🛑मळगाव येथील गोसावी घराण्यात दीड दिवसीय नागपंचमी उत्सव

*🛑मळगाव येथील गोसावी घराण्यात दीड दिवसीय नागपंचमी उत्सव*

*🛑पाच फणांच्या नागोबाचे विधिवत पूजन*

*🛑दोनशे वर्षांहूनही अधिक काळ जोपासली जातेय परंपरा*

*🎥 KOKAN LIVE BREAKING ||NEWS CHANNEL*

*✍️ प्रतिनिधी : सहदेव राऊळ*

*🎴सावंतवाडी, दि- :-१७:-* दीड, पाच, सात, नऊ आणि अकरा दिवसांचा गणेशोत्सव आपल्याला माहित आहे. मात्र भक्तीमय आणि परंपरेची ओळख सांगणारी दीड दिवसीय अनोखी नागपंचमीची परंपरा सावंतवाडी तालुक्यातील मळगाव रस्तावाडी येथील गोसावी घराण्यात आजही अखंड सुरू आहे. तब्बल दोनशेहून अधिक वर्षांपासून येथे दीड दिवस पाच फणांच्या नागोबाच्या मातीच्या प्रतिमेचे विधिवत पूजन करून नागपंचमी साजरी केली जाते. काळ बदलला, सण साजरे करण्याच्या पद्धती बदलल्या; मात्र गोसावी कुटुंबियांनी आपल्या पूर्वजांनी जपलेली ही धार्मिक आणि सांस्कृतिक परंपरा आजही तितक्याच श्रद्धेने जपली आहे.

*नागपंचमीला कोकणात विशेष महत्त्व*
श्रावण महिन्यातील पहिला सण म्हणून नागपंचमीला विशेष महत्त्व आहे. धार्मिक परंपरेसोबतच प्राणीमात्रांविषयी प्रेम, निसर्ग संवर्धन आणि सामाजिक एकोपा वाढविणारा सण म्हणून नागपंचमीकडे पाहिले जाते. शेतकऱ्यांचा मित्र मानल्या जाणाऱ्या नागाची विधिवत पूजा करून हा सण साजरा केला जातो. विशेषतः कोकणात नागपंचमी मोठ्या उत्साहात साजरी केली जाते. मातीच्या नागप्रतिमेचे पूजन करून दूध आणि लाह्यांचा नैवेद्य दाखविण्याची प्रथा अनेक ठिकाणी आहे.

*दोनशे वर्षांची परंपरा अखंड सुरू*
मळगाव रस्तावाडी येथील गोसावी घराण्यात नागपंचमीचा उत्सव दीड दिवस साजरा करण्याची आगळीवेगळी परंपरा आहे. पाच फणांच्या नागोबाची प्रतिमा घरी आणून तिची आकर्षक सजावट केली जाते. त्यानंतर विधिवत पूजन व महाआरती केली जाते. कै. शांताराम बंडू गोसावी आणि कै. रामचंद्र बंडू गोसावी यांच्यानंतर त्यांची मुले धर्मनाथ शांताराम गोसावी, संजय शांताराम गोसावी, सतीश रामचंद्र गोसावी, चंद्रकांत बाबी गोसावी तसेच त्यांचे कुटुंबीय ही परंपरा पुढे नेत आहेत.

*नागपंचमीच्या पूर्वसंध्येला कुलदेवतेचे पूजन*
नागपंचमीच्या पूर्वसंध्येला गोसावी घराण्यात ब्राह्मण भोजन आणि एकादशीचा कार्यक्रम आयोजित केला जातो. यावेळी कुलदेवतेची विधिवत पूजा केली जाते. त्यानंतर नागपंचमीच्या दिवशी सकाळी नागाची मातीची प्रतिमा आणून ती विविध प्रकारे सजविली जाते. दरवर्षी नागपंचमीच्या निमित्ताने विविध आकर्षक देखावेही साकारले जातात.

*दूध-लाह्यांचा नैवेद्य अन् महाआरती*
सजविलेल्या पाच फणांच्या नागोबाचे विधिवत पूजन करून महाआरती केली जाते. नागाला दूध आणि लाह्यांचा नैवेद्य दाखविला जातो. यानंतर गोसावी घराण्यातील महिलांचा पारंपरिक ‘ओवसा’ कार्यक्रम पार पडतो.

*महिलांच्या फुगड्या, भजनाने उत्सवाला रंगत*
नागपंचमीच्या निमित्ताने स्थानिकांच्या भजनासह महिलांच्या फुगड्या यामुळे धार्मिक विधींसोबतच पारंपरिक लोककला आणि सांस्कृतिक वातावरणाचीही अनुभूती येथे मिळते. गोसावी घराण्याच्या या आगळ्यावेगळ्या नागपंचमी उत्सवाचे दर्शन घेण्यासाठी मळगावसह पंचक्रोशीतील ग्रामस्थ सकाळपासूनच उपस्थित राहत आहेत.

