🛑महाराष्ट्रातील जमीन, जाहिरातीत मात्र ‘गोवा’! सासोलीचे नाव पुसून नेमके काय साधायचे आहे?

*🛑महाराष्ट्रातील जमीन, जाहिरातीत मात्र ‘गोवा’! सासोलीचे नाव पुसून नेमके काय साधायचे आहे?*

 

*🛑दोडामार्गच्या मातीत प्रकल्प उभा करून सोशल मीडियावर ‘Sasoli, Goa’चा प्रचार; स्थानिक भूमीची ओळख लपवण्याचा हा प्रयत्न तर नाही ना? आता याविरोधात आम्हीही आवाज उठवणार..*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ३१:-* सासोली हे केवळ एका गावाचे नाव नाही; ती दोडामार्ग तालुक्याची आणि सिंधुदुर्ग जिल्ह्याची ओळख आहे. ही जमीन महाराष्ट्रात आहे, दोडामार्ग तालुक्यात आहे, सिंधुदुर्ग जिल्ह्यात आहे—हे निर्विवाद वास्तव आहे. मात्र ज्या जमिनीवर प्रकल्प उभा राहतो, त्याच प्रकल्पाची सोशल मीडियावर जाहिरात करताना ‘Sasoli, Goa’ असा उल्लेख केला जात असेल, तर हा केवळ मार्केटिंगचा भाग म्हणून दुर्लक्षित करण्यासारखा विषय नाही. हा थेट प्रश्न आहे सासोलीच्या ओळखीचा आणि दोडामार्गच्या नावाचा.

जमीन महाराष्ट्रात आणि तालुका दोडामार्ग असताना जाहिरातीत ‘Goa’ पुढे करण्याची गरज काय? गोवा जवळ आहे म्हणून गोव्याची जवळीक सांगणे वेगळे आणि महाराष्ट्रातील सासोलीला ‘Sasoli, Goa’ म्हणून दाखवणे वेगळे. या दोन्ही गोष्टींची सरमिसळ करून संभाव्य ग्राहकांसमोर नेमकी कोणती प्रतिमा उभी केली जात आहे, हा आता गंभीर प्रश्न आहे.

दोडामार्गचे नाव का नाही? सिंधुदुर्गचे नाव का नाही? महाराष्ट्राचे नाव का नाही? सासोलीच्या नावासोबत ‘Maharashtra’, ‘Dodamarg’ किंवा ‘Sindhudurg’ न लिहिता ‘Goa’ लिहिण्यामागचा उद्देश काय? हा प्रश्न विचारणे चुकीचे कसे ठरेल? एखाद्या ठिकाणाची ओळख जाणीवपूर्वक दुसऱ्या राज्याशी जोडली जात असेल, तर त्यामागे केवळ सौंदर्यीकरणाचा हेतू आहे की ग्राहकांच्या मानसिकतेवर परिणाम करण्याचा प्रयत्न, हे स्पष्ट झाले पाहिजे.

आज रिअल इस्टेटच्या बाजारात केवळ जमीन विकली जात नाही; लोकेशन विकले जाते. ‘गोवा’ हे नाव देश-विदेशातील ग्राहकांसाठी मोठे आकर्षण आहे. त्यामुळे महाराष्ट्रातील सासोलीची जमीन ‘Goa’च्या नावाने डिजिटल माध्यमातून बाजारात आणली जात असेल, तर संभाव्य ग्राहकाच्या मनात त्या मालमत्तेबद्दल कोणती भौगोलिक प्रतिमा तयार होते, याचा विचार करणे आवश्यक आहे. ग्राहकाला प्रत्यक्ष जमीन कुठे आहे, हे स्पष्ट आणि अचूकपणे सांगणे ही जाहिरातदाराची जबाबदारी आहे.

दोडामार्गला स्वतःची ओळख आहे. सिंधुदुर्गला स्वतःची ओळख आहे. सासोलीला स्वतःची ओळख आहे. गोव्याच्या शेजारी असणे हे दोडामार्गचे भौगोलिक वैशिष्ट्य असू शकते; पण त्यामुळे दोडामार्ग गोवा होत नाही आणि सासोली गोवा होत नाही. गोव्याची जवळीक दाखवायची असेल तर ती स्पष्टपणे दाखवता येते. मग ‘Sasoli, Goa’ अशी ओळख देण्याची आवश्यकता नेमकी का निर्माण झाली?

