🛑टीकेचे गॉगल उतरवा; विकासाचा आरसा पाहा!

*🛑टीकेचे गॉगल उतरवा; विकासाचा आरसा पाहा!*

 

*🛑कुडाळ-मालवणमध्ये निलेश राणेंची विकासदौड; दीड वर्षांत कोट्यवधींच्या कामांना गती, अधिवेशनात रोखठोक आवाज आणि सत्तेत असूनही सरकारला जाब!*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- २९:-* कुडाळ-मालवणच्या राजकारणात सध्या विकासकामांपेक्षा टीकेचे व्हिडिओ, आरोप-प्रत्यारोप आणि सोशल मीडियावरील राजकीय धुरळा अधिक दिसत आहे. एखाद्या रस्त्यावर खड्डा दिसला की कॅमेरा काढायचा, व्हिडिओ करायचा आणि त्या एका खड्ड्याला संपूर्ण मतदारसंघाच्या विकासाचे प्रमाणपत्र समजायचे—हा विरोधकांचा नवा राजकीय फॉर्म्युला असेल तर जनता आता त्याला किती गांभीर्याने घेणार, हा प्रश्न आहे.कारण जनता आता फक्त व्हिडिओ पाहत नाही.जनता काम पाहते. निधी पाहते. रस्ते पाहते. सुविधा पाहते. पर्यटनाची दिशा पाहते. आणि सर्वात महत्त्वाचे म्हणजे आपल्या लोकप्रतिनिधीचा सरकारसमोरचा आवाज पाहते.

याच कसोटीवर पाहिले तर आमदार निलेश राणे यांच्या दीड वर्षांच्या कार्यकाळात

कुडाळ-मालवणमध्ये विकासकामांना गती देण्याचा प्रयत्न स्पष्टपणे दिसून येतो.

सत्तेत असूनही ‘होयबा’ नाही; जनतेसाठी सरकारलाच प्रश्न!निलेश राणे यांच्या राजकीय कार्यशैलीची सर्वात मोठी जमेची बाजू कोणती असेल, तर ती म्हणजे सत्तेत असूनही प्रश्न विचारण्याची भूमिका.

सत्ताधारी पक्षाचा आमदार म्हणजे सरकारच्या प्रत्येक निर्णयावर टाळ्या वाजवणारा प्रतिनिधी नसतो. आपल्या मतदारसंघाचा प्रश्न असेल तर तो मुख्यमंत्र्यांपासून मंत्र्यांपर्यंत आणि प्रशासनापासून विधिमंडळापर्यंत पोहोचवण्याचे काम लोकप्रतिनिधीला करावे लागते.अधिवेशनातील निलेश राणे यांची भाषणे पाहिली तर मतदारसंघातील प्रश्नांवर त्यांनी घेतलेली रोखठोक भूमिका लक्षात येते.सत्तेत आहोत म्हणून गप्प बसायचे नाही; जनतेचा प्रश्न असेल तर तो ठामपणे मांडायचा!

ही भूमिका राजकीयदृष्ट्या महत्त्वाची आहे.कारण विरोधक असताना प्रश्न विचारणे सोपे असते; पण सत्तेच्या बाजूला उभे राहून आपल्या सरकारकडेच कामाचा आग्रह धरण्यासाठी राजकीय धाडस लागते.

*‘एक खड्डा दाखवून विकास संपत नाही!’*

रस्त्यावर खड्डा आहे?

दाखवा!रस्ता खराब आहे?

प्रश्न विचारा!काम निकृष्ट आहे?

पुरावे द्या!ठेकेदार दोषी आहे?

कारवाई मागा!हीच खरी लोकशाही.पण एखाद्या रस्त्यावरील खड्ड्याचा व्हिडिओ करून ‘संपूर्ण कुडाळ-मालवणचा विकास ठप्प’ असल्याचा दावा करणे म्हणजे जनतेच्या बुद्धीला कमी लेखणे होय.कारण त्याच मतदारसंघात एकाच वेळी अनेक विकासकामे सुरू असू शकतात.

एक खड्डा विकासाचा अंत नाही आणि एक उद्घाटन विकासाचे अंतिम प्रमाणपत्रही नाही.

दोन्ही बाजूंचा हिशेब जनतेसमोर ठेवला पाहिजे.

*पिवळे गॉगल लावले की जग पिवळेच दिसते!*

‘विरोधाची कावीळ झाली की पिवळे गॉगल लावून सगळीकडे पिवळेच दिसते,’ अशी राजकीय टोलेबाजी सध्या ऐकायला मिळते.

या टोलेबाजीत राजकारणाचे एक कटू सत्य दडले आहे.विरोध करा, पण डोळे उघडे ठेवून करा!

जिथे चूक आहे तिथे बोट ठेवा; पण जिथे काम झाले आहे तिथे काम झाले आहे असे म्हणण्याचे राजकीय मोठेपणही दाखवा.

नाहीतर प्रश्न विकासाचा राहत नाही; प्रश्न विरोधाच्या

मानसिकतेचा बनतो.

*दहा वर्षांचा कार्यकाळ विसरून दीड वर्षांचा हिशेब?*

आज विद्यमान आमदारांच्या विकासकामांवर प्रश्न उपस्थित करणाऱ्यांनी एक गोष्ट लक्षात ठेवावी—जनतेला मागील दहा वर्षांचाही हिशेब माहीत आहे.

माजी आमदार वैभव नाईक यांना मतदारसंघाचे प्रतिनिधित्व करण्यासाठी तब्बल दहा वर्षांचा कालावधी मिळाला.

