🛑गुळदुवे येथील केदार कुटुंबीय जपताहेत दीडशे वर्षांची परंपरा.

*🛑गुळदुवे येथील केदार कुटुंबीय जपताहेत दीडशे वर्षांची परंपरा.*

 

*🛑गणपती विसर्जनदिनी ‘काला’ उत्सवाने होते भक्तिमय सोहळ्याची सांगता.*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : मदन मुरकर*

 

*🎴सावंतवाडी, दि- १९:-* गणेशोत्सव म्हटला की भक्ती, श्रद्धा, संस्कृती आणि परंपरेने नटलेला उत्सव डोळ्यांसमोर उभा राहतो. गुळदुवे गावातील केदार कुटुंबीय मात्र गेल्या दीडशे वर्षांपासून गणेशोत्सवाची आगळीवेगळी आणि वैशिष्ट्यपूर्ण परंपरा जपत आहेत. गणेशोत्सवाच्या पहिल्या दिवसापासून सुरू होणारा हा भक्तिमय सोहळा गणेश विसर्जनाच्या दिवशी होणाऱ्या पारंपरिक ‘काला’ उत्सवाने संपन्न होतो. त्यामुळे केदार कुटुंबीयांचा हा गणेशोत्सव श्रद्धा, संस्कृती, संस्कार आणि एकजुटीचे प्रतीक ठरला आहे.

श्री दत्त पद्मनाभ पीठ, पद्मनाभ शिष्य संप्रदायाच्या परंपरेतील श्रीमद् सदगुरु सदानंदाचार्य स्वामी महाराज आणि श्रीमान् सदगुरू ब्रह्मानंदाचार्य स्वामी महाराज या दोन्ही सत्पुरुषांचा जन्म गुळदुवे येथील केदार कुटुंबात झाला. सदानंद स्वामी महाराज यांचे पाळण्यातील नाव श्रीकृष्ण रामचंद्र केदार, तर ब्रह्मानंदाचार्य स्वामी महाराज यांचे नाव वसंत केदार असे होते. केदार कुटुंब हे पूर्वापार देवभक्ती आणि धार्मिक परंपरा जपणारे कुटुंब म्हणून ओळखले जाते. याच भक्तीपरंपरेतून सुरू झालेला गणेशोत्सव आजही केदार कुटुंबीयांकडून श्रद्धेने पुढे नेला जात आहे.

 

मातीच्या मूर्तीपासून साधेपणाची परंपरा:-

या दीडशे वर्षांच्या परंपरेचे आणखी एक वैशिष्ट्य म्हणजे नैसर्गिक सजावट आणि साधेपणा. चिकणमातीपासून गणेशमूर्ती तयार करून पारंपरिक पद्धतीने तिची सजावट केली जाते. आधुनिक साधनसामग्रीचा अतिरेक न करता पूर्वजांनी जपलेल्या पद्धतीनेच गणेशोत्सव साजरा केला जातो.

आज सिमेंट-काँक्रीटच्या इमारतींचा काळ असतानाही केदार कुटुंबीयांनी आपल्या पूर्वजांचे मातीचे घर जतन केले आहे. याच जुन्या घरात गणेशोत्सवाची परंपरा आजही भक्तिभावाने सुरू आहे. त्यामुळे या उत्सवातून पर्यावरणपूरकता, साधेपणा आणि आपल्या पूर्वजांच्या संस्कृतीप्रती असलेली निष्ठा प्रकर्षाने दिसून येते.

भजनांनी रंगतो भक्तिमय सोहळा

गणेशोत्सवाच्या पहिल्या दिवशी विधिवत गणपती पूजन करून गणेशमूर्तीची प्राणप्रतिष्ठा केली जाते. त्यानंतर संपूर्ण उत्सवकाळात विविध धार्मिक आणि भक्तिमय कार्यक्रमांचे आयोजन केले जाते. सकाळपासून रात्रीपर्यंत भजनांसह विविध कार्यक्रम सुरू असल्याने केदार कुटुंबीयांच्या घराचा परिसर भक्तिमय वातावरणाने भारून जातो.

