🛑तब्बल ११ वर्षांनंतर झालेली दोडामार्गची आमसभा गदारोळाने गाजली; आमदारांसमोरच कार्यकर्त्यांची धक्काबुक्की.

*🛑तब्बल ११ वर्षांनंतर झालेली दोडामार्गची आमसभा गदारोळाने गाजली; आमदारांसमोरच कार्यकर्त्यांची धक्काबुक्की*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴दोडामार्ग, दि- १४:-* तब्बल अकरा वर्षांच्या प्रतीक्षेनंतर झालेली दोडामार्ग तालुक्याची आमसभा विकासाच्या प्रश्नांपेक्षा गदारोळामुळे चर्चेत आली. आमदार दीपक केसरकर यांच्या अध्यक्षतेखाली सुरू असलेल्या सभेत राष्ट्रवादी काँग्रेस (शरदचंद्र पवार) पक्षाचे सावंतवाडी विधानसभा उपाध्यक्ष रविकिरण गवस यांनी पंचायत समितीच्या गटविकास अधिकाऱ्यांशी संबंधित प्रश्न उपस्थित केला. त्यावरून वाद वाढत शिंदे शिवसेनेच्या कार्यकर्त्यांनी गवस यांना धक्काबुक्की केल्याचा आरोप करण्यात आला. पोलिसांनी वेळीच हस्तक्षेप करत परिस्थिती नियंत्रणात आणली.

गेल्या अकरा वर्षांत दोडामार्गमध्ये आमसभा न झाल्याने नागरिकांच्या विविध प्रलंबित प्रश्नांकडे प्रशासनाचे दुर्लक्ष होत असल्याची नाराजी होती. पंचायत समितीची नवी कार्यकारिणी अस्तित्वात आल्यानंतर अखेर आमसभा घेण्यात आली. त्यामुळे या सभेकडे नागरिकांचे लक्ष लागले होते. मात्र, सुरुवातीलाच राजकीय वादाची ठिणगी पडल्याने काही काळ वातावरण तणावपूर्ण झाले.

 

*गटविकास अधिकाऱ्यांच्या मुद्द्यावरून वाद*

 

आमदार केसरकर प्रास्ताविक करत असताना रविकिरण गवस यांनी पंचायत समितीच्या गटविकास अधिकाऱ्यांच्या निलंबनाचा मुद्दा उपस्थित केला. जिल्हाधिकाऱ्यांनी संबंधित अधिकाऱ्यांवर कारवाई केली असताना त्यांच्या सहीने आमसभेचा अजेंडा कसा काढण्यात आला, असा सवाल त्यांनी उपस्थित केला.

गवस यांनी हा मुद्दा वारंवार मांडल्याने सभाध्यक्षांनी त्यांना आधी खाली बसण्याची आणि पुढे संबंधित विषयावर बोलण्याची सूचना केली. मात्र, यावरून वातावरण तापले. काही कार्यकर्ते गवस यांच्या दिशेने धावून गेले आणि त्यांना धक्काबुक्की झाल्याचा आरोप करण्यात आला. पोलिसांनी तातडीने हस्तक्षेप करत संबंधितांना बाजूला केले.

घटनेनंतर सभेत काही काळ तणाव निर्माण झाला. आमदार केसरकर यांनी घडलेल्या प्रकाराबद्दल दिलगिरी व्यक्त केली आणि सभा सुरळीतपणे पुढे नेण्याच्या सूचना दिल्या.

 

*अधिकाऱ्यांच्या कारभारावर नागरिकांचा रोष*

 

दरम्यान, आमसभेत तालुक्यातील विविध विभागांच्या कारभारावर नागरिकांनी जोरदार नाराजी व्यक्त केली. अनेक विभागांतील अधिकाऱ्यांना सभेतच प्रश्नांना सामोरे जावे लागले. आमदार केसरकर यांनी विभागनिहाय अधिकाऱ्यांना उभे करून नागरिकांच्या प्रश्नांची उत्तरे देण्यास सांगितले.

कामात हलगर्जीपणा करणाऱ्या अधिकाऱ्यांची दोडामार्ग तालुक्यातून तातडीने बदली करण्यात यावी, अशी मागणीही यावेळी करण्यात आली.

