🛑आमदार निलेश राणेच का? याचे हे उत्तर!

*🛑आमदार निलेश राणेच का? याचे हे उत्तर!*

 

*🛑दहा वर्षांच्या प्रतीक्षेनंतर कुडाळ-मालवणला विकासाची दिशा; निधी, कामे आणि प्रत्यक्ष प्रगतीचा बोलका लेखाजोखा.*

 

*🛑रात आंधळेपणा असलेला काळा गॉगल काढा – रस्त्यावरचा विकास दिसेल.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०९:-* कुडाळ-मालवण विधानसभा मतदारसंघाच्या राजकारणात आज एक प्रश्न सातत्याने चर्चेत आहे—“आमदार निलेश राणेच का?”

या प्रश्नाचे उत्तर भाषणांत नाही, आरोप-प्रत्यारोपांत नाही आणि सोशल मीडियावरील पोस्टमध्येही नाही. या प्रश्नाचे उत्तर रस्त्यांवर, पुलांवर, धरणांच्या कामांमध्ये, आरोग्य सुविधांमध्ये, बसस्थानकांमध्ये, वीज व्यवस्थेत, पर्यटन प्रकल्पांमध्ये आणि मंजूर झालेल्या कोट्यवधी रुपयांच्या निधीत दिसते.

दहा वर्षे कुडाळ-मालवणचे प्रतिनिधित्व करणाऱ्या माजी आमदार वैभव नाईक यांच्या कार्यकाळाकडे पाहिले, तर अनेक महत्त्वाचे प्रश्न वर्षानुवर्षे प्रलंबित राहिल्याचा आरोप आजही मतदारसंघात केला जातो. विधानसभेतील उपस्थिती, प्रश्न मांडणे किंवा विरोधकांवर टीका करणे यापलीकडे आपल्या मतदारसंघासाठी ठोस आणि दीर्घकालीन विकासाची छाप किती निर्माण झाली? हा प्रश्न आजही जनतेसमोर आवासून उभा आहे.निवडणुकीत विजय मिळवणे ही एक गोष्ट; मात्र विजयानंतर सत्ता, प्रशासन आणि शासन यंत्रणेचा उपयोग करून आपल्या मतदारसंघासाठी निधी खेचून आणणे आणि त्या निधीतून प्रत्यक्ष कामे उभी करणे, ही खरी कसोटी असते.आणि याच कसोटीवर गेल्या दीड वर्षाचा कालखंड पाहिला तर आमदार निलेश राणे यांची कार्यपद्धती वेगळी ठळकपणे जाणवते.

*विकास दिसतोय… कारण तो कागदावर नाही, जमिनीवर उतरतोय!*

आरोग्य क्षेत्रात सिंधुदुर्ग जिल्हा मेडिकल कॉलेजच्या सुमारे ३५० कोटींच्या कामाला सुरुवात, ओरोस येथील १४ कोटींच्या क्रिटिकल केअर सेंटरचे काम, तसेच कुडाळ-मालवण तालुक्यातील उपआरोग्य केंद्रांच्या इमारतींसाठी २ कोटी ८० लाखांचा निधी—ही आकडेवारीच बदलाची दिशा सांगते.तारकर्ली, वाडोस, गोठोस, जांभवडे, घोटगे यांसारख्या ठिकाणी आरोग्य सुविधांच्या पायाभूत इमारती उभ्या राहणार असतील, तर विकास केवळ घोषणांमध्ये नाही हे स्पष्ट होते.

*रस्ते-पूल : वर्षानुवर्षांची प्रतीक्षा संपवण्याची सुरुवात*

कुडाळ-मालवणच्या विकासात सर्वात मोठा अडथळा राहिला तो रस्ते आणि पुलांचा. आज राज्य अर्थसंकल्पातून रस्ते दुरुस्तीसाठी ६ कोटी, तर रस्ते सुधारणा व दुरुस्तीसाठी आणखी २० कोटींचा निधी मंजूर झाला आहे.

हळदीचे नेरूर येथील पुलासाठी ५ कोटी, सोनवडे घाटमार्गाच्या भूसंपादनासाठी ४० कोटी, वराड-बाव पुलासाठी १८ कोटी अशी कामांची मालिका सुरू आहे.