गावातील तसेच परिसरातील भाविक या उत्सवात सहभागी होतात. या पारंपरिक उत्सवाचे स्वरूप आणि त्यामागील आध्यात्मिक परंपरा अनुभवण्यासाठी बाहेरगावाहूनही

भाविक येथे येतात.

 

 

विसर्जनानंतर ‘काला’ उत्सवाचे विशेष आकर्षण:-

या गणेशोत्सवाचे सर्वात मोठे वैशिष्ट्य म्हणजे गणेश विसर्जनाच्या दिवशी होणारा पारंपरिक ‘काला’ उत्सव. वाडीतील सर्व गणेशमूर्तींचे विसर्जन झाल्यानंतर झाल्यानंतर सर्व ग्रामस्थ केदार यांच्या निवासस्थानी एकत्रित येऊन काला उत्सवात सहभागी होतात.त्यानंतर काला उत्सव झाल्यानंतर केदार यांच्या गणपतीचे विसर्जन करण्यात येते.ग्रामस्थ एकत्रितपणे केदार कुटुंबीयांच्या घरी येतात आणि काला उत्सवात सहभागी होतात. या उत्सवात प्रामुख्याने केदार आणि कोल्हे कुटुंबातील सदस्यांचा सहभाग असतो.

काला उत्सवात गोफ, कोलांडी उडी, भऊर, वाघ-बकरी, बेडूक उडी, फुगडी, बालकृष्ण नाचविणे अशा विविध पारंपरिक खेळांचे आणि भक्तिमय कार्यक्रमांचे सादरीकरण केले जाते. या खेळांमध्ये मनोरंजनाबरोबरच पारंपरिक ज्ञान, शारीरिक हालचाल, योगशिक्षण आणि आध्यात्मिक विचारांचा संगम पाहायला मिळतो.

 

भजनांच्या माध्यमातून अध्यात्मिक विचार आणि संस्कार पुढील पिढीपर्यंत पोहोचविण्याचे काम या परंपरेतून केले जाते. त्यामुळे काला उत्सव हा केवळ मनोरंजनाचा कार्यक्रम न राहता भक्ती, संस्कार आणि पारंपरिक ज्ञानाचा वारसा जपणारा सोहळा ठरतो

 

पुढील पिढीकडे संस्कृतीचा वारसा:-

गणेशोत्सवाच्या निमित्ताने गावात भजनांचे कार्यक्रमही मोठ्या उत्साहात आयोजित केले जातात. केदार कुटुंबीयांनी जपलेली ही दीडशे वर्षांची परंपरा आजच्या पिढीपर्यंत पोहोचत आहे. बदलत्या काळात आधुनिकतेचा स्वीकार होत असतानाही आपल्या पूर्वजांनी दिलेला धार्मिक आणि सांस्कृतिक वारसा जपण्याचा प्रयत्न या कुटुंबाकडून सुरू आहे.

सध्या रमेश केदार आणि चक्रधर केदार परिवार ही रूढी, परंपरा आणि संस्कृती पुढे नेण्याचे कार्य श्रद्धेने करत आहेत. त्यांच्या प्रयत्नांमुळे दीडशे वर्षांपूर्वी सुरू झालेला हा भक्तीचा वारसा आजही तितक्याच उत्साहाने आणि श्रद्धेने जिवंत आहे.

गुळदुवे येथील केदार कुटुंबीयांचा हा गणेशोत्सव त्यामुळे केवळ एका कुटुंबाचा धार्मिक उत्सव न राहता परंपरा, भक्ती, संस्कार, पर्यावरणपूरकता आणि सामाजिक एकजुटीचा जिवंत वारसा बनला आहे. काळ बदलला, उत्सवाचे स्वरूप बदलले, तरी आपल्या पूर्वजांनी दिलेली संस्कृती पुढील पिढीकडे सोपविण्याची केदार कुटुंबीयांची ही दीडशे वर्षांची परंपरा आजही अखंडपणे सुरू आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_