 

*निकृष्ट रस्ते-पुलांच्या कामांवरही नाराजी*

 

तालुक्यात कोट्यवधी रुपयांचा निधी उपलब्ध होत असताना काही ठिकाणी रस्ते आणि पुलांची कामे निकृष्ट दर्जाची होत असल्याचा मुद्दा सभेत उपस्थित झाला. आमदार केसरकर यांनीही या तक्रारींची गंभीर दखल घेत अशा प्रकारचे काम करणाऱ्या ठेकेदारांना काळ्या यादीत टाकण्याच्या सूचना दिल्या.

केर उपसरपंच तेजस देसाई यांनी तालुक्यासाठी सुमारे ९० कोटी रुपयांचा निधी मंजूर केल्याबद्दल आमदार केसरकर यांचे आभार मानले.

 

*खानयाळे-महालक्ष्मीसाठी नळपाणी योजनेची मागणी*

 

राजेंद्र म्हापसेकर यांनी मणेरी-वाघुर्ले भागाप्रमाणे खानयाळे-महालक्ष्मी परिसरासाठी स्वतंत्र नळपाणी योजना राबविण्याची मागणी केली. यावर ग्रामीण पाणीपुरवठा विभागाच्या अधिकाऱ्यांना तातडीने सर्वेक्षण करण्याचे निर्देश आमदार केसरकर यांनी दिले.

 

*वीजपुरवठ्याच्या प्रश्नावर संताप*

 

माजी जिल्हा परिषद उपाध्यक्ष एकनाथ नाडकर्णी यांनी दोडामार्ग तालुक्यासाठी गोव्याच्या धर्तीवर अग्निशमन यंत्रणा उभारण्याची मागणी केली. नैसर्गिक आपत्तीच्या काळात या यंत्रणेचा मोठा फायदा होईल, असे त्यांनी सांगितले.

तालुक्यातील वीजपुरवठ्याच्या समस्येवरही त्यांनी प्रशासनाला धारेवर धरले. अनेक वर्षे एकाच ठिकाणी कार्यरत असूनही अपेक्षित कामगिरी न करणाऱ्या अधिकाऱ्यांच्या बदल्या कराव्यात, अशी मागणी त्यांनी केली.

नागरिकांना पूर्वसूचना न देता त्यांच्या घरांवर स्मार्ट मीटर बसविण्यात आल्याची तक्रार जाधव यांनी सभेत मांडली.

 

*‘प्रश्न विचारला म्हणून आवाज दाबण्याचा प्रयत्न’*

 

धक्काबुक्कीच्या घटनेनंतर रविकिरण गवस यांनी सत्ताधाऱ्यांवर गंभीर आरोप केले. आमसभेत प्रश्न उपस्थित केल्यानंतरच आपल्यावर कार्यकर्ते धावून आले. तालुक्यातील विविध प्रश्न आणि कथित गैरप्रकारांवर आवाज उठवू नये, यासाठी आपला आवाज दाबण्याचा प्रयत्न करण्यात आल्याचा आरोप त्यांनी केला.

गटविकास अधिकाऱ्यांवरील कारवाईचा मुद्दा उपस्थित केल्यामुळेच हा प्रकार घडल्याचे सांगत त्यांनी घटनेचा निषेध केला.

 

*‘गोंधळ चुकीचा; मात्र सभा सुरळीत झाली’ ; आमदार दीपक केसरकर*

 

या घटनेवर प्रतिक्रिया देताना आमदार दीपक केसरकर यांनी सभेत गोंधळ होणे चुकीचे असल्याचे सांगितले. संबंधित व्यक्तीला सभेच्या पद्धतीनुसार विषय मांडण्यास सांगूनही तोच मुद्दा वारंवार उपस्थित केल्यामुळे कार्यकर्ते संतप्त झाले आणि त्यातून गोंधळ झाल्याचे त्यांनी स्पष्ट केले.

घडलेल्या प्रकाराबद्दल आपण सभेतच दिलगिरी व्यक्त केली असून त्यानंतर आमसभेचे कामकाज सुरळीतपणे पार पडल्याचेही केसरकर यांनी सांगितले. मात्र, सभा संपल्यानंतरही या घटनेवरून आरोप-प्रत्यारोप सुरू ठेवणे योग्य नसल्याचे त्यांनी म्हटले.

अकरा वर्षांनंतर झालेल्या या आमसभेत तालुक्याच्या विकासाचे आणि प्रशासनाच्या कारभाराचे अनेक प्रश्न ऐरणीवर आले. मात्र, सुरुवातीलाच झालेल्या राजकीय गदारोळामुळे आमसभा चर्चेचा विषय ठरली.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_