🛑 ६०० एकरच्या स्वप्नामागे २७.७५ एकरचा सरकारी कागद? ‘द ओरिजिन’च्या भव्य दाव्यांची आता कागदोपत्री कसोटी

🛑 FORESTA, प्रमोटर, क्षेत्रफळ आणि गोवा मार्केटिंगच्या गोंधळाची उत्तरं कोण देणार?

🎥 KOKAN LIVE BREAKING ||NEWS CHANNEL

✍ संपादकीय : सीताराम गावडे

🎴सिंधुदुर्ग, दि-२०:- ग्राहकांच्या डोळ्यांसमोर स्वप्न उभं करायचं, हिरवाईने नटलेली ६०० एकरची महा-टाऊनशिप दाखवायची, आलिशान सुविधा, निसर्गरम्य जीवनशैली आणि ‘गोवा’च्या जवळची गुंतवणूक अशी आकर्षक भाषा वापरायची; पण त्याच वेळी सरकारी कागदपत्रांमध्ये दिसणारे क्षेत्रफळ, प्रकल्पाचे नाव, प्रमोटर आणि प्रकल्पाची स्थिती वेगळी दिसत असेल, तर प्रश्न विचारणे हा ग्राहकांचा अधिकारच नव्हे तर पत्रकारितेचे कर्तव्य आहे.

‘द ओरिजिन सासोली’ प्रकल्पाबाबत उपलब्ध

RERA-संबंधित माहितीकडे पाहिल्यास अनेक गंभीर प्रश्न समोर येतात. हे प्रश्न कोणावर आरोप करण्यासाठी नाहीत; उलट संबंधित विकासकांनी अधिकृत कागदपत्रांसह स्पष्ट उत्तरे देण्यासाठी आहेत.६०० एकर कुठे आणि RERAमध्ये २७.७५ एकर का?सर्वात पहिला आणि सर्वात मोठा प्रश्न क्षेत्रफळाचा! P52900033460 या RERA क्रमांकाशी संबंधित उपलब्ध माहितीनुसार प्रकल्पाचे क्षेत्रफळ 12,09,023 चौ.फूट अर्थात सुमारे 1,12,322 चौ.मी.—म्हणजे साधारण 27.75 एकर—असे दिसते.

दुसरीकडे प्रकल्पाच्या मार्केटिंगमध्ये तब्बल 600 acres of greenery असा दावा केला जात असल्याचे नमूद केले जाते. मग प्रश्न अगदी सरळ आहे— 600 एकरचा दावा असेल, तर RERAच्या नोंदीत केवळ सुमारे 27.75 एकरच का? उर्वरित सुमारे 572 एकर जमीन कोणत्या टप्प्यात आहे? ती याच प्रकल्पाचा भाग आहे का? तिच्यासाठी स्वतंत्र परवानग्या, लेआउट, RERA नोंदणी किंवा इतर वैधानिक प्रक्रिया आहेत का?

हा प्रश्न टाळून चालणार नाही.

कारण ग्राहकाला जाहिरातीत 600 एकर दाखवून प्रत्यक्ष व्यवहारासाठी वेगळे, कमी क्षेत्रफळाचे मंजूर दस्तऐवज दाखवले जात असतील, तर ग्राहकाने नेमके काय खरेदी करायचे हे स्पष्ट असले पाहिजे.

FORESTA की THE ORIGIN?

दुसरा धक्कादायक प्रश्न प्रकल्पाच्या ओळखीचा. RERA-संबंधित नोंदीमध्ये प्रकल्प ‘FORESTA’ या नावाने दिसत असल्याचे सांगितले जाते. त्याच RERA क्रमांकावर बाजारात ‘The Origin Sasoli’ या नावाने मार्केटिंग होत असल्याचा दावा आहे.नाव बदलले असेल तर त्याची अधिकृत प्रक्रिया का महा रेरा कडे नाव बदल, ब्रँडिंग बदल किंवा प्रकल्पातील इतर सुधारणा याबाबत कोणता आदेश अथवा नोंद आहे?ग्राहकाने रेरा क्रमांक टाकल्यावर एक नाव आणि जाहिरात पाहिल्यावर दुसरे नाव—हा गोंधळ दूर करण्याची जबाबदारी कोणाची?एकच प्रकल्प असेल तर कागद आणि जाहिरात यांच्यातील नावांची सांगड अधिकृतरीत्या स्पष्ट झाली पाहिजे. प्रमोटर कोण? नावांमागची कायदेशीर साखळी काय? तिसरा प्रश्न आणखी महत्त्वाचा आहे.

