🛑तळवणेत रोजगारक्रांतीची मुहूर्तमेढ; नितेश राणेंच्या विकासदृष्टीला पहिली ठोस सलामी.

*🛑तळवणेत रोजगारक्रांतीची मुहूर्तमेढ; नितेश राणेंच्या विकासदृष्टीला पहिली ठोस सलामी.*

 

*🛑‘झोया मरीन’च्या जहाज बांधणी प्रकल्पातून २०० स्थानिक युवकांना रोजगार; रेडी बंदर,आरोंदा जेटी आणि ताज पंचतारांकित प्रकल्पही लवकरच मार्गी लागणार.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १५:-* सिंधुदुर्गच्या विकासाच्या इतिहासात स्वातंत्र्यदिनाचा हा दिवस सुवर्णाक्षरांनी नोंदवावा, असा ठरला आहे. सावंतवाडी तालुक्यातील तळवणे येथे ‘झोया मरीन सर्व्हिसेस प्रायव्हेट लिमिटेड’च्या भव्य जहाज बांधणी प्रकल्पाचे भूमिपूजन करत पालकमंत्री तथा मत्स्यव्यवसाय व बंदरे विकास मंत्री ना. नितेश राणे यांनी सिंधुदुर्गच्या औद्योगिक विकासाला नवी दिशा देण्याचा निर्धार स्पष्ट केला. माजी मुख्यमंत्री तथा खासदार नारायण राणे यांनी पाहिलेले स्थानिकांना रोजगार आणि जिल्ह्याच्या दरडोई उत्पन्नवाढीचे स्वप्न प्रत्यक्षात उतरविण्याच्या दिशेने ही महत्त्वाची मुहूर्तमेढ मानली जात आहे.

‘झोया मरीन’च्या माध्यमातून सुरुवातीला तब्बल २०० बोटींची बांधणी तळवणे येथे होणार असून सुमारे २०० स्थानिक युवक-युवतींना रोजगाराच्या संधी उपलब्ध होणार आहेत. विशेष म्हणजे केवळ रोजगार देण्यापुरते मर्यादित न राहता स्थानिक तरुणांना कुशल कामगार आणि कारागीर बनविण्यासाठी प्रशिक्षण केंद्र उभारण्याची योजनाही पुढे आली आहे. त्यामुळे सिंधुदुर्गातील तरुणांना रोजगारासाठी गोवा, मुंबई किंवा पुण्याची वाट धरावी लागू नये, या दिशेने पालकमंत्री नितेश राणे यांनी उचललेले पाऊल निश्चितच कौतुकास्पद आहे.

,*‘रिव्हर्स मायग्रेशन’ची सुरुवात; गोव्याची कंपनी सिंधुदुर्गात आणण्याचे यश*

सिंधुदुर्गातील तरुण रोजगारासाठी मोठ्या प्रमाणावर गोव्यात स्थलांतरित होतात. ही परिस्थिती बदलून ‘रिव्हर्स मायग्रेशन’ घडवून आणण्याचा निर्धार नितेश राणे यांनी व्यक्त केला. विशेष म्हणजे गोव्यात कार्यरत असलेली कंपनी सिंधुदुर्गात आणण्यात यश मिळाले, ही बाब जिल्ह्याच्या औद्योगिक भवितव्याच्या दृष्टीने महत्त्वाची आहे.

मुंबईतील वॉटर मेट्रोसाठी आवश्यक बोटींच्या निर्मितीचे काम सिंधुदुर्गात होणार असल्याने स्थानिक उद्योगाला मोठी चालना मिळण्याची शक्यता आहे. पहिली बोट दीड ते दोन महिन्यांत तयार करण्याचे उद्दिष्ट असल्याचेही यावेळी सांगण्यात आले.

‘विरोधासाठी विरोध’ नव्हे, विकासाला साथ द्या!

सिंधुदुर्गात एखादा मोठा प्रकल्प आला की त्याला विरोध करणारी मानसिकता निर्माण होऊ नये, असा स्पष्ट संदेश पालकमंत्र्यांनी दिला. पर्यावरणपूरक उद्योग, रोजगारनिर्मिती आणि स्थानिक अर्थव्यवस्थेला चालना देणाऱ्या प्रकल्पांना जनतेने सहकार्य करावे, असे आवाहन त्यांनी केले.

