🛑एसआयटी प्रामाणिकपणे काम करणार का?; जमीन घोटाळ्यांच्या चौकशीवर जनतेचा संशय- ॲड अनिल केसरकर

*🛑एसआयटी प्रामाणिकपणे काम करणार का?; जमीन घोटाळ्यांच्या चौकशीवर जनतेचा संशय- ॲड अनिल केसरकर*

 

*🛑बोगस शेतकरी दाखले, संशयास्पद खरेदीखते आणि अकृषिक परवानग्यांची पाळेमुळे उखडण्याची गरज; मनसेकडून एसआयटीला स्वतंत्र फाईल्स देण्याचा इशारा.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्ग, दि- १८:-* जिल्ह्यातील जमीन खरेदी-विक्री व्यवहार, बोगस शेतकरी दाखले आणि नियमबाह्य अकृषिक परवानग्यांच्या प्रकरणांची चौकशी करण्यासाठी स्वतंत्र एसआयटी स्थापन करण्याची घोषणा महसूलमंत्री चंद्रशेखर बावनकुळे यांनी केली आहे. या निर्णयाचे महाराष्ट्र नवनिर्माण सेनेने स्वागत केले असले, तरी ही एसआयटी प्रत्यक्षात किती पारदर्शक आणि प्रामाणिकपणे काम करणार? असा सवाल मनसेचे जिल्हाध्यक्ष ॲड. अनिल केसरकर यांनी उपस्थित केला आहे.

जमिनींच्या व्यवहारात वर्षानुवर्षे गैरप्रकार होत असल्याच्या तक्रारी असून, चौकशी समितीने कोणाच्याही दबावाला बळी न पडता काम केले तर जिल्ह्यातील अनेक जमीन घोटाळे उघडकीस येऊ शकतात, असा दावा केसरकर यांनी केला.

सिंधुदुर्गातील अनेक गावांमध्ये जमीन खरेदी-विक्रीचे दलाल सक्रिय झाले असून, गरीब शेतकऱ्यांच्या जमिनी कवडीमोल दराने खरेदी करून त्या धनदांडग्या परप्रांतीयांच्या ताब्यात देण्याचे प्रकार होत असल्याचा आरोप मनसेने केला आहे. काही व्यवहारांमध्ये महसूल यंत्रणेला हाताशी धरून बोगस किंवा खोटे शेतकरी दाखले वापरण्यात आल्याचा संशय व्यक्त करण्यात आला आहे.

विशेष म्हणजे, सर्वसामान्य नागरिक जमीन खरेदी-विक्री करताना कागदपत्रांमधील किरकोळ त्रुटींमुळे सरकारी कार्यालयांचे उंबरठे झिजवत असताना, काही प्रभावशाली खरेदीदारांचे व्यवहार मात्र वेगाने पूर्ण होत असल्याचा आरोपही करण्यात आला आहे. त्यामुळे महसूल आणि नोंदणी यंत्रणेतील संबंधित अधिकाऱ्यांची भूमिकाही एसआयटीने तपासावी, अशी मागणी पुढे आली आहे.

एकत्र कुटुंब पद्धतीमुळे अनेक जमिनींवरील वारस तपास अद्याप पूर्ण झालेले नाहीत. अशा परिस्थितीतही काही ठिकाणी परस्पर खरेदीखते करण्यात आल्याचे प्रकार समोर आल्याचा दावा मनसेने केला आहे. सातबारा उताऱ्यावर एका व्यक्तीचे नाव असताना प्रत्यक्ष ताबा व वहिवाट दुसऱ्याची असलेल्या जमिनीही दलालांच्या माध्यमातून विकल्या जात असल्याचे आरोप आहेत.

अकृषिक परवानग्यांचा मुद्दाही तितकाच गंभीर असल्याचे मनसेने म्हटले आहे. नियमांची पूर्तता न करता किंवा नियमांकडे दुर्लक्ष करून परवानग्या देण्यात आल्या का, याची स्वतंत्र चौकशी होणे आवश्यक आहे. सासोली आणि उभादांडा-वेंगुर्ला परिसरातील शेतकऱ्यांनी उभारलेला लढा या प्रश्नांची तीव्रता दाखवून देतो, असे केसरकर यांनी नमूद केले.

दरम्यान, राष्ट्रवादी काँग्रेसचे नेते जयंत पाटील यांनी विधिमंडळात या जमीन व्यवहारांचा मुद्दा उपस्थित करून चौकशीची मागणी केल्याबद्दल मनसेने त्यांचे आभार मानले आहेत.

*मनसेकडून एसआयटीसमोर ‘जमीन घोटाळ्यांची फाईल’*

एसआयटी जिल्ह्यात दाखल झाल्यानंतर मनसेच्या वतीने यापूर्वी घडलेल्या संशयास्पद जमीन व्यवहारांची स्वतंत्र कागदपत्रांसह फाईल चौकशी समितीकडे सादर करण्यात येणार असल्याचे ॲड. अनिल केसरकर यांनी स्पष्ट केले.

“महसूल आणि नोंदणी अधिकाऱ्यांना हाताशी धरून नियमबाह्य जमीन व्यवहार झाले असतील, तर त्याची मुळापासून चौकशी झाली पाहिजे. चौकशी केवळ कागदोपत्री न राहता दोषींवर कारवाईपर्यंत पोहोचली पाहिजे,” अशी भूमिका मनसेने घेतली आहे.

आता खरी कसोटी एसआयटीची आहे. चौकशी राजकीय दबावापासून मुक्त राहणार की पुन्हा कागदांच्या गठ्ठ्यातच जमीन घोटाळे दडपले जाणार? याकडे संपूर्ण जिल्ह्याचे लक्ष लागले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_