*करंज्यांचा नैवेद्य आणि पारंपरिक विसर्जन*
नागपंचमीच्या दुसऱ्या दिवशी सकाळी तसेच दुपारी नागोबाला करंज्यांचा नैवेद्य दाखविण्यात येतो. महिलांच्या फुगड्यांसह विविध पारंपरिक कार्यक्रम होतात. सायंकाळी नागोबाला शेगलाची भाजी आणि भाकरीचा नैवेद्य दाखवून प्रसादाचे वाटप केले जाते.

*ढोल-ताशांच्या गजरात अळवाच्या पानात विसर्जन*
दीड दिवसांच्या पूजनानंतर सायंकाळी पाच फणांच्या नागोबाचे पारंपरिक पद्धतीने विसर्जन केले जाते. ढोल-ताशांच्या गजरात नागोबाला अळवाच्या पानात ठेवून विसर्जन करण्याची प्रथा गोसावी घराण्यात आजही कायम आहे.
दरवर्षीप्रमाणे यंदाही नागपंचमीला सकाळी नागाची मूर्ती आणून ती आकर्षक अशी सजविण्यात आली. त्यानंतर नागोबाचे विधिवत पूजन करून महाआरती करण्यात आली. नागाला दुध व लाह्यांचा नैवेद्य दाखविण्यात आला. नागपंचमीच्या निमित्ताने दुपारी गोसावी घराण्यातील महिलांचा ‘ओवसा’ कार्यक्रम पार पडला. सायंकाळी स्थानिकांचे भजन, फुगड्या आदी कार्यक्रम होणार आहेत. मळगाव तसेच पंचक्रोशीतील ग्रामस्थांनी सकाळपासूनच उपस्थिती दर्शवत दर्शन घेण्यास सुरुवात केली आहे. उद्या मंगळवारी सकाळी महाआरती, नागाला करंज्यांचा नैवेद्य, सायंकाळी नागाला शेगलाची भाजी व भाकरीचा नैवेद्य दाखविण्यात येणार आहे. सायंकाळी नागोबाचे पारंपरिक पद्धतीने ढोल ताशांच्या गजरात अळवाच्या पानात विसर्जन केले जाणार आहे. अशी ही भक्ती, श्रद्धा, संस्कृती आणि पूर्वजांच्या आठवणींचा हा संगम असलेली दीड दिवसांची नागपंचमीची परंपरा गोसावी कुटुंबीयांनी एकोप्याने जपली असून, बदलत्या काळातही आपल्या संस्कृतीची मुळे घट्ट धरून ठेवण्याचा हा आदर्श ठरत आहे.

*🎴सावंतवाडी, दि- :-*

 

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

💡💡 *लाईट बिल जास्त येते ?* 💡💡
🌠🌠 *सौर उर्जेची वीज निर्मिती कमी झाली?* 🌠🌠
🥰 *काळजी करु नका, आम्ही तुमचं वीज बील भरू !* 😊

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

🌞🌞 *पीएम सुर्यघर मोफत वीज योजना* 🌞🌞

श्रीराम बोअरवेल प्रस्तुत,
☀️☀️ *श्रीराम सोलर, सावंतवाडी* ☀️☀️

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

👉👉आमची हमी 🤷🏻‍♀️

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

🎪☀️ *आमचे लक्ष “घरोघरी मोफत बिजली !”* 🌞🎪

☀️💫 *घरगुती सबसिडी ON-GRID* 🌞💫

🌞१ किलोवॅट ३०,०००/-

🌞२ किलोवॅट ६०,०००/-

🌞३ किलोवॅट पासून पुढे ७८,०००/-

🎪☀️ *अपार्टमेंट / सोसायटी सबसिडी* 🎪☀️

💫₹18,000/- प्रती किलोवॅट

💫कमास ५०० ₹90,00,000

☀️🌞 *आपण सोलर कुठे बसवू शकता?* ☀️🌞

🏘️ घर / अपार्टमेंट
🏬 शाळा / कॉलेज
🏢 हॉटेल
🏭 कंपनी / ऑफीस
🏥 हॉस्पीटल
⛺ नर्सरी
सर्व ठिकाणी सोलर बसवू शकता !

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

📱0888 999 8824
📱0777 592 1004

☀️🌞☀️🌞☀️🌞☀️🌞☀️🌞☀️🌞☀️
________________________________
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_