🛑गणेशोत्सवातील भजनी बुवांच्या कॅसेटचा काळ हरवला

*🛑गणेशोत्सवातील भजनी बुवांच्या कॅसेटचा काळ हरवला*

*🛑कॅसेटचा खडखडाट थांबला, पण भजनांचा भक्तीरस आजही कायम*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-* गणेशोत्सव जवळ आला की बाजारपेठेत गणेशमूर्ती, सजावटीचे साहित्य आणि पूजेच्या साहित्याबरोबरच भजनी बुवांच्या दर्जेदार भजनांच्या कॅसेटचीही आवर्जून खरेदी होत असे. विविध भजनी बुवांनी चालबद्ध केलेल्या भक्तिगीतांनी सजलेल्या या कॅसेटमधून सकाळ-सायंकाळ घुमणाऱ्या भजनाच्या सुरांनी गणेश चतुर्थीच्या आगमनाची जणू चाहूलच लागत असे. मात्र, काळ बदलला, तंत्रज्ञान आले आणि मोबाईलच्या माध्यमातून भजने सहज उपलब्ध होऊ लागल्याने भजनी बुवांच्या कॅसेटचा तो काळ आता इतिहासजमा झाला आहे. एकेकाळी बाजारात मोठ्या प्रमाणात उपलब्ध असलेल्या भजनांच्या कॅसेट आता बंदच झाल्याने गणेशोत्सवात दुकाना दुकानात घुमणारा भजनाचा नाद काहीसा हरवला असला तरी भजनांचा भक्तीरस विविध माध्यमांच्या माध्यमातून आजही कायम आहे.
पूर्वी गणेशोत्सवाच्या काही दिवस आधीपासूनच बाजारपेठेत भजनांच्या नव्या कॅसेट दाखल होत असत. आपल्या वैशिष्ट्यपूर्ण आवाजाने आणि भक्तीमय सादरीकरणाने रसिकांच्या मनावर ठसा उमटविणारे भजनी बुवा दरवर्षी नव्या चाली, नव्या रचना आणि भक्तीरसाने ओतप्रोत भरलेली भजने कॅसेटच्या माध्यमातून श्रोत्यांपर्यंत पोहोचवत असत.

*लोकल भजनी बुवांच्या भजनांच्या कॅसेटला विशेष मागणी*
त्या काळात भगवान लोकरे, श्रीधर मुणगेकर, प्रमोद हर्याण, रामदास कासले, लक्ष्मण गुरव, काशीराम परब आदी भजनी बुवांबरोबर दिप्तेश मेस्त्री, कृष्णा पवार, भालचंद्र केळुसकर, रुपेंद्र परब, कृष्णा राऊळ, संतोष रेडकर या लोकल भजनी बुवांच्या कॅसेट बाजारात मोठ्या प्रमाणात उपलब्ध असत. त्यातही मोठ्या प्रमाणात लोकल बुवांच्या भजनांच्या कॅसेटला रसिकांकडून मोठ्या प्रमाणात चांगला प्रतिसाद मिळत असे. गणेशोत्सवाच्या पार्श्वभूमीवर नवीन कॅसेट बाजारात आली की ती खरेदी करण्यासाठी भजनप्रेमी उत्सुक असत. दरवर्षी हे भजनी बुवा आपण स्वतः चालबद्ध केलेल्या चालींवर आधारित संपूर्ण भजनांचे ध्वनिमुद्रण करून कॅसेटच्या माध्यमातून ते श्रोत्यांपर्यंत पोहोचवत असत. त्यामुळे त्यांच्या भजनांना घराघरांत, गणेश मंडळांमध्ये तसेच विविध धार्मिक कार्यक्रमांमध्ये मोठ्या प्रमाणात पसंती मिळत असे.

*कॅसेटनंतर सीडीचा जमाना; मात्र भजनांचा प्रवास सुरूच*
कॅसेटच्या काळानंतर सीडीचा जमाना आला. या काळातही भजनप्रेमींनी सीडीला चांगला प्रतिसाद दिला. भजनांच्या ध्वनिमुद्रणाचे माध्यम बदलले असले तरी भजनी बुवांच्या नव्या रचना आणि भक्तीगीते रसिकांपर्यंत पोहोचत होती. त्यामुळे काही काळ भजनांच्या ध्वनिमुद्रित साहित्याची परंपरा टिकून राहिली. मात्र, त्यानंतर मोबाईल आणि डिजिटल माध्यमांचा वापर झपाट्याने वाढला. इंटरनेट, मेमरी कार्ड, शेअर इट, पेनड्राईव्ह आदी माध्यमांतून भजने एका व्यक्तीकडून अनेकांपर्यंत सहज पोहोचू लागली. एका व्यक्तीने कॅसेट किंवा सीडी खरेदी केल्यानंतर त्यातील भजने इतरांना डिजिटल माध्यमातून पाठविली जाऊ लागली. परिणामी, भजनांच्या कॅसेट व सीडीच्या विक्रीवर मोठा परिणाम होऊ लागला.

*विक्री घटल्याने भजनी बुवांनी कॅसेट काढणे केले बंद*
कॅसेटच्या विक्रीतून मिळणाऱ्या उत्पन्नाच्या तुलनेत ध्वनिमुद्रण, निर्मिती आणि कॅसेट तयार करण्याचा खर्च वाढत असल्याने भजनी बुवांना आर्थिक नुकसान सहन करावे लागू लागले. परिणामी, अनेक भजनी बुवांनी नवीन कॅसेट काढणे हळूहळू बंद केले. काही भजनी बुवांनी मात्र आर्थिक तोटा सहन करूनही आपली भजने अधिकाधिक लोकांपर्यंत पोहोचावीत, या उद्देशाने काही वर्षे कॅसेटच्या माध्यमातून भजने रसिकांसमोर आणली. मात्र, डिजिटल माध्यमांचा वाढता प्रभाव आणि कॅसेटच्या घटत्या मागणीमुळे अखेर त्यांनीही कॅसेट निर्मिती थांबविली.