यापेक्षाही महत्त्वाचे म्हणजे सहा वर्षे रखडलेला वराड-सोनवडेपार पूल पूर्णत्वास नेणे, २०१८ पासून रखडलेला अणाव घाटातील पेड पूल मार्गी लावणे, माणगाव खोऱ्याला जोडणाऱ्या कर्ली नदीवरील पुलाचे काम पूर्णत्वास नेणे आणि किर्लोस-आंबवणे पूल पूर्णत्वास नेणे, ही कामे केवळ आकडे नाहीत—ही लोकांच्या दैनंदिन जीवनातील अडचणी कमी करणारी कामे आहेत.

*धरणे : २००५, २९ वर्षे… आता कामाला गती!*

कुडाळ-मालवणच्या पाणीप्रश्नाकडे पाहताना आणखी एक मोठा बदल दिसतो.पडवे धरणासाठी ४६ कोटी, घोटगे धरणासाठी ६० कोटी, तर २००५ पासून रखडलेल्या भडगाव धरणासाठी ३६ कोटींचा निधी मंजूर झाला असून काम ३० टक्क्यांपर्यंत पूर्ण झाल्याची माहिती आहे.विशेष म्हणजे २९ वर्षे प्रलंबित आंब्रड धरणाच्या कामाला सुरुवात होऊन अवघ्या तीन महिन्यांत काम अंतिम टप्प्यात पोहोचल्याचा प्रत्यक्षपणे दिसत आहे.

प्रश्न साधा आहे—वर्षानुवर्षे फाईलीत अडकलेले प्रश्न जर आता प्रत्यक्ष कामात रूपांतरित होत असतील, तर जनता बदलाची तुलना करणार नाही का?

*वीज : केवळ आश्वासन नव्हे, यंत्रणेत गुंतवणूक*

वीज यंत्रणा सुधारण्यासाठी ४२ ट्रान्सफॉर्मरना मंजुरी,

किनारपट्टीलगतच्या गावांसाठी भूमिगत वीजवाहिन्यांसाठी ४८० कोटींचा निधी, तसेच सातत्याने वीजपुरवठा खंडित होणाऱ्या हेदूळसाठी स्वतंत्र वीजवाहिनी—या निर्णयांचा थेट परिणाम नागरिकांच्या जीवनावर होणार आहे.विकास म्हणजे फक्त मोठे प्रकल्प नाहीत. गावातील दिवा सातत्याने पेटणे, शेतकऱ्याला वीज मिळणे आणि शहरातील कचरा वेळेवर उचलला जाणे हाही विकासच असतो.

*बससेवा आणि शहर विकासालाही चालना*

कुडाळ-मालवणला आतापर्यंत १८ नवीन बस मिळाल्या आहेत. कुडाळ बसस्थानक परिसरासाठी ३ कोटी, ओरोस बसस्थानक विकासासाठी २ कोटी, तर अनेक वर्षे अपूर्ण असलेले मालवण बसस्थानक पूर्ण करून वापरासाठी उपलब्ध करून देण्यात आले.

कुडाळमध्ये नगरोत्थान योजनेतून ६ कोटी, कचरा प्रकल्पासाठी ५ कोटी, गणेश विसर्जन घाटासाठी १ कोटी, नमो गार्डनसाठी १ कोटी आणि MIDC परिसरातील रस्त्यांसाठी २५ कोटींची प्रशासकीय मान्यता—ही शहर विकासाची ठोस उदाहरणे आहेत.

मालवणमध्ये नळपाणी योजनेसाठी तब्बल ४६ कोटींच्या निधीला मंजुरी मिळून काम सुरू आहे. क्रीडा संकुल, रॉक गार्डन सुशोभीकरण आणि मामा वरेरकर नाट्यगृहाच्या दुरुस्तीसाठीही निधी उपलब्ध होत आहे.

*पर्यटन जिल्हा फक्त नावाने नव्हे, तर सुविधांनी ओळखला जावा!*

कुडाळ तालुक्यात प्रादेशिक पर्यटन योजनेतून १३ कोटींच्या कामांना मंजुरी मिळाली आहे. डिगस तलाव, पांग्रड महादेव मंदिर, नारूर महालक्ष्मी मंदिर, पाट तलाव आणि भंगसाळ नदी परिसर सुशोभीकरण अशी कामे प्रस्तावित आहेत.

