 

*🛑मनसे जिल्हाध्यक्ष अ‍ॅड. अनिल केसरकरांचा पाटबंधारे विभागाला थेट इशारा; “दुष्काळाच्या सावटात कालवा बंद करून जनतेला पाणीटंचाईच्या खाईत ढकलू नका!”*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- २१:-* सिंधुदुर्ग जिल्ह्यात यंदा पावसाचे प्रमाण कमी झाल्याने शेती, बागायती आणि पिण्याच्या पाण्याचा प्रश्न गंभीर बनण्याची चिन्हे दिसत आहेत. अशा परिस्थितीत तिलारी प्रकल्पाच्या कालव्याच्या नूतनीकरण आणि देखभाल-दुरुस्तीच्या कामांसाठी ऑक्टोबर २०२६ ते मे २०२७ या कालावधीत कालव्यातील पाणी बंद करण्याच्या हालचालींमुळे नव्या वादाला तोंड फुटले आहे. दुरुस्ती महत्त्वाची की जनतेला पाणी मिळणे महत्त्वाचे, असा सवाल उपस्थित करत महाराष्ट्र नवनिर्माण सेनेचे सिंधुदुर्ग जिल्हाध्यक्ष अ‍ॅड. अनिल केसरकर यांनी पाटबंधारे विभागाच्या भूमिकेवर प्रश्नचिन्ह उपस्थित केले आहे.

तिलारी कालव्याच्या पाण्यावर अवलंबून असलेल्या गावांमध्ये विहिरींच्या पाण्याची पातळी टिकून राहण्यास मदत होते. कालव्यातील पाणी जमिनीत मुरल्याने भूजलपातळीला आधार मिळतो आणि नागरिकांना पिण्याच्या पाण्यासाठी वणवण करावी लागत नाही, अशी भूमिका अ‍ॅड. केसरकर यांनी मांडली आहे. त्यामुळे कालवा दीर्घकाळ बंद ठेवल्यास त्याचा परिणाम केवळ सिंचनावरच नव्हे, तर परिसरातील पिण्याच्या पाण्याच्या उपलब्धतेवरही होऊ शकतो, अशी भीती त्यांनी व्यक्त केली आहे.

दुष्काळाचे सावट, त्यात पाणीबंदीचा निर्णय?

यंदा एल निनोच्या प्रभावामुळे राज्यात पावसाचे प्रमाण घटल्याचा उल्लेख करत अ‍ॅड. केसरकर यांनी सिंधुदुर्ग जिल्ह्यातील सावंतवाडी आणि दोडामार्ग तालुक्यांत कमी पावसाचा शेती व बागायतीवर परिणाम झाल्याचे नमूद केले. अशा परिस्थितीत पाण्याचे उपलब्ध स्रोत जपणे आणि पिण्याच्या पाण्याचे नियोजन करणे आवश्यक असताना कालवा बंद करण्याचा निर्णय कितपत योग्य आहे, असा सवाल त्यांनी उपस्थित केला.

जिल्ह्यात दुष्काळजन्य परिस्थिती निर्माण झाल्यास शासनाकडून बांधकामे आणि इतर कामांवर नियंत्रण आणण्याचे निर्देश दिले जातात. मग पाण्याची गरज सर्वाधिक असलेल्या काळात कालवा बंद ठेवण्याचा निर्णय घेताना स्थानिक नागरिकांच्या अडचणींचा पुरेसा विचार झाला आहे का, याचे उत्तर संबंधित विभागाने द्यावे, अशी मागणी त्यांनी केली आहे.

“दुरुस्ती करा; पण जनतेच्या पाण्यावर गदा आणू नका!”

कालव्याच्या नूतनीकरणाची आणि देखभालीची कामे करण्यास मनसेचा विरोध नसल्याचे स्पष्ट करताना, ही कामे करताना पिण्याच्या पाण्याची व्यवस्था आणि पर्यायी नियोजन यांना प्राधान्य द्यावे, अशी भूमिका अ‍ॅड. केसरकर यांनी घेतली आहे. कालव्यातील पाणी पूर्णपणे बंद करण्याऐवजी टप्प्याटप्प्याने दुरुस्ती करणे शक्य आहे का, याचा विचार करावा. तसेच पाणी बंद ठेवण्याची आवश्यकता असल्यास त्याचा कालावधी कमीत कमी ठेवून नागरिकांना दिलासा द्यावा, अशी मागणी त्यांनी केली आहे.

कालव्यातील पाणी बंद झाल्यास विलवडे, बांदा, इन्सुली, वाफोली तसेच आसपासच्या गावांतील विहिरींच्या पाणीपातळीवर परिणाम होण्याची शक्यता त्यांनी व्यक्त केली आहे. त्यामुळे कोणताही अंतिम निर्णय घेण्यापूर्वी या गावांतील पिण्याच्या पाण्याची स्थिती, भूजलपातळी आणि नागरिकांच्या गरजांचा सविस्तर आढावा घेणे आवश्यक असल्याचे त्यांनी म्हटले आहे.

मनसेचा पाटबंधारे विभागाला इशारा

सिंधुदुर्ग पाटबंधारे प्रकल्प, बांधकाम विभाग, चराठे यांच्याकडे निवेदनाद्वारे भूमिका मांडताना अ‍ॅड. केसरकर यांनी कालव्याच्या दुरुस्तीच्या कामासाठी पाणी बंद करण्याच्या निर्णयाचा पुनर्विचार करण्याची मागणी केली आहे. स्थानिक जनतेला विश्वासात घेऊन पाणीपुरवठ्याचे पर्यायी नियोजन करावे आणि त्यानंतरच दुरुस्तीच्या कामाचे वेळापत्रक निश्चित करावे, अशी त्यांची मागणी आहे.

“कालव्याची दुरुस्ती करा, पण पिण्याच्या पाण्याचा प्रश्न निर्माण करून नका. जनतेच्या मूलभूत गरजांकडे दुर्लक्ष करून काम सुरू करण्याचा प्रयत्न झाल्यास महाराष्ट्र नवनिर्माण सेना ते सहन करणार नाही,” असा इशारा अ‍ॅड. अनिल केसरकर यांनी दिला आहे.

आता पाटबंधारे विभाग काय भूमिका घेणार?

तिलारी कालव्याची दुरुस्ती ही तांत्रिकदृष्ट्या आवश्यक असू शकते; मात्र तिचे नियोजन करताना स्थानिक नागरिकांच्या पिण्याच्या पाण्याची सुरक्षितता तितकीच महत्त्वाची आहे. त्यामुळे पाणीबंदीचा कालावधी, पर्यायी पाणीपुरवठा, टप्प्याटप्प्याने दुरुस्ती आणि संबंधित गावांवर होणारा संभाव्य परिणाम याबाबत पाटबंधारे विभागाने स्पष्ट भूमिका मांडणे गरजेचे आहे.

आता मनसेच्या निवेदनानंतर संबंधित विभाग कालवा बंद ठेवण्याच्या नियोजनाचा पुनर्विचार करणार का, स्थानिकांना पर्यायी पाणीपुरवठ्याची हमी देणार का आणि दुरुस्तीचे काम जनतेला पाणीटंचाईचा सामना करावा लागणार नाही अशा पद्धतीने करणार का, याकडे सिंधुदुर्गवासीयांचे लक्ष लागले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_