त्या काळात किती निधी आणला?

किती रस्ते झाले?

किती प्रकल्प पूर्ण झाले?

किती प्रश्न प्रलंबित राहिले?

किती आश्वासने प्रत्यक्षात उतरली?

याचाही हिशेब कधीतरी जनतेसमोर यायलाच हवा.

आज दीड वर्षांच्या कामांवर बोट ठेवताना दहा वर्षांच्या कार्यकाळाचा आरसाही समोर ठेवावा लागेल.कारण लोकशाहीत नवीन आमदाराला प्रश्न विचारण्याचा अधिकार जनतेला आहे; पण जुन्या आमदाराच्या कार्यकाळाचे मूल्यमापन करण्याचा अधिकारही त्याच जनतेला आहे.

*निलेश राणेंची खरी परीक्षा आता सुरू झाली आहे!*

निलेश राणे यांच्या समर्थकांना त्यांच्या दीड वर्षांच्या कामगिरीचा अभिमान वाटत असेल, तर त्याला सर्वात मोठे उत्तर म्हणजे आगामी काळात आणखी ठोस कामे.

कोट्यवधींच्या विकासकामांना सुरुवात झाली असेल तर ती वेळेत पूर्ण झाली पाहिजेत.

रस्त्यांची कामे झाली तर ती दर्जेदार झाली पाहिजेत.

पर्यटनासाठी निधी आला तर त्यातून प्रत्यक्ष रोजगार निर्माण झाला पाहिजे.गावागावातील मूलभूत सुविधा सुधारल्या पाहिजेत.प्रशासनातील अडथळे दूर झाले पाहिजेत.आणि सर्वात महत्त्वाचे—जनतेला आपल्या आयुष्यात त्याचा परिणाम जाणवला पाहिजे.

*याच ठिकाणी निलेश राणेंची खरी कसोटी आहे.*

अधिवेशनातील आवाज ते गावातील विकास—हीच खरी जोड!लोकप्रतिनिधीचे काम फक्त सभागृहात भाषण करण्यापुरते मर्यादित नसते.सभागृहात प्रश्न मांडणे,मंत्र्यांकडे पाठपुरावा करणे,

अधिकाऱ्यांना जाब विचारणे,

निधी मिळवणे,प्रलंबित कामे मार्गी लावणेआणि शेवटी ती कामे प्रत्यक्ष जमिनीवर उतरवणे—ही संपूर्ण प्रक्रिया पूर्ण झाली तरच लोकप्रतिनिधित्व यशस्वी ठरते.

निलेश राणे यांच्या दीड वर्षांच्या कार्यकाळाकडे त्यांच्या समर्थकांकडून व जनतेकडून याच दृष्टिकोनातून पाहिले जात आहे.!

*आता निर्णय ‘व्हिडिओ’ देणार नाहीत; जनता देणार!*

आज कोण किती आरोप करतो यापेक्षा उद्या कोण किती कामे पूर्ण करतो हे महत्त्वाचे आहे.

आज कोणाचा व्हिडिओ व्हायरल होतो यापेक्षा उद्या कोणाच्या गावात चांगला रस्ता होतो हे महत्त्वाचे आहे.

आज कोण किती मोठ्याने टीका करतो यापेक्षा उद्या किती तरुणांच्या हाताला रोजगार मिळतो हे महत्त्वाचे आहे.

जनतेच्या न्यायालयात सोशल मीडिया ट्रेंडपेक्षा विकासकामांचा ठसा मोठा असतो.

म्हणूनच विरोधकांनी टीका करावी; पण ती तथ्याधारित असावी.

सत्ताधाऱ्यांनी कामे करावी; पण ती गुणवत्तापूर्ण असावी.आणि जनता?जनता सगळ्यांचा हिशेब ठेवत आहे.

*निलेश राणेंची विकासदौड थांबता कामा नये!*

दीड वर्षांत मिळालेली गती पुढील वर्षांत अधिक वेगाने पुढे नेणे ही निलेश राणेंची जबाबदारी आहे.

अधिवेशनातील रोखठोक आवाज विकासाच्या प्रत्यक्ष कामांमध्ये दिसला पाहिजे.

कोट्यवधींचा निधी प्रत्यक्ष जमिनीवर उतरला पाहिजे.

कुडाळ-मालवणचा पर्यटन विकास वेगाने झाला पाहिजे.

गावागावातील रस्ते, पाणी, वीज, आरोग्य आणि मूलभूत सुविधा अधिक सक्षम झाल्या पाहिजेत.

आणि सर्वात महत्त्वाचे म्हणजे ‘विकास झाला’ असे सांगण्याची गरज पडू नये; विकास स्वतःच बोलला पाहिजे.

कारण शेवटी इतिहास पत्रकार परिषदा लिहीत नाही.

इतिहास सोशल मीडिया व्हिडिओ लिहीत नाही.इतिहास आरोप-प्रत्यारोप लिहीत नाही.

इतिहास लिहितो तो प्रत्यक्ष झालेला विकास!

आणि म्हणूनच आज कुडाळ-मालवणच्या राजकारणाला एकच संदेश—

“गॉगल काढा… विकासाचा आरसा पाहा!”

टीकेची चपराक शब्दांनी नाही, तर विकासकामांनी द्या; निलेश राणेंची विकासदौड अधिक वेगाने धावली तर त्याचा अंतिम विजय आमदाराचा नव्हे—कुडाळ-मालवणच्या जनतेचा असेल!

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_