कोकण ग्रामीण पर्यटनासाठी ४ कोटींचा आराखडा मंजूर झाला आहे.सिंधुदुर्गला पर्यटन जिल्हा म्हणून ओळख मिळाली असली तरी पर्यटनासाठी आवश्यक पायाभूत सुविधा निर्माण करणे ही खरी गरज आहे. त्यामुळे

पर्यटनाच्या नावावर केवळ घोषणा नकोत; पर्यटक येतील, थांबतील आणि स्थानिकांना रोजगार मिळेल अशा सुविधा हव्यात.

*समाजकल्याण आणि गावपातळीवरील विकासाकडेही लक्ष*

समाजकल्याण विभागातून विविध कामांसाठी २ कोटी, मागासवर्गीय वस्त्यांतील साकवांसाठी १ कोटी ४० लाख, कुडाळ व ओरोस येथे चार वसतिगृहांना मंजुरी, तांडा-वस्ती विकासासाठी २ कोटींचा निधी—ही कामे विकासाचा लाभ केवळ शहरांपुरता मर्यादित न ठेवण्याचा प्रयत्न दर्शवतात.

‌ ग्रामपंचायत इमारतींसाठी १ कोटी १० लाख, आठ नवीन तलाठी कार्यालयांसाठी निधी, मालवण तहसीलदार कार्यालय दुरुस्तीसाठी ३० लाख आणि कुडाळ तहसीलदार कार्यालयासाठी ७० लाख—प्रशासकीय यंत्रणेच्या पायाभूत सुविधांनाही निधी मिळत आहे.

*समुद्रकिनारा आणि बंदर विकासालाही चालना*

देवबाग समुद्रकिनारी १२९ कोटींच्या धूपप्रतिबंधक बंधाऱ्याला मंजुरी, तर तळाशील-तोंडवळी, वायरी, आचरा, कोळंब आणि राजकोट येथे ६५ कोटींच्या बंधाऱ्यांची कामे सुरू आहेत.

पावशी, बिबवणे, सरंबळ, सोनवडे आणि चेंदवन येथील बंधाऱ्यांसाठी १२ कोटींचा निधी, तर चेंदवन, वालावल, नेरूर, सोनवडे आणि बांबुळी येथे जेटींची कामे पूर्ण झाल्याची माहिती आहे.हा विषय केवळ बांधकामाचा नाही. समुद्रकिनाऱ्याचे संरक्षण, मत्स्यव्यवसाय, स्थानिक वाहतूक आणि भविष्यातील पर्यटन यांचा तो प्रश्न आहे.

*DPDCचा आकडा देखील बोलका आहे*

आर्थिक वर्ष २०२५-२६ मध्ये कुडाळ व मालवण तालुक्यांसाठी जिल्हा वार्षिक योजनेतून ३२ कोटी ८५ लाख रुपयांचा निधी मंजूर होऊन खर्च झाल्याची माहिती देण्यात आली आहे.

ग्रामीण मार्ग, जनसुविधा, अंगणवाडी दुरुस्ती, साकव, बंधारे, देवस्थान, समाजकल्याण, शाळा आणि क्रीडांगण विकास अशा विविध क्षेत्रांत निधी वापरला गेला आहे.याचा अर्थ एकच—विकासाचा पट एका विभागापुरता मर्यादित राहिलेला नाही.

प्रश्न वैभव नाईक विरुद्ध निलेश राणे एवढाच नाही…

आज विरोधकांकडून टीका होणारच. लोकशाहीत ती आवश्यकही आहे. माजी आमदार वैभव नाईक यांना त्यांच्या दहा वर्षांच्या कार्यकाळाचा हिशेब मांडण्याचा पूर्ण अधिकार आहे.

पण त्याच वेळी सध्याच्या आमदाराला आपल्या कामाचा हिशेब मांडण्याचा अधिकार आहे.

आणि येथेच जनतेसमोर तुलना उभी राहते—एकीकडे प्रलंबित प्रश्नांची यादी आणि दुसरीकडे त्याच प्रश्नांवर सुरू झालेली कामे.

एकीकडे आश्वासनांची चर्चा आणि दुसरीकडे प्रशासकीय मंजुरी, निधी आणि प्रत्यक्ष कामाची प्रक्रिया.

एकीकडे आरोप-प्रत्यारोप आणि दुसरीकडे कोट्यवधींच्या प्रकल्पांचा लेखाजोखा.

म्हणूनच निलेश राणे यांच्या कार्यपद्धतीचे मूल्यमापन करताना कोणत्याही राजकीय चष्म्याची गरज नाही. कामांची यादीच पुरेशी आहे.

