🛑मळगाव येथे गुरु-शिष्य नात्याचा सुरेल आविष्कार

*🛑मळगाव येथे गुरु-शिष्य नात्याचा सुरेल आविष्कार*

*🛑 न्हावेली येथील गुरुकुल शिक्षण संस्थेचा अभिवादन सोहळा उत्साहात*

*🛑संगीत, संस्कार आणि परंपरेचा संगम*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-१७:-* गुरुवर्य संगीत अलंकार दिप्तेश मेस्त्री यांनी स्थापन केलेल्या न्हावेली येथील गुरुकुल संगीत शिक्षण संस्थेचा १३ वा ‘गुरु अभिवादन सोहळा’ मळगाव येथील श्री भगवती हॉलच्या सभागृहात काल रविवारी मोठ्या उत्साहात व संगीतमय वातावरणात पार पडला. गुरु-शिष्यांच्या अतूट नात्याला उजाळा देणाऱ्या या सोहळ्यात गुरुपूजनासह विद्यार्थ्यांनी सादर केलेल्या बंदिश गायन, अभंग आणि नाट्यगीतांनी रसिकांची मने जिंकली.

*दीपप्रज्वलनाने सोहळ्याचा शुभारंभ*
गुरुकुल संगीत शिक्षण संस्थेतील पदाधिकारी व विद्यार्थ्यांच्या वतीने या भव्य गुरु अभिवादन सोहळ्याचे आयोजन करण्यात आले होते. मान्यवरांच्या हस्ते दीपप्रज्वलन करून कार्यक्रमाचे उदघाटन करण्यात आले. यावेळी महागणपती, छत्रपती शिवाजी महाराज तसेच सरस्वती देवीच्या प्रतिमेस पुष्पहार अर्पण करण्यात आला. सर्व वाद्यांचे पूजनही मान्यवरांच्या हस्ते करण्यात आले. यावेळी सिंधुदुर्गचे उपजिल्हाधिकारी तथा उपजिल्हा निवडणूक अधिकारी बालाजी शेवाळे, तळवणे मठाधिपती तथा सावंतवाडी संस्थानचे राजगुरू राजेंद्रस्वामी भारती महाराज, सिंधुदुर्ग जिल्हा पुरवठा अधिकारी विजय सहारे, महसूल व वन मंत्रालय महाराष्ट्राचे सेवानिवृत्त उपसचिव शांताराम कुदळे, निवृत्त शिक्षिका वनमाला दाभोलकर, संगीतप्रेमी संजय गावडे, संतोष पालव, गुरुकुल शिक्षण संस्थेचे संस्थापक अध्यक्ष संगीत अलंकार दिप्तेश मेस्त्री, ॲड. चंद्रशेखर गावडे, सचिन देसाई आदी उपस्थित होते.उपस्थित सर्व मान्यवरांचा गुरुकुल शिक्षण संस्थेच्या वतीने शाल, पुष्पगुच्छ व सन्मानचिन्ह देऊन सत्कार करण्यात आला.

*गुरुवर्य दिप्तेश मेस्त्री यांचा कृतज्ञता सन्मानाने गौरव*
सचिन देसाई, अजित पोळजी, आनंद माळकर आणि संजय गावडे यांच्या संकल्पनेतून भव्य दिंडीचे आयोजन करण्यात आले. या दिंडीच्या माध्यमातून गुरुवर्य दिप्तेश मेस्त्री यांना कृतज्ञता सन्मानपत्र प्रदान करून सन्मानित करण्यात आले. यावेळी उपस्थितांनी गुरुवर्य मेस्त्री यांच्या कार्याप्रती कृतज्ञता व्यक्त केली.

*‘गुरुकुलची वाटचाल कौतुकास्पद’ : बालाजी शेवाळे*
बालाजी शेवाळे म्हणाले की, गुरुकुल शिक्षण संस्थेची प्रगती आणि आजवरची यशस्वी वाटचाल पाहताना मनापासून आनंद होत आहे. समाजामध्ये साहित्य आणि संस्कृतीसोबतच संगीताची समृद्ध परंपरा पोहोचविण्याचे महत्त्वपूर्ण कार्य गुरुकुल शिक्षण संस्था सातत्याने करत आहे. संगीताच्या माध्यमातून कला, संस्कृती आणि संस्कारांची जपणूक करण्याबरोबरच ती पुढील पिढीपर्यंत पोहोचविण्याचे संस्थेचे कार्य निश्चितच कौतुकास्पद आहे.

