🛑मळगाव येथील माळीचे घरात सातशे वर्षांची गणेशोत्सवाची परंपरा

*🛑मळगाव येथील माळीचे घरात सातशे वर्षांची गणेशोत्सवाची परंपरा*

*🛑८५ कुटुंबांचा एकोपा; भक्ती, परंपरा आणि सामूहिकतेचा अनोखा वारसा*

*🛑सावंतवाडी तालुक्याचे धार्मिक भूषण ओळख*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-१४-* सावंतवाडी तालुक्यातील मळगाव येथील माळीचे घरात राऊळ कुटुंबियांकडून तब्बल सातशे वर्षांहून अधिक काळ गणेशोत्सवाची परंपरा जपली जात आहे. सुमारे ८५ कुटुंबे एकत्र येऊन भक्ती, परंपरा आणि सामूहिकतेतून साजरा होणारा हा गणेशोत्सव आजही एकत्र कुटुंब
पद्धतीचा आदर्श वारसा ठरला आहे. याच परंपरमुळे सावंतवाडी तालुक्याचे धार्मिक भूषण म्हणून या गणपतीची ओळख निर्माण झाली असून माळीचे घर मळगावचे पाचवे देवस्थान म्हणून नावारूपास आले आहे.

*मातीच्या मूर्तीपासून भक्तीमय उत्सवापर्यंत*
मळगावच्या धार्मिक परंपरेत माळीचे घरातील गणेशोत्सवाला विशेष स्थान आहे. मळगाव व सोनुर्ली या दोन गावांचे दैवत असलेल्या सोनुर्लीच्या श्री देवी माऊलीसह मळगावचे श्री देव रवळनाथ, श्री देव भूतनाथ, श्री देव मायापूर्वचारी आणि श्री देव दोन पूर्वस या देवस्थानांनंतर माळीचे घरातील श्री गणेशाचे स्थान पंचक्रोशीतील पाचवे श्रद्धास्थान म्हणून ओळखले जाते. राऊळ कुटुंबीयांनी श्रद्धा, एकोपा आणि सामूहिक सहभागातून हा वारसा आजवर जपला आहे.

*गावापासून मुंबई-पुण्यापर्यंत विखुरलेले बांधव पुन्हा एकत्र*
मळगाव-देऊळवाडी येथे वसलेले माळीचे घर परिसरात राऊळ कुटुंबीयांची मोठी लोकवस्ती आहे. कुटुंबातील अनेक सदस्य कामानिमित्त पुणे-मुंबईसह विविध ठिकाणी स्थायिक झाले आहेत. मात्र होळीपौर्णिमा, नागपंचमी, अष्टमी आणि गणेशोत्सव या सणांच्या निमित्ताने हे सर्व बांधव एकत्र येतात. गणेशोत्सवाच्या पूर्वतयारीचे नियोजनही याच भेटींमध्ये केले जाते. त्यामुळे उत्सवाची तयारी कोणतीही घाईगडबड न करता नियोजनबद्ध पद्धतीने पूर्ण केली जाते.

*ज्येष्ठांच्या मार्गदर्शनाखाली साकारते गणेशमूर्ती*
गणेशोत्सवापूर्वीच्या पौर्णिमेला शाडूची माती आणली जाते. चतुर्थीपूर्वीच्या आठवड्यात ज्येष्ठ मंडळींच्या मार्गदर्शनाखाली गणेशमूर्ती साकारण्यास सुरुवात होते. मूर्ती तयार करताना तरुणांसह लहान मुलेही उत्साहाने सहभागी होतात. चतुर्थीच्या आदल्या दिवशी मूर्तीला रंग दिला जातो.

*चतुर्थीच्या पहाटेला अवतरते श्रींची नजर*
माळीचे घरातील गणपतीचे सर्वात वैशिष्ट्यपूर्ण वैशिष्ट्य म्हणजे मूर्तीचे पारंपरिक रूप आजही जसेच्या तसे जपले आहे. मातीची मूर्ती तयार झाल्यानंतर तिचे डोळे अर्थात श्रींची नजर चतुर्थीच्या पहाटे पारंपरिक कारागिरांकडून साकारली जाते. त्यामुळे या क्षणाला उत्सवात विशेष धार्मिक महत्त्व प्राप्त झाले आहे.