*‘ग्लोबल’ प्रचार विरुद्ध जमिनीवरचा विकास!*

सोशल मीडिया, प्रसिद्धीपत्रके आणि राजकीय टीका यांच्या माध्यमातून कोणत्याही नेत्याची प्रतिमा उभी करता येते. परंतु रस्ता बांधता येत नाही, पूल उभा करता येत नाही, धरणाचे काम पूर्ण करता येत नाही आणि बसस्थानक नागरिकांच्या वापरासाठी उपलब्ध करून देता येत नाही.

त्यासाठी शासनाकडून निधी आणावा लागतो, प्रशासनाला कामाला लावावे लागते, पाठपुरावा करावा लागतो आणि शेवटी प्रत्यक्ष जागेवर काम उभे करावे लागते.

याच ठिकाणी निलेश राणे यांच्या कामाची खरी परीक्षा आहे.

अधिवेशनातील आवाजही महत्त्वाचा!मतदारसंघाचा आमदार केवळ मतदारसंघात फिरणारा नेता नसतो. तो विधानसभेत आपल्या मतदारसंघाचा आवाज असतो.

कुडाळ-मालवण आणि कोकणातील प्रश्न विधानसभेत सातत्याने मांडणे, प्रशासनाकडे पाठपुरावा करणे आणि शासनाच्या निर्णय प्रक्रियेतून निधी मिळवणे—ही आमदारकीची खरी जबाबदारी आहे.निलेश राणे यांनी सत्तेत असूनही मतदारसंघातील प्रश्न विधानसभेत मांडण्याची भूमिका घेतली आहे. सत्ता म्हणजे प्रश्न विसरण्याचा परवाना नसतो; सत्ता म्हणजे प्रश्न सोडवण्यासाठी अधिक ताकद मिळणे.

ही भूमिका महत्त्वाची आहे.

आता जनतेलाच ठरवायचे आहे…

राजकारणात टीका सुरूच राहणार. आरोप होत राहणार. सोशल मीडियावर दावे-प्रतिदावे होत राहणार.

पण कुडाळ-मालवणची जनता आता पूर्वीइतकी भाबडी राहिलेली नाही.

तिला रस्ता दिसतोय.

तिला पूल दिसतोय.

तिला धरणाचे काम दिसतेय.

तिला नवीन बस दिसतेय.

तिला आरोग्य प्रकल्प दिसत आहेत.

तिला शहरातील विकासकामे दिसत आहेत.

तिला कोट्यवधींच्या निधीची कामे प्रत्यक्षात सुरू होताना दिसत आहेत.

म्हणूनच विकासाच्या या दृश्य राजकारणासमोर केवळ आरोपांचे राजकारण किती काळ टिकणार, हा खरा प्रश्न आहे.

कारण विकास अदृश्य नसतो… तो दिसतो!

आणि गेल्या दीड वर्षात कुडाळ-मालवणच्या विकासाचा जो लेखाजोखा समोर आला आहे, तो सांगतो—आमदारकी म्हणजे केवळ खुर्ची नव्हे; ती जबाबदारी आहे.आमदारकी म्हणजे केवळ भाषण नव्हे; ती पाठपुराव्याची ताकद आहे.आमदारकी म्हणजे केवळ विरोधकांवर टीका नव्हे; ती आपल्या मतदारसंघासाठी निधी आणण्याची क्षमता आहे.

आणि म्हणूनच आज “आमदार निलेश राणेच का?” या प्रश्नाचे उत्तर कोणत्याही राजकीय सभेत शोधण्याची गरज नाही.

उत्तर कुडाळ-मालवणच्या रस्त्यांवर आहे.

उत्तर पुलांवर आहे.

उत्तर धरणांच्या कामात आहे.

उत्तर आरोग्य सुविधांमध्ये आहे.

उत्तर कोट्यवधींच्या मंजूर निधीत आहे.आणि सर्वांत महत्त्वाचे म्हणजे—

उत्तर जनतेच्या डोळ्यांसमोर दिसणाऱ्या विकासात आहे!

म्हणूनच आता विरोधकांनी कितीही टीकेची टीमकी वाजवली, तरी कुडाळ-मालवणची जनता एकच प्रश्न विचारणार—

“दहा वर्षांत काय केले?” आणि “दीड वर्षात काय झाले?”

या दोन प्रश्नांच्या उत्तरातच ‘आमदार निलेश राणेच का?’ याचे खरे उत्तर दडले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_