🛑सिंधुदुर्गाला अमली पदार्थांच्या विळख्यातून मुक्त करा!

*🛑सिंधुदुर्गाला अमली पदार्थांच्या विळख्यातून मुक्त करा!*

 

*🛑दहा वर्षे आम्ही इशारा देत होतो; आता कारवाई सुरू झाली आहे… पण लढाई अजून संपलेली नाही!*

 

*🛑या लढाईत आम्हाला कठीण प्रसंगात खरी साथ दिली कुडाळ मालवण मतदारसंघाचे आमदार डॉ निलेश राणे यांनी.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- १५:-* सिंधुदुर्ग जिल्हा म्हणजे निसर्ग, संस्कृती, पर्यटन आणि माणुसकीचा जिल्हा. मात्र याच जिल्ह्याच्या काळजाला गेल्या काही वर्षांपासून अमली पदार्थांच्या विषारी विळख्याने घट्ट पकडले आहे. गांजा, चरस आणि अन्य अमली पदार्थांची चर्चा आता केवळ शहरापुरती किंवा एखाद्या टोळीपुरती राहिलेली नाही. या विषाची झळ तरुणाईपर्यंत आणि घराघरापर्यंत पोहोचण्याची वेळ आली आहे.

कोकण लाईव्ह ब्रेकिंग न्यूज चॅनेलने गेली दहा वर्षे याच धोक्याचा इशारा दिला.

‘सिंधुदुर्गाला अमली पदार्थांचा विळखा — !’ या शीर्षकाखाली आम्ही सातत्याने संपादकीय लेखन केले. या धंद्याची पाळेमुळे किती खोलवर गेली आहेत? या व्यवहारामागे कोण कोण आहेत? प्रशासनाला माहिती नाही की कारवाई करण्याची इच्छा नाही? स्थानिक पातळीवर कोणाचे राजकीय किंवा अन्य प्रकारचे संरक्षण मिळते का? हे प्रश्न आम्ही वारंवार उपस्थित केले.या प्रश्नांची उत्तरे देणे हे प्रशासनाचे काम होते; पण प्रश्न विचारणे हे पत्रकारितेचे कर्तव्य होते आणि आम्ही ते कर्तव्य बजावत राहिलो.

*‘दोनशे ग्रॅम पकडले, पाचशे ग्रॅम पकडले’… पण मूळ सूत्रधार कुठे?*

काही काळ सिंधुदुर्गात अमली पदार्थविरोधी कारवायांची बातमी म्हणजे दोनशे ग्रॅम गांजा जप्त, पाचशे ग्रॅम गांजा जप्त आणि आरोपी ताब्यात अशीच असायची.

प्रश्न मात्र वेगळा होता—हा गांजा आला कुठून?कोण घेऊन आले?

कोण विकतो?पैसा कुठे जातो?

माल पुरवणारे कोण?आणि या साखळीमागे मोठे मासे कोण?

एखाद्या किरकोळ विक्रेत्याला पकडून प्रकरण संपवणे म्हणजे रोगाचे लक्षण दाबणे; आजाराचे मूळ नष्ट करणे नव्हे.म्हणूनच आम्ही सातत्याने सांगत राहिलो की, अमली पदार्थांच्या विरोधातील खरी कारवाई म्हणजे केवळ पुड्या आणि वजन पकडणे नव्हे; तर संपूर्ण पुरवठा साखळी उद्ध्वस्त करणे होय.

*प्रशासन हतबल आहे की मुद्दाम डोळेझाक?*

हा आमचा पहिल्या दिवसापासूनचा सवाल होता.

पोलीस प्रशासनामार्फत अमली पदार्थविरोधी सप्ताह साजरा केला जातो. जनजागृती केली जाते. शाळा-कॉलेजमध्ये कार्यक्रम होतात. शपथा घेतल्या जातात.

पण जनजागृतीच्या पोस्टरपेक्षा अमली पदार्थ विकणाऱ्यांच्या मुसक्या आवळणे महत्त्वाचे आहे.

म्हणूनच हा सप्ताह केवळ कागदोपत्री राहू नये, अशी भूमिका आम्ही घेतली. कारण एका बाजूला व्यसनमुक्तीचे संदेश आणि दुसऱ्या बाजूला तरुणांच्या हातात अमली पदार्थ—हा विरोधाभास आम्हाला मान्य नव्हता.

*प्रश्न विचारल्याची किंमतही आम्ही मोजली!*

या विषयावर लिखाण करणे सोपे नव्हते.वेगवेगळ्या माध्यमांतून धमक्या, दबावाचे प्रयत्न,बदनामीचे प्रयत्न, फोन करून धमकी देणे, आरोप करने व त्या आरोपाचे रेकाॉर्डिंग व्हायरल करने ,जेव्हा योध्दा शरण येत नाही तेव्हा त्याचे चारीत्र्य हनन केले जाते तसा प्रकार करून आम्हाला घेरण्याचा प्रयत्न झाला. आमच्या भूमिकेमुळे काही मंडळी नाराज झाली. पोलीस विभागातील काही घटक आमच्यावर नाराज आहेत, याचीही आम्हाला जाणीव होती.

