🛑सभेचा संयम सुटू न देता… केसरकरांनी आमसभा हाताळली!

*🛑सभेचा संयम सुटू न देता… केसरकरांनी आमसभा हाताळली!*

 

*🛑चार वेळा आमदार म्हणून जनतेचा विश्वास संपादन केलेल्या दीपक केसरकरांची कल्पक नेतृत्वशैली; हुल्लडबाजीला लगाम.*

 

*🛑अधिकाऱ्यांना धारेवर आणि प्रश्नांना कालबद्ध तोडग्याची दिशा*

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १४:-* नऊ वर्षांनंतर झालेल्या सावंतवाडी पंचायत समितीच्या आमसभेत प्रश्नांची अक्षरशः सरबत्ती झाली. रस्ते, पूल, पाणी, आरोग्य, रोजगार, बीएसएनएल नेटवर्क, मायनिंग, शक्तीपीठ महामार्ग अशा विविध विषयांवर लोकप्रतिनिधी आणि नागरिकांनी प्रशासनाला जाब विचारला. अशा वातावरणात सभा हाताळणे सोपे नव्हते. मात्र चार वेळा आमदार म्हणून निवडून आलेले दीपक केसरकर यांनी आपल्या अनुभवाचा आणि कल्पक नेतृत्वशैलीचा वापर करत ही सभा यशस्वीपणे हाताळली, हे विशेषत्वाने नमूद करावे लागेल.

केसरकर यांची शैली अनेकदा कठोर असते; पण त्या कठोरपणामागे सभेचा शिस्तबद्ध कारभार आणि प्रश्नांचा मूळ मुद्दा हातातून निसटू न देण्याची भूमिका दिसून आली. सभागृहात एखाद्या प्रश्नावर वातावरण तापले, आवाज वाढला किंवा हुल्लडबाजीची परिस्थिती निर्माण झाली, तेव्हा त्यांनी केवळ अध्यक्षस्थानावर बसून तमाशा पाहण्याची भूमिका घेतली नाही. गरज पडली तेथे स्पष्ट शब्दांत दम भरला आणि सभेचे गांभीर्य कायम ठेवले.

लोकशाहीत प्रत्येकाला प्रश्न विचारण्याचा अधिकार आहे; पण प्रश्न विचारण्याच्या नावाखाली सभागृहाचा संयम सुटणे, व्यक्तिगत आरोप-प्रत्यारोप किंवा हुल्लडबाजी होणे हे जनतेच्या प्रश्नांशी प्रतारणा ठरते. याच ठिकाणी केसरकरांनी दाखवलेली कठोर भूमिका कौतुकास्पद म्हणावी लागेल.

विशेषतः आरोग्याच्या प्रश्नावर काही काळ पदाधिकाऱ्यांमध्ये मतभेद आणि बाचाबाची निर्माण झाली. मात्र परिस्थिती हाताबाहेर जाण्यापूर्वी त्यांनी सर्वांना शांत राहण्याचे आवाहन केले आणि सनदशीर व सकारात्मक मार्गाने प्रश्न सोडवण्याचा संदेश दिला. ही बाब सभेच्या नेतृत्वाची परिपक्वता दाखवणारी होती.

त्याचवेळी त्यांनी अधिकाऱ्यांनाही सोडले नाही. रस्ते, पूल, आरोग्य, पाणी अशा प्रश्नांवर अधिकाऱ्यांकडून माहिती घेताना ‘उत्तर दिले म्हणजे जबाबदारी संपली’ अशा मानसिकतेला त्यांनी छेद देण्याचा प्रयत्न केला. आवश्यक तेथे संबंधित विभागाच्या वरिष्ठ अधिकाऱ्यांकडे पाठपुरावा करण्याची भूमिका घेतली.

यातून एक महत्त्वाची गोष्ट अधोरेखित होते—आमसभा चालवणे आणि आमसभा हाताळणे यात फरक असतो. सभेचे अध्यक्षस्थान भूषविणे ही औपचारिक बाब; पण प्रश्नांचा रोख समजून घेणे, वातावरण तापल्यास ते नियंत्रणात आणणे, अधिकाऱ्यांकडून माहिती काढून घेणे आणि शक्य तेथे प्रश्नाला पुढील कार्यवाहीची दिशा देणे, यासाठी राजकीय अनुभवाबरोबरच प्रसंगावधान आवश्यक असते.

केसरकरांनी या आमसभेत ते दाखवून दिले.मात्र कौतुकाबरोबरच अपेक्षाही तितकीच मोठी आहे. आमसभा यशस्वीपणे हाताळणे ही पहिली पायरी; आमसभेत दिलेली आश्वासने प्रत्यक्षात उतरवणे ही खरी कसोटी!

रस्त्यांचे प्रश्न मार्गी लागले पाहिजेत. नाणोस पुलाच्या तक्रारीची वस्तुनिष्ठ चौकशी झाली पाहिजे. आरोग्य विभागातील रिक्त पदे भरली पाहिजेत. मल्टीस्पेशालिटी रुग्णालयाचा प्रश्न पुढे गेला पाहिजे. रोजगारासाठी एमआयडीसीच्या दिशेने ठोस पावले पडली पाहिजेत. पाणी, नेटवर्क आणि मूलभूत सुविधांबाबत नागरिकांना दिलासा मिळाला पाहिजे.कारण चार वेळा आमदार म्हणून जनतेने विश्वास टाकलेल्या नेतृत्वाकडून जनतेच्या अपेक्षाही मोठ्या आहेत.

केसरकरांनी सभागृहातील गोंधळाला लगाम घातला, अधिकाऱ्यांना जाब विचारला आणि प्रश्नांना दिशा दिली; आता त्याच कठोरपणाने प्रशासनाच्या फाईलींनाही गती देण्याची वेळ आली आहे.जनतेला आता केवळ आमसभा शांततेत पार पडल्याचा आनंद नको. आमसभेत उठलेले प्रश्न शांत झाले पाहिजेत.

सभेतील आवाज थांबविणे ही नेतृत्वाची कसोटी होती; आता जनतेच्या प्रश्नांना न्याय देणे ही खरी कसोटी आहे!

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_