“विकासाची सवय लावून घ्या आणि आशावादी व्हा,” हा नितेश राणे यांचा संदेश केवळ राजकीय वक्तव्य म्हणून न पाहता सिंधुदुर्गच्या बदलत्या आर्थिक वाटचालीचे संकेत म्हणून पाहणे गरजेचे आहे. प्रकल्प येत असतील, रोजगार निर्माण होत असेल आणि स्थानिक तरुणांना प्रशिक्षण मिळत असेल तर त्याचे स्वागत करून त्यातून आपल्या भागाचा फायदा कसा करून घेता येईल, यावर भर देण्याची गरज आहे.

रेडी बंदर, आरोंदा जेटी आणि ताज प्रकल्पाकडे जिल्ह्याच्या नजरा

तळवणे प्रकल्पाची सुरुवात ही केवळ पहिली पायरी असल्याचे नितेश राणे यांनी स्पष्ट केले. आरोंदा जेटी लवकरच सुरू होणार, रेडी बंदर पुन्हा पूर्ण क्षमतेने सुरू करण्यासाठी प्रयत्न सुरू असल्याचे त्यांनी सांगितले. देवगड बंदराच्या विकासाचाही त्यांनी उल्लेख केला.

दुसरीकडे शिरोडा-वेळागर येथील ताज पंचतारांकित हॉटेल प्रकल्प लवकरच मार्गी लागणार असल्याचे संकेत त्यांनी दिले. दोडामार्गातील अडाळी एमआयडीसीच्या माध्यमातून उद्योग येण्याची शक्यता व्यक्त करण्यात आली आहे. हे सर्व प्रकल्प प्रत्यक्षात उतरले तर सिंधुदुर्गच्या पर्यटनाबरोबरच उद्योग, जलवाहतूक आणि रोजगाराच्या क्षेत्रात मोठा बदल घडू शकतो.

नारायण राणेंच्या स्वप्नाला नितेश राणेंची कृतीची जोड सिंधुदुर्गला विकासाच्या नकाशावर आणण्यासाठी नारायण राणे यांनी केलेल्या प्रयत्नांचा उल्लेख करत नितेश राणे यांनी त्यांच्या स्वप्नाला पुढे नेण्याचा निर्धार व्यक्त केला. चिपी विमानतळ आणि मुंबई-गोवा महामार्गासारखे प्रकल्प प्रत्यक्षात आले; आता रोजगारनिर्मितीच्या माध्यमातून जिल्ह्याची आर्थिक ताकद वाढविण्याची वेळ आली आहे.विशेष म्हणजे तळवणे प्रकल्पाच्या पहिल्या बोटीच्या शुभारंभाला नारायण राणे यांना आणण्याचा मानस नितेश राणे यांनी व्यक्त केला. त्यामुळे या प्रकल्पामागील राजकीय आणि भावनिक संदर्भही अधोरेखित झाला आहे.

*पालकमंत्री म्हणून रोजगारनिर्मितीची ओळख निर्माण करण्याचे आव्हान*

“सिंधुदुर्ग जिल्ह्यात सर्वाधिक रोजगार निर्माण करणारा पालकमंत्री” अशी ओळख निर्माण करण्याचा निर्धार नितेश राणे यांनी व्यक्त केला आहे. हा निर्धार प्रत्यक्षात उतरविण्याचे मोठे आव्हान आता त्यांच्यासमोर आहे. तळवणे हा त्याचा पहिला टप्पा ठरत आहे.आता केवळ भूमिपूजनांची मालिका नको, तर प्रकल्प सुरू झाले पाहिजेत, स्थानिकांना रोजगार मिळाला पाहिजे आणि गुंतवणूक प्रत्यक्ष जमिनीवर उतरली पाहिजे, हीच जनतेची अपेक्षा आहे.

तळवणेच्या भूमिपूजनाने आशेचा किरण दाखविला आहे. या किरणाचे विकासाच्या प्रकाशात रूपांतर करण्याची जबाबदारी आता शासन, उद्योजक आणि स्थानिक समाज या तिन्ही घटकांची आहे. नितेश राणे यांनी घेतलेला रोजगारनिर्मितीचा ध्यास सातत्याने पुढे गेला, तर सिंधुदुर्गातून होणारे तरुणांचे स्थलांतर थांबवून ‘रोजगारासाठी बाहेर जाणारा सिंधुदुर्ग’ ते ‘रोजगारासाठी बाहेरून येणारा सिंधुदुर्ग’ असा प्रवास घडवून आणणे अशक्य नाही.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_