पण आम्ही एक गोष्ट स्पष्ट ठेवली—

सत्य लिहिण्यासाठी दुसऱ्याचे प्रमाणपत्र लागत नाही.

आमच्या पदराला खोटे नसेल, तर कोणत्याही दबावाला घाबरण्याचे कारण नाही.चक्रव्यूह उभा केला म्हणून प्रत्येक पत्रकार अभिमन्यू ठरत नाही. सत्याच्या मार्गावर चालणाऱ्याला चक्रव्यूह भेदून बाहेर पडण्याची ताकद मिळते.

आम्हीही त्या चक्रव्यूहातून सहीसलामत बाहेर पडलो.

*आता वातावरण बदलताना दिसत आहे!*

सिंधुदुर्ग जिल्ह्याचे पालकमंत्रीपद नितेश राणे यांच्याकडे आल्यानंतर अवैध धंद्यांविरोधातील कारवायांना काही प्रमाणात गती मिळाल्याचे चित्र दिसू लागले.कारवाई कोणावर झाली, यापेक्षा कारवाई झाली याचे आम्ही स्वागत केले.कारण आमचे धोरण स्पष्ट आहे—आरोपीला जात नसते, धर्म नसतो, पक्ष नसतो. गुन्हा हा गुन्हाच असतो.सत्ताधारी असो वा विरोधक, प्रभावशाली असो वा सामान्य—अमली पदार्थांच्या व्यवहारात कोणी सहभागी असल्याचे

कायदेशीररीत्या सिद्ध झाले, तर त्याच्यावर कायद्यानुसार कारवाई झाली पाहिजे.याच भूमिकेतून आम्ही प्रत्येक कारवाईकडे पाहिले.

*शिरोडा प्रकरणाने पुन्हा अनेक प्रश्न उभे केले*

दोन दिवसांपूर्वी शिरोडा येथे माजी पंचायत समिती सदस्य संदेश परब यांच्याशी संबंधित ठिकाणी पोलिसांनी गांजा व तत्सम अमली पदार्थ जप्त केल्याची कारवाई समोर आली. ही कारवाई त्यांच्या घराशेजारील जुन्या घरात झाल्याचे सांगितले जात आहे.

यानंतर राजकीय आरोप-प्रत्यारोप सुरू झाले.मात्र येथेही आमची भूमिका स्पष्ट आहे—पोलिस तपास पूर्ण होण्यापूर्वी कोणालाही दोषी ठरवणे योग्य नाही आणि त्याच वेळी केवळ राजकीय आरोप झाले म्हणून कोणाला निर्दोषत्वाचे प्रमाणपत्र देणेही योग्य नाही.

सत्य तपासातून बाहेर आले पाहिजे.असत्य फार काळ टिकत नाही. आज नसेल तर उद्या सत्य प्रकाशात येतेच.म्हणूनच या प्रकरणात आम्ही घाईघाईने निष्कर्ष काढण्याऐवजी पोलिस तपासाकडे पाहण्याचे धोरण स्वीकारले आहे.

*आमदार निलेश राणेंच्या आरोपांचेही सत्य बाहेर आले पाहिजे!*

कुडाळ-मालवण मतदारसंघाचे आमदार निलेश राणे यांनी काही महिन्यांपूर्वी अमली पदार्थांच्या व अवैध धंद्याच्या संदर्भात पोलीस प्रशासनावर गंभीर आरोप केले होते. काही व्यक्तींबाबतही त्यांनी आरोप केले होते.त्या आरोपांचे काय?ते आरोप तथ्यहीन होते की त्यामागे काही ठोस माहिती होती?

सत्तेतील एक जबाबदार आमदार नावानिशी आरोप करत असेल तर त्याची चौकशी का झाली नाही,कोण पाठीशी घालते?कोण कोणाला वाचवते,कोण आहे यांचा गाॅडफादर?का होत नाही त्या आरोपांची चौकशी हा आमचा साधा सरळ सवाल आहे..एक आमदार पोटतिडकीने सत्य मांडत असेल तर त्याची पडताळणी का झाली नाही..याचेही उत्तर आम्हाला हवे आहे.कारण अमली पदार्थांचा विषय राजकारणाचा विषय होऊ नये. तो समाजाच्या अस्तित्वाचा विषय आहे.जर पैशाच्या हव्यासापोटी कोणी या विषारी धंद्याला पाठीशी घालत असेल, तर तो कोणत्याही पक्षाचा असो, कोणत्याही पदावर असो किंवा कोणत्याही सरकारी यंत्रणेत असो—कायद्यापेक्षा मोठा कोणीही नाही.