*‘गुरू म्हणजे जीवनाला दिशा देणारा मार्गदर्शक’ : शांताराम कुदळे*
शांताराम कुदळे म्हणाले की, भारतीय संस्कृतीमध्ये गुरूला अत्यंत उच्च आणि पूजनीय स्थान आहे. गुरू म्हणजे केवळ ज्ञान देणारी व्यक्ती नव्हे, तर संस्कार घडविणारा, जीवनाला योग्य दिशा देणारा आणि सदैव मार्गदर्शन करणारा खरा मार्गदर्शक होय. त्यामुळे गुरूंचा आदर केवळ गुरुपौर्णिमेपुरता मर्यादित न ठेवता, त्यांनी दिलेल्या शिकवणीचा आणि संस्कारांचा उपयोग संपूर्ण जीवनात केला पाहिजे.
कुदळे पुढे म्हणाले की, संगीताच्या माध्यमातून शिस्त, नम्रता आणि संस्कार यांची जाणीव निर्माण होते. आपल्या समृद्ध कला आणि संस्कृतीचा वारसा पुढील पिढीपर्यंत पोहोचविण्याचे पवित्र आणि महत्त्वपूर्ण कार्य गुरुकुल शिक्षण संस्था करत आहे. संस्थेची ही सांस्कृतिक वाटचाल निश्चितच समाजासाठी प्रेरणादायी आहे. यावेळी विजय सहारे यांनी गुरु अभिवादन सोहळ्याला शुभेच्छा देत आपले मनोगत व्यक्त केले.

*‘जय जगदीश हरे’ने सुरेल कार्यक्रमाची सुरुवात*
कार्यक्रमाच्या उद्घाटनानंतर गुरुकुल संगीत शिक्षण संस्थेच्या विद्यार्थ्यांनी ‘जय जगदीश हरे’ ही प्रार्थना सादर करून कार्यक्रमाची सुरुवात केली. त्यानंतर विद्यार्थ्यांनी बंदिश गायन, अभंग आणि नाट्यगीतांचे सादरीकरण केले. त्यांच्या सुरेल सादरीकरणाला उपस्थित रसिकांचा उत्स्फूर्त प्रतिसाद लाभला.

*विद्यार्थ्यांच्या गायनाने रंगत वाढली*
भोजनानंतर दुपारच्या सत्रात संस्थेतील इतर विद्यार्थ्यांचे गायन सादर झाले. विविध शाखांमधून आलेल्या विद्यार्थ्यांच्या सादरीकरणामुळे कार्यक्रम उत्तरोत्तर रंगत गेला.

*गुरुवर्य दिप्तेश मेस्त्री यांचे भावपूर्ण गुरुपूजन*
सायंकाळी सोहळ्याचा मुख्य आकर्षण असलेला भव्य गुरुपूजन कार्यक्रम पार पडला. पंचारतीने गुरुवर्य दिप्तेश मेस्त्री यांचे औक्षण करण्यात आले. यावेळी संस्थेतील सर्व विद्यार्थ्यांनी एका रांगेत राहून गुरुवर्य दिप्तेश मेस्त्री यांच्या चरणी नतमस्तक होत अभिवादन केले आणि त्यांचे आशीर्वाद घेतले.

*भैरवीने सोहळ्याची सांगता*
त्यानंतर विद्यालयातील ज्येष्ठ विद्यार्थ्यांनी सादर केलेल्या भैरवी गायनाने गुरु अभिवादन सोहळ्याची सांगता करण्यात आली. विविध क्षेत्रांतील मान्यवरांनी भेट देऊन शुभेच्छा दिल्या. गुरुकुल शिक्षण संस्थेच्या तळवडे, सावंतवाडी, कुडाळ, गोवा आदी शाखांतील विद्यार्थी मोठ्या संख्येने गुरु अभिवादन सोहळ्यास उपस्थित होते.

*यशस्वी आयोजनासाठी पदाधिकारी व कार्यकर्त्यांचे योगदान*
गुरु अभिवादन सोहळा यशस्वी करण्यासाठी गुरुकुल शिक्षण संस्थेचे संस्थापक अध्यक्ष दिप्तेश मेस्त्री, उपाध्यक्ष चंद्रशेखर गावडे, सचिव गीतेश परब, सल्लागार सचिन देसाई, आनंद माळकर, सहसचिव रोहित निर्गुण, खजिनदार दर्शिता मेस्त्री, अजित पोळजी, सुधीर राऊळ, भावेश राणे, प्रसाद आडेलकर, संतोष उर्फ बाबू गोडकर, खेमराज सनाम, पुरुषोत्तम परब, सचिन पांगम, गौरेश पालयेकर, विशाल घोगळे, चिन्मय प्रभूराळकर, अक्षय तांडेल, हर्षल मेस्त्री, नारायण सावंत, दिनेश माजगावकर, रूपक मातोंडकर, रोहित राऊळ, सिद्धेश सावंत, वासुदेव देसाई, दर्शन केणी, रुपेश गावडे, विश्राम गोवेकर, कौशल सुतार, प्रशांत पिरणकर, सुहास पिळणकर, सुमंत राऊळ, गणराज परब, दिप्तेश केळुसकर, वैभव पावसकर, शैलेश गावडे, विवेक करमळकर, गणेश चव्हाण, प्रसाद परब, शेखर गावडे, प्रकाश गावडे, साक्षी कविटकर, शुभदा कविटकर, दर्शना पाटकर, सागर सावळ, अमित मेस्त्री, संतोष पालव, सलील लिंगोजी,प्रवीण बर्वे, प्रथमेश सामंत, महेंद्र मांजरेकर, कौस्तुभ धुरी, दिनेश माजगावकर व सर्व क्लासचे सर्व विद्यार्थीवृंद यांनी विशेष मेहनत घेतली.

 

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_