🛑कुडाळच्या कचरा डेपोविरोधातील आंदोलनाला ‘राजकीय रंग’ देणाऱ्यांना धीरज परब यांचा सणसणीत टोला!

*🛑कुडाळच्या कचरा डेपोविरोधातील आंदोलनाला ‘राजकीय रंग’ देणाऱ्यांना धीरज परब यांचा सणसणीत टोला!*

 

*🛑“सांगीर्डेवाडीतील आंदोलन हे जनप्रक्षोभातून उभे राहिलेले जनआंदोलनच; अनधिकृत कचरा डेपो बंद होऊन कचरा हटेपर्यंत संघर्ष सुरूच राहणार!” — मनसे जिल्हाध्यक्ष धीरज परब*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कुडाळ, दि- ०९:-* सांगीर्डेवाडी येथील अनधिकृत कचरा डेपोविरोधात सुरू असलेल्या आंदोलनाला राजकीय मतभेदांचे स्वरूप देण्याचा प्रयत्न करणे हास्यास्पद आहे. हे आंदोलन कोणत्याही एका राजकीय पक्षाचे नसून, कचरा डेपोमुळे त्रस्त झालेल्या स्थानिक नागरिकांच्या संतापातून उभे राहिलेले जनआंदोलन आहे, असा ठाम इशारा महाराष्ट्र नवनिर्माण सेनेचे जिल्हाध्यक्ष धीरज परब यांनी दिला. अन्यायग्रस्त नागरिकांच्या न्याय्य मागण्यांना पाठिंबा देण्यासाठी विविध राजकीय पक्षांचे पदाधिकारी, सामाजिक कार्यकर्ते आणि सजग नागरिक एकत्र येत असतील, तर त्याला राजकीय श्रेयवादाचे लेबल लावणे चुकीचे असल्याचेही त्यांनी स्पष्ट केले.

सर्वपक्षीय नेते आणि १०० ते १२५ बाधित नागरिकांचा सहभाग!

सांगीर्डेवाडी येथील कचरा डेपोविरोधातील आंदोलनात भाजपचे स्थानिक नगरसेवक निलेश परब, भाजपचे माजी जिल्हाध्यक्ष डॉ. अभय सावंत, शिवसेना (शिंदे गट) तालुकाध्यक्ष विनायक राणे, राष्ट्रवादी काँग्रेस (शरदचंद्र पवार पक्ष) जिल्हाध्यक्ष अमित सामंत, काँग्रेसचे तालुकाध्यक्ष अभय शिरसाट आणि शिवसेना (उद्धव बाळासाहेब ठाकरे) गटाचे शहर समन्वयक व युवासेनेचे अमित राणे यांच्यासह सुमारे १०० ते १२५ कचरा डेपोबाधित नागरिक सहभागी झाले आहेत.

इतक्या मोठ्या संख्येने स्थानिक नागरिक आणि विविध राजकीय पक्षांचे प्रतिनिधी सहभागी होत असताना, या आंदोलनाला राजकीय मतभेदांचे स्वरूप देणे म्हणजे जनतेच्या आक्रोशाकडे जाणीवपूर्वक दुर्लक्ष करण्यासारखे आहे. सामान्य जनतेशी संपर्क असणारे लोकप्रतिनिधी आणि सामाजिक कार्यकर्ते अन्यायग्रस्त, प्रकल्पग्रस्त, गरीब व उपेक्षित नागरिकांच्या समस्या ऐकून घेण्यासाठी आणि त्यांची बाजू मांडण्यासाठी पुढे येत असतात. ही लोकशाहीतील स्वाभाविक प्रक्रिया आहे, असे परब यांनी सांगितले.

कुडाळच्या इतिहासात अनेक जनआंदोलने; तेव्हा राजकीय श्रेयवाद कुठे होता?

कुडाळमध्ये यापूर्वीही जनतेच्या प्रश्नांवर विविध राजकीय पक्ष, सामाजिक कार्यकर्ते आणि सजग नागरिक एकत्र येऊन अनेक आंदोलने उभी राहिली आहेत. त्यामध्ये आंबोली येथील घटनेनंतर युवकांना झालेल्या कथित मारहाणीप्रकरणी कारवाईच्या मागणीसाठी सावंतवाडीत काढलेला मोर्चा, कुडाळ हायस्कूलच्या नामांतराचा प्रश्न, वायरमन धनंजय फाले यांच्या मृत्यूप्रकरणी नुकसानभरपाईसाठी महावितरणविरोधातील आंदोलन, वंदे भारत एक्स्प्रेसला कुडाळ येथे थांबा मिळावा यासाठीचे आंदोलन आणि नरेश राणे यांच्या जमीनविषयक वादाशी संबंधित न्यायाच्या मागणीसाठी झालेले आंदोलन यांचा समावेश आहे.

याशिवाय भूषण देसाई यांच्या अपघाती मृत्यूनंतर महामार्गावर रंबलिंग स्ट्रिप्स आणि रिफ्लेक्टर बसविण्याच्या मागणीसाठी रास्ता रोको, कुडाळ येथे सिव्हिल हॉस्पिटल उभारण्याची मागणी, कणकवलीतील कस्तुरी पाताडे यांच्या मृत्यूप्रकरणानंतर डॉक्टरांच्या संपाविरोधात करण्यात आलेले आंदोलन आणि व्यावसायिक चंदू पटेल यांच्यावरील कथित जीवघेण्या हल्ल्यातील आरोपींवर कठोर कारवाई करण्याची मागणी अशा अनेक विषयांवर जनतेने एकजुटीने आवाज उठवला आहे.

