🛑बुकेऐवजी बंधारा, पोस्टरऐवजी आरोग्यसेवा! विशाल परब यांच्या सामाजिक बांधिलकीचा गौरव.

*🛑बुकेऐवजी बंधारा, पोस्टरऐवजी आरोग्यसेवा! विशाल परब यांच्या सामाजिक बांधिलकीचा गौरव.*

 

*🛑वाढदिवसाचा खर्च टाळून जनसेवेचा आदर्श; खासदार सदानंदशेठ तानावडे यांच्याकडून विशाल परब यांच्या सेवाभावी कार्याचे कौतुक!*

 

*🛑नामांकित रुग्णालयांच्या सहभागातून भव्य महाआरोग्य शिबिर; आतापर्यंत सुमारे पाच हजार रुग्णांना लाभ.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १५:-* वाढदिवस म्हटला की भव्य पोस्टर्स, शुभेच्छांचे फलक, सत्कार आणि जल्लोषाची रेलचेल! मात्र, याच परंपरेला फाटा देत वाढदिवसाचे औचित्य साधून सर्वसामान्यांच्या आरोग्याची काळजी घेण्याचा आणि सामाजिक बांधिलकी जपण्याचा आदर्श भाजपचे युवा नेते विशाल परब यांनी सावंतवाडीत घालून दिला. ‘बुकेऐवजी बंधारा आणि पोस्टरऐवजी आरोग्य शिबिर’ या संकल्पनेतून त्यांनी समाजसेवेला प्राधान्य दिले. त्यांच्या या उपक्रमाचे भाजप महाराष्ट्र सहप्रभारी खासदार सदानंदशेठ तानावडे यांनी विशेष कौतुक केले.

पंतप्रधान नरेंद्र मोदी यांच्या वाढदिवसानिमित्त देशभरात राबविण्यात येत असलेल्या सेवा संकल्प अभियानांतर्गत, तसेच भाजप प्रदेशाध्यक्ष रवींद्र चव्हाण आणि पालकमंत्री नितेश राणे यांच्या मार्गदर्शनाखाली सावंतवाडी येथील जिमखाना मैदानावर भव्य महाआरोग्य शिबिराचे आयोजन करण्यात आले. खासदार सदानंदशेठ तानावडे यांच्या हस्ते या शिबिराचे उद्घाटन करण्यात आले. भाजप सिंधुदुर्ग आणि सह्याद्री फाउंडेशन यांच्या माध्यमातून आयोजित या उपक्रमात नामांकित रुग्णालयांतील तज्ज्ञ डॉक्टरांनी सहभाग घेतला.

राजकारणापलीकडे जाऊन सेवाभाव जपणारा कार्यकर्ता!

या प्रसंगी बोलताना खासदार सदानंदशेठ तानावडे म्हणाले की, पंतप्रधान नरेंद्र मोदी यांच्या वाढदिवसानिमित्त देशभरात सेवा अभियान राबविण्यात येत आहे. या अभियानाचा विचार प्रत्यक्ष कृतीत उतरवत विशाल परब यांनी आपल्या वाढदिवसाच्या निमित्ताने समाजोपयोगी उपक्रम राबविला, ही आनंदाची बाब आहे. सामाजिक कार्याची जाणीव आणि समाजाप्रती बांधिलकी जपणारा भाजपचा कार्यकर्ता जनतेसाठी काम करतो, याचे समाधान आहे.

घटस्थापनेपासून या आरोग्य शिबिराला सुरुवात झाली असून, नामांकित रुग्णालये आणि तज्ज्ञ डॉक्टरांना एकत्र आणून सर्वसामान्यांना मोफत आरोग्यसेवा उपलब्ध करून देण्याचे काम विशाल परब यांनी केले आहे. केवळ राजकारणापुरते मर्यादित न राहता पंतप्रधान नरेंद्र मोदी यांच्या विकसित भारताच्या संकल्पनेत योगदान देण्याचा त्यांचा प्रयत्न आहे. अंत्योदयाचे तत्त्व जपत समाजातील शेवटच्या घटकापर्यंत मदत पोहोचविण्याचे काम ते करीत आहेत, असे गौरवोद्गार तानावडे यांनी काढले.