*सात दिवस भक्ती, संस्कृती आणि सामूहिक आनंदाचा उत्सव*
माळीचे घरातील गणेशोत्सव सात दिवसांचा असतो. मूर्ती प्रतिष्ठापनेनंतर विधिवत पूजन करून गणरायाला सात प्रकारचे नैवेद्य दाखविले जातात. या नैवेद्यातूनच सामूहिक भोजनाचा आनंद घेतला जातो. याशिवाय प्रत्येक कुटुंबाकडून गणरायाच्या आवडीचा नैवेद्यही अर्पण केला जातो.

*रांगोळी, रेकॉर्ड डान्स आणि फुगड्यांनी रंगतो उत्सव*
गणपतीच्या या सात दिवसांच्या कालावधीत सत्यनारायण पूजा आदी धार्मिक तसेच सांस्कृतिक कार्यक्रमांचे आयोजन केले जाते. महिलांसाठी रांगोळी स्पर्धा, लहान मुलांसाठी रेकॉर्ड डान्स स्पर्धा घेतली जाते. घरातील महिला दररोज गणपतीसमोर वेगवेगळ्या प्रकारच्या फुगड्या साकारतात. सायंकाळच्या आरतीनंतर रोज मळगाव तसेच इतर गावातील भजन मंडळाची भजने तर शेवटच्या दिवशी विविध सांस्कृतिक कार्यक्रम सादर केले जातात. ज्येष्ठांपासून लहान मुलांपर्यंत सर्वांचा उत्स्फूर्त सहभाग हे या उत्सवाचे वैशिष्ट्य आहे.

*चोवीस जणांच्या खांद्यावरून श्रींची विसर्जन मिरवणूक*
सातव्या दिवशी ढोल-ताशांच्या गजरात चोवीस जणांच्या आधाराने श्रींची भक्तीमय वातावरणात विसर्जन मिरवणूक काढली जाते. विसर्जनानंतर सामूहिक भोजन घेतले जाते. त्यानंतर पुढील भेटीचे आणि पुढील वर्षीच्या गणेशोत्सवाचे नियोजन करून हे बांधव आपापल्या कामाच्या ठिकाणी रवाना होतात. सात दिवसांच्या भक्तीमय सहवासानंतर गणरायाला निरोप देताना भावुक झालेले बांधव पुढील वर्षीच्या गणेशोत्सवाची आस मनात ठेवून मळगावची वेस ओलांडतात.

*वर्षभर दररोज सायंआरतीची परंपरा*
माळीचे घरातील भक्तीची परंपरा केवळ गणेशोत्सवापुरती मर्यादित नाही. घरातील गाभाऱ्यात श्री गणेशाची मूर्ती असून सर्व कुटुंबीय एकत्र येऊन वर्षभर दररोज सायंकाळी आरती करतात. त्यामुळे गणेशभक्तीचा हा वारसा वर्षभर अखंड सुरू राहतो.

*पाचवे देवस्थान म्हणून वेगळी ओळख*
मळगाव पंचक्रोशीतील धार्मिक परंपरेत माळीचे घरातील श्री गणेशाला विशेष स्थान प्राप्त झाले आहे. सातशे वर्षांहून अधिक काळ श्रद्धेने जपलेली गणेशोत्सवाची परंपरा, जवळजवळ ८५ कुटुंबांचा सामूहिक सहभाग आणि एकत्र कुटुंब पद्धतीचा वारसा यामुळे माळीचे घरातील गणेशोत्सवाने मळगावसह सावंतवाडी तालुक्याच्या धार्मिक-सांस्कृतिक वैभवात वेगळे स्थान निर्माण केले आहे.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_