या आंदोलनांमध्ये वेगवेगळ्या राजकीय विचारांचे लोक सहभागी झाले. मात्र, जनतेच्या प्रश्नांना प्राधान्य देत अनेकांनी एकत्रितपणे लढा दिला. मग सांगीर्डेवाडीच्या आंदोलनालाच राजकीय मतभेदांचे नाव देण्याचे कारण काय, असा सवाल धीरज परब यांनी उपस्थित केला.

जमीनमालकांना नोटिसा देऊन मुदतवाढीसाठी दबाव? कायदेशीर लढ्याचा इशारा!

कचरा डेपोच्या मुदतवाढीचा मुद्दा अत्यंत गंभीर असल्याचे सांगताना परब यांनी प्रशासनाच्या भूमिकेवरही प्रश्नचिन्ह उपस्थित केले. त्यांच्या म्हणण्यानुसार, संबंधित जमीनमालकांना कुडाळ तहसीलदारांमार्फत नोटिसा बजावून अनधिकृत कचरा डेपोला मुदतवाढ देण्याची मागणी करण्यात आली आहे. या नोटिसा कायदेशीर आहेत की बेकायदेशीर, याला न्यायालयात आव्हान देण्यात येणार असल्याचे त्यांनी स्पष्ट केले.

एका जमीनमालकाला मुदतवाढ न दिल्यास त्याची रोजीरोटी बंद करण्याची धमकी दिल्याचा आरोपही परब यांनी केला. या आरोपांची निष्पक्ष चौकशी होणे आवश्यक असून, प्रशासनाने जमीनमालकांवर कोणताही अनुचित दबाव आणला असल्यास त्याची जबाबदारी निश्चित झाली पाहिजे, अशी भूमिका त्यांनी मांडली.

नगरपंचायत प्रशासनाने निर्माण केलेली परिस्थिती स्वतःच्या निर्णयक्षमतेतून सोडवण्याऐवजी जमीनमालकांवर नोटिसांच्या माध्यमातून दबाव आणण्याचा प्रयत्न केला जात असल्याचा आरोप करत, या संपूर्ण प्रकरणाची कायदेशीर तपासणी आवश्यक असल्याचेही त्यांनी नमूद केले.

दोन महिन्यांसाठी सुरू झालेला डेपो; अकरा वर्षे नागरिकांचा त्रास?

धीरज परब यांच्या म्हणण्यानुसार, संबंधित जमीनमालकांच्या जागेवर केवळ दोन महिन्यांच्या मुदतीसाठी आणि शून्य मोबदल्यात सुरू करण्यात आलेला कचरा डेपो तब्बल अकरा वर्षांपासून सुरू आहे. या काळात प्रशासनाने दहा वेळा मुदत मागितली, मात्र प्रश्नाचा कायमस्वरूपी तोडगा काढण्याऐवजी चालढकल करण्यात आली, असा आरोप त्यांनी केला.

कचरा डेपोमुळे परिसरातील रहिवाशांच्या आरोग्याचा प्रश्न निर्माण झाला असून, नागरिकांना दुर्गंधी आणि अस्वच्छतेच्या वातावरणात राहावे लागत असल्याची त्यांची तक्रार आहे. अशा परिस्थितीत आंदोलनकर्त्यांनी शिष्टाई, सौजन्य किंवा औदार्य दाखवावे, अशा अपेक्षा व्यक्त करण्यापूर्वी प्रशासनाने बाधित नागरिकांच्या वेदना समजून घेतल्या पाहिजेत, असे परब यांनी ठणकावले.

कचरा डेपो बंद करा, कचरा हटवा; अन्यथा संघर्ष सुरूच!

या आंदोलनाची पुढील दिशा कचरा डेपोविरोधी संघर्ष समिती आणि बाधित नागरिक ठरवतील. मात्र, जोपर्यंत अनधिकृत कचरा डेपो बंद होत नाही, तेथे टाकलेला कचरा हटवला जात नाही आणि स्थानिक रहिवाशांची या अस्वच्छतेतून मुक्तता होत नाही, तोपर्यंत आंदोलन सुरूच राहणार असल्याची ठाम भूमिका धीरज परब यांनी मांडली.

या संघर्षात सामाजिक कार्यकर्ते, जनतेमध्ये वावर असणारे राजकीय पदाधिकारी आणि सजग नागरिक सहभागी होत राहतील. जनतेच्या आरोग्याचा आणि जगण्याच्या हक्काचा प्रश्न उपस्थित करणे हा राजकीय स्वार्थ नसून सामाजिक जबाबदारीचा भाग आहे. त्यामुळे या आंदोलनाला राजकीय रंग देण्याऐवजी प्रशासनाने नागरिकांच्या मागण्यांना उत्तर द्यावे आणि कचरा डेपोच्या प्रश्नावर कायमस्वरूपी तोडगा काढावा, असे आवाहनही त्यांनी केले.

“हा लढा कोणत्याही एका पक्षाचा नाही; हा सांगीर्डेवाडीतील बाधित जनतेच्या जगण्याच्या हक्काचा लढा आहे. कचरा डेपो बंद होऊन तेथील कचरा हटेपर्यंत आमचा संघर्ष थांबणार नाही!” असा ठाम निर्धार धीरज परब यांनी व्यक्त केला.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_