*मोबाईलमुळे भजने सहज उपलब्ध; पण कॅसेटचा काळ मात्र आठवणीत*
आजच्या डिजिटल युगात मोबाईलवर काही क्षणांत कोणतेही भजन ऐकता येते. सोशल मीडिया, विविध डिजिटल माध्यमे आणि ऑनलाइन प्लॅटफॉर्ममुळे भजने मोठ्या प्रमाणात उपलब्ध झाली आहेत. त्यामुळे भजने ऐकण्याची सुविधा वाढली असली तरी पूर्वी कॅसेट खरेदी करून ती आवडीने ऐकण्याचा आनंद आणि त्यातून निर्माण होणारे गणेशोत्सवाचे वातावरण मात्र आता अनुभवायला मिळत नाही. गणेशोत्सवाच्या दिवसांत घराघरांत आणि दुकाना दुकानात वाजणाऱ्या भजनी बुवांच्या कॅसेट, कॅसेट दुकानांमध्ये कॅसेट खरेदीसाठी होत असलेली गर्दी, नवीन कॅसेट मिळाल्याचा आनंद आणि त्या भजनांच्या सुरांनी भारलेले वातावरण हा एकेकाळचा अविभाज्य भाग होता. आज हीच परंपरा डिजिटल माध्यमांतून पुढे सुरू असली, तरी भजनी बुवांच्या कॅसेटचा खडखडाट आणि त्यातून घुमणारा भक्तिरसाचा नाद मात्र काळाच्या पडद्याआड गेला आहे.
गणेशोत्सवाच्या निमित्ताने जुन्या आठवणींना उजाळा देताना भजनप्रेमींच्या मनात आजही त्या कॅसेटच्या काळाची आठवण ताजी होते. तंत्रज्ञानाने भजने ऐकणे सोपे केले असले, तरी त्या काळातील कॅसेटची उत्सुकता, भजनांची प्रतीक्षा आणि गणेशोत्सवाच्या वातावरणात घुमणारा भक्तिरसाचा नाद आजही अनेकांच्या स्मरणात आहे

*बदलत्या काळासोबत कलाकारांनीही बदलले पाहिजे’ — दिप्तेश मेस्त्री*
याबाबत संगीत अलंकार दिप्तेश मेस्त्री यांना विचारले असता ते म्हणाले,“बदलत्या काळासोबत आपणही बदलणे गरजेचे आहे. नवनवीन तंत्रज्ञान आत्मसात करून त्याचा योग्य वापर केला, तर अधिक दर्जेदार संगीत नव्या पिढीपर्यंत प्रभावीपणे पोहोचविता येईल. आज यूट्यूब, इन्स्टाग्राम आणि फेसबुकसारख्या डिजिटल माध्यमांचा प्रभाव मोठा आहे. या माध्यमांच्या माध्यमातून युवा पिढीशी थेट संवाद साधता येतो. आज अनेक कलाकारांनी स्वतः ची डिजिटल माध्यमांवरील चॅनेल्स सुरू केली आहेत. त्यामुळे पारंपरिक संगीत आणि भजनांची समृद्ध परंपरा नव्या पिढीपर्यंत पोहोचविण्याची मोठी संधी उपलब्ध झाली आहे. युवा पिढीने केवळ अंगविक्षेप असलेले मनोरंजनात्मक व्हिडिओ पाहण्यापेक्षा दर्जेदार संगीत, भजन आणि सांस्कृतिक कलांना प्रोत्साहन देणाऱ्या चॅनेल्सकडे वळले पाहिजे. डिजिटल माध्यमांचा योग्य वापर करून आपल्या संगीत परंपरेचे जतन आणि संवर्धन करणे ही आजच्या कलाकारांचीही जबाबदारी आहे,” तसेच काही भजनी बुवांनी आपल्याकडील संगीत कला सर्वांपर्यंत पोहोचावी, ह्या हेतूने संगीत क्लास सुरु केले आहेत, त्याचाही उपयोग संगीत कलेची आवड अससेल्यांनी केला पाहिजे.

*कॅसेटच्या काळातील नव्या अभंगांची उत्सुकता आजही स्मरणात— सचिन पिकुळकर*
एक भजनपेमी सचिन पिकुळकर यांना विचारले असता, त्यांनी सांगितले की, भजनी बुवांच्या कॅसेटची जशी भजनी बुवांना उत्सुकता असायची, तशीच ती भजनप्रेमींनाही असायची. एखाद्या भजनी बुवाची नवीन कॅसेट बाजारात आली की, त्यामध्ये नवीन अभंग, गौळण, गजर कोणते आहेत, हे ऐकण्याची भजनप्रेमींमध्ये आतुरता असायची. नवीन कॅसेट मिळाल्यानंतर ती आवर्जून खरेदी करून त्यातील भजने ऐकण्याचा व भजनात बसविण्याचा आनंद काही वेगळाच होता. आज मोबाईल आणि यूट्यूबच्या माध्यमातून कोणतेही भजन क्षणात ऐकता येते. तंत्रज्ञानामुळे भजने सहज उपलब्ध झाली असली, तरी भजनी बुवांनी कॅसेट काढणे बंद केल्याने नव्या अभंगांची, गौळणींची आणि गजरांची पूर्वीसारखी प्रतीक्षा राहिलेली नाही. त्यामुळे कॅसेटच्या माध्यमातून नवनवीन भजने ऐकण्याचा तो काळ आजही स्मरणात आहे.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_