🛑विठ्ठल नामाच्या जयघोषात मळगावचा सातपाराचा हरिनाम सप्ताह उत्साहात

*🛑विठ्ठल नामाच्या जयघोषात मळगावचा सातपाराचा हरिनाम सप्ताह उत्साहात*

*🛑रवळनाथ मंदिरात दीड दिवसीय धार्मिक सोहळा*

*🛑दिंडी, गोपाळकाला व महाप्रसादाने सांगता*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-२८:-* विठ्ठल नामाच्या जयघोषात हजारो वर्षांची परंपरा लाभलेल्या सावंतवाडी तालुक्यातील मळगाव येथील पंचायतन श्री देव रवळनाथ मंदिरातील दीड दिवसीय सातपाराचा वार्षिक हरिनाम सप्ताह उत्साहात व भक्तिभावाने संपन्न झाला. गावातील मानकरी, भजन मंडळे आणि पंचक्रोशीतील हजारो भाविकांच्या उपस्थितीत झालेल्या या धार्मिक सोहळ्याने रवळनाथ मंदिर परिसर भक्तिरसात न्हाऊन निघाला. गणेश पूजन, घाट धुपारत, पाराची भजने, दिंडी, गोपाळकाला, महाआरती, महाप्रसाद आदी विविध धार्मिक कार्यक्रमांनी सप्ताहाची सांगता झाली.

*नारळी पौर्णिमेला हरिनाम सप्ताहाची परंपरा*
मळगाव येथील श्री देव रवळनाथ मंदिरात दरवर्षी श्रावण महिन्यातील नारळी पौर्णिमेच्या निमित्ताने सातपाराचा हरिनाम सप्ताह साजरा केला जातो. यंदाही गुरुवार, २७ ऑगस्टपासून मोठ्या उत्साहात या सप्ताहास सुरुवात झाली. सप्ताहानिमित्त श्री देव रवळनाथ देवाची आकर्षक वस्त्रालंकारांनी सजावट करण्यात आली होती.

*श्री देव रवळनाथ व गणेश पूजनाने सप्ताहास मंगलमय प्रारंभ*
ब्राह्मणांच्या साक्षीने तसेच राऊळ-गावकर मानकऱ्यांच्या उपस्थितीत श्री देव रवळनाथ व गणेश पूजन करण्यात आले. त्यानंतर घाट धुपारत करून हरिनाम सप्ताहाचा शुभारंभ झाला. यावेळी पेटी, तबला, पखवाज, टाळ, चिपळी, वीणा, समई आदी वाद्यांची विधिवत पूजा करण्यात आली. पूजनानंतर पाराच्या भजनांना सुरुवात झाली.

*चिठ्ठीद्वारे भजन मंडळांना पाराचे क्रमांक*
सातपाराच्या हरिनाम सप्ताहातील भजनांची परंपराही आगळीवेगळी आहे. सप्ताहाच्या दोन दिवस अगोदर रवळनाथ मंदिरात गावातील भजन मंडळांना बोलावून उपस्थित मंडळांच्या संख्येनुसार चिठ्ठ्या काढल्या जातात. चिठ्ठीवर आलेल्या क्रमांकानुसार प्रत्येक भजन मंडळाला पार अर्थात भजनासाठीची वेळ निश्चित करून दिली जाते. त्यानुसार सर्व भजन मंडळे आपापल्या निर्धारित वेळेत भजन सेवा सादर करतात.

*१२ वाडीतील भजन मंडळांनी सादर केली भजन सेवा*
गुरुवार, २७ ऑगस्ट रोजी सकाळी १० ते १२ या वेळेत बाबी लातये निर्मित बाळ गोपाळ मंडळ, तेलकाटावाडी व जय हनुमान भजन मंडळ, पिंपळवाडी यांनी भजन सेवा सादर केली. दुपारी २ ते ४ या वेळेत धाव गिरोबा भजन मंडळ, सावळवाडा, सायंकाळी ४ ते ६ पाडगावकर भजन मंडळ, पाडगावकरवाडी, सायंकाळी ६ ते ८ महापुरुष भजन मंडळ, सुतारवाडी, रात्री ८ ते १० अष्टविनायक भजन मंडळ, कुंभारआळी, तर रात्री १० ते १२ भूतनाथ भजन मंडळ, कुंभारवाडी यांनी भजन सेवा सादर केली.
शुक्रवार, २८ ऑगस्ट रोजी रात्री १२ ते २ विठ्ठल-रखुमाई भजन मंडळ, कुडववाडी, रात्री २ ते ४ गणेश प्रसादी मंडळ, नाईकवाडी, पहाटे ४ ते ६ महापुरुष भजन मंडळ, जोशी-मांजरेकरवाडी, सकाळी ६ ते ८ इस्वटी भजन मंडळ, रेडकरवाडी, तर सकाळी ८ ते १० राष्ट्रोळी भजन मंडळ, वरची देऊळवाडी यांनी आपापल्या निर्धारित पाराप्रमाणे भजन सेवा सादर केली. या भक्तिमय भजनांचा मळगावातील भजनप्रेमींसह भाविकांनी मोठ्या संख्येने लाभ घेतला.

*ज्ञानदेव तुकाराम’च्या गजरात भव्य दिंडी*
आज शुक्रवारी सकाळी ‘ज्ञानदेव तुकाराम’, ‘विठूचा गजर हरीनामाचा झेंडा रोविला’, ‘निवृत्ती, ज्ञानदेव, सोपान, मुक्ताबाई, एकनाथ, नामदेव, तुकाराम’ अशा विठ्ठल नामाच्या जयघोषात व ढोलांच्या गजरात भव्य दिंडी काढण्यात आली. भक्तिमय वातावरणात दिंडी मंदिर परिसरातून मार्गस्थ झाली. यावेळी नारळ नदीत अर्पण करण्यात आला.

*गोपाळकाला व महाआरतीने भक्तीमय वातावरण*
दिंडीनंतर गोपाळकाला आणि महाआरतीचा कार्यक्रम पार पडला. महाआरतीच्या वेळी मंदिर परिसरात भाविकांची मोठी गर्दी झाली होती. विठ्ठल नामाचा जयघोष, टाळ-मृदंगाचा गजर आणि भक्तिभावाने संपूर्ण परिसर दुमदुमून गेला.

*महाप्रसादाचा भाविकांनी घेतला लाभ*
यानंतर दुपारी श्री देव रवळनाथ मंदिरात महाप्रसादाचे आयोजन करण्यात आले. मळगाव तसेच पंचक्रोशीतील भाविकांनी मोठ्या संख्येने उपस्थित राहून महाप्रसादाचा लाभ घेतला. महाप्रसादानंतर सामूहिक गाऱ्हाणे घालून सातपाराच्या वार्षिक हरिनाम सप्ताहाची भक्तिभावाने सांगता करण्यात आली.

*मानकऱ्यांसह ग्रामस्थांकडून परंपरेचे जतन*
मळगावच्या धार्मिक आणि सांस्कृतिक परंपरेचा अविभाज्य भाग असलेला सातपाराचा हरिनाम सप्ताह गावातील मानकरी, भजन मंडळे, ग्रामस्थ आणि भाविकांच्या सहभागातून आजही श्रद्धेने व भक्तिभावाने जोपासला जात आहे. अनेक वर्षांची ही परंपरा नव्या पिढीपर्यंत पोहोचवत गावकऱ्यांनी धार्मिक एकात्मता आणि सामाजिक बांधिलकीचा आदर्श कायम ठेवला आहे.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_