उपलब्ध माहितीनुसार RERA-संबंधित नोंदीत प्रमोटर म्हणून Salaj Jinender Jain किंवा संबंधित जुन्या प्रमोटर संस्थेचे नाव दिसते, तर बाजारातील ब्रँडिंगमध्ये Axon Developers / Amour Developers / Shaphron Technolabs यांसारखी नावे समोर येतात.मग या सर्व नावांचा एकमेकांशी कायदेशीर संबंध काय?Development Agreement आहे का?

Joint Venture आहे का?

Power of Attorney आहे का? Promoter Change झाला आहे का?Transfer Deed आहे का?आणि सर्वांत महत्त्वाचे म्हणजे—हे बदल MahaRERAच्या अधिकृत नोंदीत मंजूर आणि अद्ययावत आहेत का?कागदोपत्री मालकी, विकासाचा अधिकार आणि मार्केटिंग करणारी संस्था यांच्यातील संबंध ग्राहकाला स्पष्टपणे सांगणे आवश्यक आहे.

दहा सर्व्हे नंबर आणि २७.७५ एकरचा हिशेब!

RERA-संबंधित माहितीत 157/1, 159/1, 164/1, 167/1, 171/1, 198/1, 199/1, 200/1, 201/1 आणि 203/1 असे सर्व्हे नंबर नमूद असल्याचे सांगितले जाते.

आता महसूल विभागाच्या सातबारा उताऱ्यांवर या सर्व्हे नंबरचे क्षेत्रफळ तपासले पाहिजे. या सर्व जमिनींच्या क्षेत्रफळाची बेरीज किती?त्यातील किती जमीन RERA प्रकल्पात समाविष्ट आहे?

किती जमीन प्रकल्पाबाहेर आहे?

आणि 600 एकरच्या दाव्याशी त्याचा संबंध काय?याचे उत्तर फक्त जाहिरातीने मिळणार नाही. त्यासाठी 7/12, फेरफार नोंदी, मंजूर लेआउट, NA आदेश आणि RERA कागदपत्रांचा ताळमेळ आवश्यक आहे.१ एप्रिल २०२४ची Completion Date आणि २०२६मधील मार्केटिंग! आणखी एक प्रश्न दुर्लक्षित करता येणार नाही.

उपलब्ध RERA-संबंधित माहितीनुसार Registration Date 22 फेब्रुवारी 2022 आणि Completion Date 1 एप्रिल 2024 अशी नोंद असल्याचे सांगितले जाते.जर प्रकल्पाचे मार्केटिंग 2026 मध्येही सुरू असेल, तर स्वाभाविक प्रश्न उपस्थित होतोMahaRERAकडून मुदतवाढ मिळाली आहे का?

मिळाली असेल तर नवीन Completion Date काय?

Project Status काय आहे?

कोणते टप्पे पूर्ण झाले आहेत?

कोणते टप्पे प्रलंबित आहेत?

आणि ग्राहकांना दाखवल्या जाणाऱ्या सुविधा कोणत्या मंजूर टप्प्यात समाविष्ट आहेत?

इथेही अधिकृत RERA आदेश आणि अद्ययावत प्रकल्पस्थितीच अंतिम सत्य सांगू शकते.

१०० सुविधा, हेलिपॅड, गो-कार्टिंग, रिसॉर्ट… पण कागद कुठे? जाहिरातीत मोठमोठ्या सुविधा दाखवणे सोपे आहे.

पण प्रश्न असा आहे की त्या सुविधा कोणत्या मंजूर आराखड्याचा भाग आहेत? हेलिपॅडची मंजुरी आहे का? गो-कार्टिंगसाठी आवश्यक परवानग्या आहेत का? आयुर्वेदिक रिसॉर्टची कायदेशीर स्थिती काय?100 पेक्षा अधिक सुविधांपैकी किती सुविधा RERAच्या मंजूर कागदपत्रांमध्ये स्पष्टपणे नमूद आहेत? ग्राहकाला ‘फॅन्टसी’ विकायची की मंजूर प्रकल्पाची वस्तुस्थिती सांगायची?यातील रेषा स्पष्ट असली पाहिजे.महाराष्ट्रातील जमीन… मग ‘North Goa’ का? सर्वांत वेगळा प्रश्न म्हणजे भौगोलिक मार्केटिंगचा.