सिंधुदुर्ग जिल्ह्यातील प्रतिकूल परिस्थिती लक्षात घेऊन खर्चिक वाढदिवस सोहळ्याऐवजी समाजोपयोगी उपक्रम राबविण्याचा निर्णय कौतुकास्पद असल्याचेही त्यांनी नमूद केले.

१७ जिल्हा परिषद क्षेत्रे आणि तीन शहरांमध्ये सेवाकार्याचा संकल्प

भाजपचे युवा नेते विशाल परब यांनी आपल्या मनोगतातून सामाजिक कार्याची भूमिका स्पष्ट केली. मतदारसंघातील १७ जिल्हा परिषद क्षेत्रे आणि तीन शहरांमध्ये महाआरोग्य शिबिरे आयोजित करण्यासोबतच बंधारे उभारण्याचे काम हाती घेतल्याचे त्यांनी सांगितले.

ते म्हणाले, “वर्षाचे बारा महिने, १६४ गावांतील गोरगरीब जनतेसाठी सामाजिक कार्य करण्याचा आमचा प्रयत्न आहे. राजकारण करताना मी कोणालाही शत्रू मानले नाही आणि यापुढेही मानणार नाही. माझ्यावर टीका झाली तरी त्याला उत्तर देण्यापेक्षा विरोधकांना सुबुद्धी मिळावी, अशीच प्रार्थना करतो.”

या महाआरोग्य शिबिराचा लाभ केवळ काही दिवसांपुरता मर्यादित राहणार नसून, दर मंगळवारी जनसंपर्क कार्यालयात कायमस्वरूपी बाह्यरुग्ण विभाग (ओपीडी) सुरू करण्यात येणार आहे. या माध्यमातून नामांकित रुग्णालयांतील आरोग्यसेवा गरजू रुग्णांना पुढेही उपलब्ध करून देण्याचा मानस असल्याचे परब यांनी स्पष्ट केले.

*नामांकित रुग्णालयांचे तज्ज्ञ डॉक्टर एकाच छताखाली*

सावंतवाडीतील या महाआरोग्य शिबिराचे वैशिष्ट्य म्हणजे विविध नामांकित रुग्णालयांतील तज्ज्ञ डॉक्टरांचा सहभाग. बेळगाव येथील केएलई रुग्णालयाचे ९२ जणांचे पथक शिबिरात सहभागी झाले होते. याशिवाय पुण्यातील रुबी हॉल क्लिनिक, दीनानाथ मंगेशकर रुग्णालय, ज्युपिटर रुग्णालय आणि कोल्हापूर येथील अथायू रुग्णालयातील डॉक्टरांनी रुग्णांची तपासणी करून मार्गदर्शन केले.

*शिबिरात विविध आजारांची तपासणी, मोफत औषधोपचार*, नेत्रतपासणी, ईसीजी आणि टू-डी इको यांसारख्या सुविधा उपलब्ध करून देण्यात आल्या. डोळ्यांच्या तपासणीनंतर गरजूंना मोफत चष्मे देण्याची व्यवस्था करण्यात आली. कान-नाक-घसा तज्ज्ञांकडून तपासणी करून आवश्यक रुग्णांना श्रवणयंत्रे उपलब्ध करून देण्याचा उपक्रमही हाती घेण्यात आला. दिव्यांग व्यक्तींना काठ्या आणि वॉकर उपलब्ध करून देण्याची व्यवस्था करण्यात आली.