*शंभर गुन्हेगार सुटले तरी चालतील; पण एक निरपराध बळी जाऊ नये!*

आमची भूमिका तितकीच स्पष्ट आहे.कारवाई झाली पाहिजे, पण ती कायद्याच्या चौकटीत झाली पाहिजे. तपास निष्पक्ष झाला पाहिजे. पुरावे तपासले गेले पाहिजेत. दोषीला शिक्षा आणि निरपराधाला संरक्षण—हीच न्यायव्यवस्थेची मूलभूत भूमिका आहे.म्हणूनच आम्ही कोणत्याही व्यक्तीला केवळ राजकीय ओळखीवरून दोषी ठरवत नाही.

पण त्याचवेळी राजकीय ओळख ही तपासापासून सुटण्याची ढालही होऊ नये, एवढे नक्की!

*हा लढा कोणाविरुद्ध नाही; विषाविरुद्ध आहे!*

कोकण लाईव्ह ब्रेकिंग न्यूज चॅनेलचा अमली पदार्थविरोधी लढा कोणत्याही व्यक्तीविरोधात नाही.

हा लढा आहे—गांजाविरोधात!

अमली पदार्थांच्या

व्यापाराविरोधात!तरुणाई बरबाद करणाऱ्या प्रवृत्तीविरोधात!

अवैध धंद्यांना मिळणाऱ्या संरक्षणाविरोधात!आणि प्रशासनाच्या निष्क्रियतेविरोधात!

*या लढ्यात सामान्य जनता व कुडाळ मालवण मतदारसंघाचे आमदार डॉ निलेश राणे यांची साथ*

या लढ्यात आम्हाला सामान्य जनतेची साथ मिळाली. अनेक प्रसंगी कुडाळ-मालवण मतदारसंघाचे आमदार निलेश राणे आमच्या भूमिकेच्या पाठीशी ठामपणे उभे राहिले. इतर अनेकांनी मात्र त्या काळात आमची बाजू घेतली नाही.पण आम्हाला कुणाच्या प्रमाणपत्राची अपेक्षा नव्हती.आम्हाला फक्त एवढेच माहीत होते—आपण जे लिहितो ते प्रामाणिकपणे लिहित आहोत आणि समाजहितासाठी लिहित आहोत.

*पोलीस प्रशासनाला आता एकच सवाल—‘मूळापर्यंत कधी पोहोचणार?’*

आज कारवाया होत आहेत, हे स्वागतार्ह आहे.पण आता पुढचे पाऊल अधिक कठोर असले पाहिजे.छोट्या विक्रेत्यांपासून मोठ्या पुरवठादारांपर्यंत, आर्थिक व्यवहारांपासून संपर्कांच्या साखळीपर्यंत, पुरवठा कुठून होतो यापासून पैसा कुठे फिरतो यापर्यंत—संपूर्ण नेटवर्क उघड झाले पाहिजे.अमली पदार्थांचा व्यापार करणाऱ्याला राजकीय संरक्षण मिळते का, प्रशासनातील कोणी डोळेझाक करते का, आर्थिक हितसंबंध कोणाचे आहेत—हे प्रश्न तपासाच्या कक्षेत आले पाहिजेत.

दोषी कोणत्याही पक्षाचा असो—कायद्याचा हात त्याच्यापर्यंत पोहोचला पाहिजे.कारण पुढची पिढी आपल्याला माफ करणार नाही!आज आपण गप्प बसलो तर उद्या आपल्या घरातील मुलांच्या हातात पुस्तकाऐवजी नशेची पुडी असू शकते.आज एखाद्या दुसऱ्याच्या घरातील मुलगा व्यसनाधीन झाला म्हणून आपण दुर्लक्ष केले, तर उद्या त्याची झळ आपल्या घरापर्यंत येऊ शकते.

म्हणून हा प्रश्न राजकारणाच्या पलीकडचा आहे.सिंधुदुर्ग पर्यटन जिल्हा म्हणून जगाच्या नकाशावर यावा, पण अमली पदार्थांच्या नकाशावर नाही!पोलीस प्रशासनाने सतर्क राहावे. कारवाईचे सत्र थांबवू नये. राजकीय दबाव, पक्षीय भेद, व्यक्तीगत संबंध किंवा कोणाचाही प्रभाव यांना बळी न पडता निष्पक्ष तपास करावा.आणि आम्ही?

गेली दहा वर्षे जिथे उभे होतो, तिथेच आजही उभे आहोत.

कारण हा लढा प्रसिद्धीसाठी नाही.

हा लढा कोणाला खाली खेचण्यासाठी नाही.

हा लढा आहे सिंधुदुर्गाच्या भावी पिढीला अमली पदार्थांच्या विळख्यातून वाचवण्यासाठी!

सत्य बाहेर येईपर्यंत प्रश्न विचारले जातील.दोषी सापडेपर्यंत पाठपुरावा केला जाईल.

आणि सिंधुदुर्ग अमली पदार्थमुक्त होईपर्यंत हा लढा थांबणार नाही!

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_