प्रकल्पाचा पत्ता सासोली, दोडामार्ग, सिंधुदुर्ग, महाराष्ट्र असा असताना ‘Buy Land in Goa’, ‘North Goa’ किंवा ‘Goa Property’ अशा शब्दांचा वापर का केला जातो?गोवा जवळ आहे, हे वेगळे.पण जमीन महाराष्ट्रात असताना ग्राहकाच्या मनात ती गोव्यातील मालमत्ता असल्याचा आभास निर्माण होईल अशी भाषा वापरणे योग्य आहे का? हा प्रश्न कायदेशीर निष्कर्षापेक्षा आधी ग्राहकाच्या माहितीच्या अधिकाराचा आहे.

आता ‘द ओरिजिन’नेच पारदर्शक उत्तर द्यावे!

या संपूर्ण प्रकरणात आरोप-प्रत्यारोपापेक्षा कागदपत्रे महत्त्वाची आहेत.म्हणून संबंधित विकासकांनी पुढे येऊन खालील कागदपत्रे सार्वजनिक करावीत— P52900033460 चे अद्ययावत MahaRERA प्रमाणपत्र व मंजूर लेआउट.600 एकरच्या दाव्याशी संबंधित संपूर्ण जमीन व सर्व्हे नंबरची यादी.मूळ प्रमोटर आणि सध्याच्या विकासक/मार्केटिंग संस्थांमधील Development Agreement/JV/POA/Transfer Documents.

MahaRERAकडील Promoter Change अथवा Project Modificationचे आदेश. सर्व संबंधित जमिनींचे अद्ययावत 7/12 उतारे व NA आदेश. 1 एप्रिल 2024 नंतरची Completion Extension असल्यास त्याचा अधिकृत आदेश. मार्केटिंगमध्ये दाखवलेल्या 600 एकर आणि 100+ सुविधांची अधिकृत कायदेशीर स्थिती.

ग्राहकांच्या पैशांपेक्षा जाहिराती मोठ्या होऊ नयेत!

आजचा काळ ‘ब्रँडिंग’चा आहे. मोठमोठे बॅनर, आकर्षक व्हिडिओ, हिरवाईची दृश्ये आणि आलिशान जीवनशैलीची स्वप्ने ग्राहकांना सहज आकर्षित करतात.पण जमीन व्यवहारात एक गोष्ट कायम लक्षात ठेवावी लागते—ड्रोन कॅमेऱ्यात दिसणारी हिरवाई मालकी सिद्ध करत नाही; ब्रोशरवरील 600 एकर जमीन RERAच्या कागदावर आपोआप येत नाही; आणि जाहिरातीतील सुविधा मंजुरीचा पर्याय होऊ शकत नाहीत.म्हणूनच ‘द ओरिजिन’च्या बाबतीत आता प्रश्न विकासाचा नाही, तर पारदर्शकतेचा आहे.

600 एकर असेल तर त्याचे कागद दाखवा.

FORESTA आणि THE ORIGIN एकच प्रकल्प असेल तर त्याची अधिकृत नोंद दाखवा.

प्रमोटर बदलला असेल तर MahaRERAची मंजुरी दाखवा.

2024 नंतर मुदतवाढ असेल तर आदेश दाखवा.आणि ग्राहकाला गोव्याचे स्वप्न दाखवत असाल, तर जमीन नेमकी कुठे आहे हे अगदी स्पष्टपणे सांगा.कारण जमीन विकताना स्वप्नं विकण्याचा अधिकार असेल; पण कागदोपत्री सत्य लपवण्याचा अधिकार कोणालाही नाही!

‘द ओरिजिन’ प्रकरणात दोषी कोण, बेकायदेशीर काय आणि गैरप्रकार झाला आहे का—याचा निर्णय तपास यंत्रणा आणि सक्षम प्राधिकरणच घेईल.

पण उपलब्ध दावे आणि RERA-संबंधित माहितीत जर एवढ्या मोठ्या विसंगती असतील, तर त्यावर प्रश्न विचारलेच पाहिजेत.६०० एकरच्या दाव्याला २७.७५ एकरचा कागद भिडतोय; FORESTAच्या नोंदीला THE ORIGINचे ब्रँडिंग भिडतेय; जुन्या प्रमोटरच्या नावाला नव्या विकासकांची नावे भिडत आहेत आणि महाराष्ट्रातील जमिनीला ‘North Goa’चे मार्केटिंग भिडतेय.आता गरज आहे ती जाहिरातींच्या चमकदार पडद्याआडची कागदोपत्री वस्तुस्थिती जनतेसमोर आणण्याची.प्रश्न एकच—६०० एकरचे स्वप्न दाखवताना त्यामागची संपूर्ण जमीन, संपूर्ण परवानगी आणि संपूर्ण कायदेशीर साखळी ग्राहकांसमोर कधी ठेवणार?

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_