मळेवाड येथे आयोजित शिबिरात मूत्रपिंड प्रत्यारोपणाची गरज असलेल्या दोन रुग्णांच्या उपचारांचा संपूर्ण खर्च शासकीय योजनेतून आणि विशाल परब यांच्या माध्यमातून करण्याचे नियोजन असल्याची माहिती देण्यात आली. आतापर्यंत जवळपास पाच हजार रुग्णांनी या शिबिरांचा लाभ घेतल्याचे आयोजकांनी सांगितले.

*सामाजिक बांधिलकी जपणाऱ्या उपक्रमाचा गौरव*

सावंतवाडीचे उपनगराध्यक्ष ॲड. अनिल निरवडेकर यांनी सांगितले की, भाजप प्रदेशाध्यक्ष रवींद्र चव्हाण आणि पालकमंत्री नितेश राणे यांच्या संकल्पनेनुसार बांदा, मळेवाड, दोडामार्ग, वेंगुर्ला आणि आंबोली यांसारख्या विविध भागांत मोफत महाआरोग्य शिबिरे आयोजित करण्यात आली. या शिबिरांतून तळागाळातील हजारो रुग्णांना लाभ झाला. मोफत औषधोपचारांसह नेत्रतपासणीदरम्यान मोतीबिंदूचे रुग्ण शोधून त्यांच्या उपचारांची व्यवस्था करण्यात आली. प्राथमिक आरोग्य केंद्रांतील टेलिमेडिसिन सुविधाही गरजू रुग्णांसाठी उपयुक्त ठरत असल्याचे त्यांनी नमूद केले.

कार्यक्रमाच्या प्रारंभी आयुष हॉस्पिटलचे संचालक अनंत सरनाईक यांनी विशाल परब यांना कोल्हापुरी फेटा परिधान करून सन्मानित केले. महिला शहराध्यक्षा मोहिनी मडगावकर आणि अन्य पदाधिकाऱ्यांनी वृक्ष भेट देऊन त्यांना वाढदिवसाच्या शुभेच्छा दिल्या. सामाजिक क्षेत्रात उल्लेखनीय कार्य करणाऱ्या विविध मान्यवरांचाही यावेळी गौरव करण्यात आला.

याप्रसंगी मिशन फॉर लोकल पेडणेचे अध्यक्ष राजन कोरगावकर, पंचायत समिती उपसभापती गौरव मुळीक, मनोज नाईक, आनंद नेवगी, सुधीर आडीवरेकर, राजू बेग, शिवानी नाईक, दिपाली भालेकर, रवींद्र मडगावकर, प्रभाकर सावंत, मधुकर देसाई, जितेंद्र गांवकर, ॲड. सिद्धार्थ भांबुरे, नीलम नाईक, सुकन्या टोपले, सह्याद्री फाउंडेशनचे सुनील राऊळ, सुनिता पेडणेकर, प्रसन्न देसाई, हितेन नाईक, विनेश तावडे, पुखराज पुरोहित, प्रशांत सुकी, प्रथमेश सावंत, आत्माराम ओटवणेकर, प्रकाश मोर्ये, दुलारी रांगणेकर, विलास जाधव आदी मान्यवर, पदाधिकारी आणि कार्यकर्ते उपस्थित होते.

कार्यक्रमाचे सूत्रसंचालन बादल चौधरी आणि निलेश गुरव यांनी केले, तर ॲड. सिद्धार्थ भांबुरे यांनी आभार मानले.

वाढदिवसाच्या निमित्ताने प्रसिद्धीपेक्षा सेवा, सत्कारापेक्षा सामाजिक बांधिलकी आणि दिखाव्यापेक्षा जनहिताला महत्त्व देण्याचा संदेश या उपक्रमातून देण्यात आला. सर्वसामान्यांच्या आरोग्याला प्राधान्य देत राबविण्यात आलेले हे महाआरोग्य शिबिर म्हणजे सामाजिक कार्यातून जनतेशी नाते अधिक दृढ करण्याचा प्रयत्न ठरला.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_