हा प्रश्न केवळ एका प्रकल्पापुरता मर्यादित नाही. आज जर महाराष्ट्रातील एखाद्या गावाचे नाव बाजूला सारून शेजारच्या राज्याची ओळख पुढे करून जमीन विकली जात असेल, तर उद्या अशाच प्रकारे इतर गावांचीही ओळख बाजारपेठेच्या सोयीसाठी बदलली जाऊ शकते. स्थानिक भूमीची ओळख ही जाहिरातीतील ‘ब्रँडिंग’ची वस्तू नाही. ती त्या गावातील लोकांची, त्या परिसराची आणि त्या मातीची ओळख आहे.

विशेषतः बाहेरून येणारे व्यावसायिक येथे गुंतवणूक करतात, प्रकल्प उभे करतात, स्थानिक जमिनीवर व्यावसायिक संधी निर्माण करतात—याला विकासाच्या दृष्टीने विरोध करण्याचे कारण नाही. पण ज्या भूमीमुळे व्यवसाय उभा राहतो, त्याच भूमीचे नाव लपवून दुसऱ्या ठिकाणाची ओळख पुढे केली जात असेल, तर त्यावर प्रश्न उपस्थित होणारच. विकासाचे स्वागत आहे; मात्र स्थानिक ओळख पुसून विकास नको.

आमचा सवाल स्पष्ट आहे—महाराष्ट्रातील जमीन असेल तर जाहिरातीत महाराष्ट्र का नाही? दोडामार्गची जमीन असेल तर दोडामार्गचे नाव का नाही? सासोलीत प्रकल्प असेल तर सासोलीचे नाव ‘Goa’च्या नावाखाली का लपवले जात आहे?

याबाबत आता आम्ही देखील शांत बसणार नाही. सासोली आणि दोडामार्गच्या नावाचा हा प्रश्न केवळ सोशल मीडिया पोस्टपुरता मर्यादित ठेवला जाणार नाही. संबंधित जाहिरातींची वस्तुस्थिती तपासली जाईल, प्रत्यक्ष जमीन कुठे आहे आणि जाहिरातीत तिचे लोकेशन कसे दाखवले जात आहे, याची पडताळणी केली जाईल आणि आवश्यक त्या पातळीवर हा प्रश्न मांडला जाईल. ग्राहकांची दिशाभूल होत असेल तर त्याबाबत संबंधित यंत्रणांचे लक्ष वेधणे हीदेखील आमची जबाबदारी आहे.

जर ‘Sasoli, Goa’ हा उल्लेख चुकून झाला असेल, तर संबंधितांनी तो तातडीने दुरुस्त करावा. जर तो केवळ गोव्याची जवळीक दाखवण्यासाठी वापरला असेल, तर जाहिरातीत “Goa near Sasoli, Maharashtra” अशी स्पष्टता ठेवता येते. पण प्रत्यक्ष महाराष्ट्रातील जमीन आणि तिचे लोकेशनच गोव्याशी जोडून दाखवले जात असेल, तर त्या प्रकाराचे स्पष्टीकरण देणे आवश्यक आहे.

सासोलीची जमीन विकायची असेल, तर सासोलीच्या नावाने विकावी. दोडामार्गची जमीन विकायची असेल, तर दोडामार्गचे नाव अभिमानाने घ्यावे. सिंधुदुर्गची भूमी असेल, तर सिंधुदुर्गची ओळख लपवण्याची गरज काय?

आम्ही विकासाच्या विरोधात नाही. आम्ही गुंतवणुकीच्या विरोधात नाही. पण स्थानिक भूमीची ओळख पुसून, दुसऱ्या राज्याच्या नावाचा आधार घेऊन मार्केटिंग केले जात असेल, तर त्याविरोधात आवाज उठवणे गरजेचे आहे.

 

*..आणि तो आवाज आता उठणार आहे..*

 

दोडामार्गचे नाव झाकून गोव्याचे नाव पुढे करण्याचा प्रयत्न जर होत असेल, तर सासोलीच्या मातीला हा प्रश्न विचारण्याचा पूर्ण अधिकार आहे.“आमची जमीन चालते, मग आमचे नाव का चालत नाही?” हा प्रश्न आम्हीही आता ठामपणे मांडणार.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_