🛑वेत्ये-वरची गावकरवाडी येथील मांडावरचा गणपती

*🛑वेत्ये-वरची गावकरवाडी येथील मांडावरचा गणपती*

*🛑११ गावकर कुटुंबियांचा मानाचा गणपती*

*🛑५१ घरगुती गणपतींसह रूढी-परंपरांचा अनोखा सोहळा*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-१६:-*“परंपरेच्या वाटेवर भक्तीची फुले, एकोप्याच्या धाग्यात गुंफली मने अशा भक्तीमय आणि आपुलकीच्या वातावरणात सावंतवाडी तालुक्यातील वेत्ये येथील वरची गावकरवाडी येथे ‘मांडावरचा गणपती’ म्हणून पंचक्रोशीत प्रसिद्ध असलेल्या ११ गावकर कुटुंबीयांच्या मानाच्या गणपतीची प्रतिष्ठापना केली जाते. पिढ्यान्‌पिढ्या जपलेल्या रूढी-परंपरांसोबतच वाडीतील एकोपा आणि सामूहिकतेचे दर्शन घडविणारा हा गणेशोत्सव आजही मोठ्या उत्साहात साजरा केला जातो.

*सात दिवसांचा मानाचा गणपती*
वेत्ये येथील गावकरवाडीतील गावकर कुटुंबीयांचा ‘मांडावरचा गणपती’ सात दिवसांचा असतो. त्यामुळे वाडीतील इतर ५१ घरगुती गणपतींचेही सातही दिवस मांडावरच्या गणपतीसोबत मनोभावे पूजन केले जाते. सुमारे २५० लोकसंख्या असलेल्या या वाडीत विविध कुटुंबे गुण्यागोविंदाने राहत असून, दिवसेंदिवस लोप पावत चाललेल्या चालीरीती आणि परंपरा आजही येथे मोठ्या श्रद्धेने जपल्या जात आहेत.

*प्रथम मान मांडावरच्या बाप्पाला*
गणेश चतुर्थीच्या दिवशी सर्वप्रथम गावकर कुटुंबीयांच्या घरी असलेल्या मूळ ‘मांडावर’ श्री गणेशमूर्तीची प्रतिष्ठापना व विधिवत पूजन केले जाते. त्यानंतर वाडीतील प्रत्येक घरात गणरायाचे मनोभावे पूजन केले जाते. अशा प्रकारे वाडीतील तब्बल ५१ घरगुती गणपतींची पूजा केली जाते.

*आरती, महानैवेद्य अन्‌ सांस्कृतिक कार्यक्रमांची रेलचेल*
गणेशोत्सवाच्या सातही दिवस वाडीत भक्तिमय वातावरण असते. दुपारी आरती व महानैवेद्य, तर सायंकाळी भजन, फुगड्या आणि विविध सांस्कृतिक कार्यक्रमांचे आयोजन केले जाते. त्यामुळे गणेशोत्सव हा केवळ धार्मिक सोहळा न राहता संपूर्ण वाडीला एकत्र आणणारा आनंदोत्सव ठरतो.

*पाचव्या दिवशी गावकरवाडीचा ‘ओवसा’*
गौरी पूजन अर्थात ओवसा तिथीनुसार पाचव्या, सहाव्या किंवा सातव्या दिवशी साजरा करण्याची प्रथा असली तरी वेत्येच्या वरची गावकरवाडीतील गावकर कुटुंबीयांचा ओवसा गणेशोत्सवाच्या पाचव्या दिवशीच साजरा केला जातो. या दिवशी गावकर कुटुंबीयांसह इतर समाजातील सुहासिनी महिला एकत्र येऊन हा सोहळा मोठ्या उत्साहात साजरा करतात.

*भाकरी-शेवग्याच्या भाजीचा सामूहिक प्रसाद*
गौरी विसर्जनानंतर सायंकाळी वाडीतील महिला एकत्र येऊन भाकरी आणि शेवग्याच्या पाल्याची भाजी तयार करतात. हा प्रसाद मांडावर एकत्र केला जातो आणि त्यानंतर सर्वांना प्रेमाने वाटप केला जातो. साधेपणातून सामूहिकता आणि आपलेपणाचा संदेश देणारी ही परंपरा आजही कायम आहे.

*महानैवेद्यात प्रत्येक घराचा सहभाग*
गणपती विसर्जनाच्या सातव्या दिवशी मांडावरच्या गावकर कुटुंबीयांच्या घरी वाडीतील प्रत्येक कुटुंब आपापल्या परीने थोडेथोडे साहित्य आणून एकत्रित केले जाते. त्यातून महानैवेद्य तयार करून वाडीतील प्रत्येक घरातील गणरायाला दाखविला जातो. त्यानंतर मांडावर महाप्रसादाचे वाटप केले जाते. तसेच वाडीतील कुटुंबांनी केलेल्या नवसाचा प्रसादही एकत्र करून सर्वांना वाटप केला जातो.

*‘मानाचा गणपती’ येईपर्यंत विसर्जन नाही!*
विसर्जनाच्या दिवशी वाडीतील सर्व घरगुती गणपती एकत्र येतात. मात्र मांडावरचा मानाचा गणपती येईपर्यंत इतर कोणत्याही गणपतीचे विसर्जन केले जात नाही, ही या वाडीची विशेष परंपरा आहे. मानाचा गणपती आल्यानंतर विसर्जन कुंडाजवळ गाऱ्हाणे, नवस फेडणे, नवस बोलणे आदी धार्मिक कार्यक्रम पार पडतात. त्यानंतर सर्व गणपतींची एकत्रित आरती केली जाते.

*गणपती बाप्पा मोरया’च्या जयघोषात सामूहिक विसर्जन*
एकत्रित आरतीनंतर फटाक्यांच्या आतषबाजीत ‘गणपती बाप्पा मोरया, मंगलमूर्ती मोरया… पुढच्या वर्षी लवकर या’ अशा जयघोषात मांडावरच्या मानाच्या गणपतीसह वाडीतील सर्व गणपतींचे सामूहिक विसर्जन केले जाते.

*विसर्जनानंतरही एकत्रित प्रसाद*
गणेशमूर्तींचे विसर्जन झाल्यानंतर गावकर कुटुंबीयांसह वाडीतील सर्व ग्रामस्थ पुन्हा मांडावर एकत्र येतात. येथे प्रसादाचे वाटप केले जाते. गणेशोत्सवाच्या निमित्ताने एकत्र येणे, परंपरा जपणे आणि पुढच्या पिढीपर्यंत ती पोहोचविण्याचा प्रयत्न या माध्यमातून सातत्याने केला जात आहे.

*परंपरेसोबत एकोप्याचा वारसा*
वेत्येच्या वरची गावकरवाडीतील हा गणेशोत्सव श्रद्धा, परंपरा, सामूहिकता आणि एकोप्याचे अनोखे उदाहरण ठरत आहे. गावकर कुटुंबीयांसोबत वाडीतील इतर कुटुंबेही पूर्वापार चालत आलेल्या रूढी-परंपरा एकत्रितपणे जोपासत असून, काळाच्या ओघात लुप्त होत चाललेल्या या सांस्कृतिक वारशाला पुढील पिढीपर्यंत अबाधित ठेवण्यासाठी प्रयत्नशील असल्याचे चित्र या निमित्ताने पाहायला मिळते.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_