🛑राजेसाहेब शिवरामराजे भोंसले यांचे विचार विद्यार्थ्यांसाठी प्रेरणादायी.

*🛑राजेसाहेब शिवरामराजे भोंसले यांचे विचार विद्यार्थ्यांसाठी प्रेरणादायी.*

 

*🛑मुंबई विद्यापीठाचे कुलगुरू प्रा. डॉ. रवींद्र कुलकर्णी यांचे प्रतिपादन;श्री पंचम खेमराज महाविद्यालयात संस्थापक दिन उत्साहात.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १३:-* कोकणासारख्या दुर्गम भागात आजपासून सहा-सात दशकांपूर्वी शिक्षणाची मुहूर्तमेढ रोवून सर्वसामान्य विद्यार्थ्यांसाठी उच्च शिक्षणाची दारे खुली करणारे हिज हायनेस लेफ्टनंट कर्नल श्रीमंत शिवरामराजे भोंसले यांचे जीवनचरित्र आणि विचार आजच्या विद्यार्थ्यांसाठी अत्यंत प्रेरणादायी आहेत. विद्यार्थ्यांनी त्यांच्या चरित्राचे वाचन करून त्यातील किमान एक विचार आपल्या जीवनात आत्मसात करण्याचा प्रयत्न करावा, असे प्रतिपादन मुंबई विद्यापीठाचे कुलगुरू प्रा. डॉ. रवींद्र कुलकर्णी यांनी केले.

सिंधुदुर्ग जिल्हा शिक्षण प्रसारक मंडळ संचलित श्री पंचम खेमराज महाविद्यालय, सावंतवाडी (स्वायत्त) येथे श्रीमंत शिवरामराजे भोंसले यांच्या ९९व्या जयंतीनिमित्त ‘संस्थापक दिन’ उत्साहात साजरा करण्यात आला. यावेळी ते प्रमुख अतिथी म्हणून बोलत होते. कार्यक्रमाच्या अध्यक्षस्थानी संस्थेचे अध्यक्ष राजेसाहेब खेमसावंत भोंसले होते.

कार्यक्रमाच्या प्रारंभी श्रीमंत शिवरामराजे भोंसले यांच्या प्रतिमेला पुष्पहार अर्पण करून दीपप्रज्वलन करण्यात आले. महाविद्यालयाच्या नव्याने बांधण्यात आलेल्या इमारतीला ‘लेफ्टनंट कर्नल हिज हायनेस श्रीमंत शिवरामराजे भोंसले इमारत’ असे नाव देण्यात आले असून, या नामफलकाचे मान्यवरांच्या हस्ते अनावरण करण्यात आले. तसेच श्रीमंत शिवरामराजे भोंसले यांच्या २०२७ मध्ये होणाऱ्या जन्मशताब्दी वर्षानिमित्त तयार करण्यात आलेल्या बोधचिन्हाचेही अनावरण करण्यात आले.

कुलगुरू प्रा. डॉ. रवींद्र कुलकर्णी म्हणाले की, श्रीमंत शिवरामराजे भोंसले हे विद्वान आणि अष्टपैलू व्यक्तिमत्त्व होते. त्या काळात दळणवळणाच्या सुविधा अत्यंत मर्यादित असतानाही त्यांनी शिक्षणाची गरज ओळखून कोकणातील विद्यार्थ्यांसाठी शिक्षणसंस्था उभारली. उच्च शिक्षण सर्वसामान्यांपर्यंत पोहोचविण्याचे त्यांचे कार्य अत्यंत महत्त्वपूर्ण आहे. हस्तकला आणि लोककलांनाही त्यांनी राजाश्रय दिला.

आजच्या बदलत्या शैक्षणिक युगावर भाष्य करताना त्यांनी राष्ट्रीय शैक्षणिक धोरणामुळे विद्यार्थ्यांच्या कौशल्यविकासाला महत्त्व प्राप्त झाले असल्याचे सांगितले. कृत्रिम बुद्धिमत्तेचा (एआय) योग्य वापर करणे आवश्यक आहे; मात्र ‘एआयचे गुलाम होऊ नका’, असा मौलिक सल्लाही त्यांनी विद्यार्थ्यांना दिला. नवीन तंत्रज्ञान जुन्या समस्या सोडविताना काही नवीन प्रश्नही निर्माण करते. त्यामुळे विद्यार्थ्यांनी बुद्धिमत्तेचा वापर करून नव्या प्रश्नांची उत्तरे शोधण्याची क्षमता विकसित करावी, असे त्यांनी आवाहन केले.

जागतिक हवामान बदलाच्या पार्श्वभूमीवर ग्रीन एनर्जीचा वापर वाढविण्याची गरज त्यांनी व्यक्त केली. जीवाश्म इंधनांचा वापर जपून करणे काळाची गरज आहे. तसेच विद्यार्थ्यांनी अनावश्यक स्क्रीन टाईम कमी करून प्रत्यक्ष अनुभव, वाचन, चिंतन आणि ज्ञानार्जनाला अधिक वेळ द्यावा, असेही त्यांनी सांगितले.

कार्यक्रमाचे अध्यक्ष राजेसाहेब खेमसावंत भोंसले यांनी सांगितले की, श्रीमंत शिवरामराजे भोंसले यांनी १९६०-६१ च्या सुमारास महाविद्यालय सुरू केले. त्या काळात दळणवळणाची साधने अपुरी असल्याने विद्यार्थ्यांना शिक्षण घेणे कठीण होते. ही अडचण लक्षात घेऊन राजवाड्यातच विद्यार्थ्यांसाठी वसतिगृहाची व्यवस्था करण्यात आली. गरीब आणि ग्रामीण भागातील मुलांच्या शिक्षणाची सोय झाल्यामुळे या परिसरातील अनेक विद्यार्थी शिक्षणाच्या प्रवाहात आले.

आजही संस्थेकडून विद्यार्थ्यांच्या सर्वांगीण विकासासाठी विविध उपक्रम राबविले जात आहेत. विद्यार्थ्यांनी प्रचंड मेहनत, स्वयंशिस्त आणि ज्ञानाची भूक याच्या जोरावर यश संपादन करावे, असे आवाहन त्यांनी केले.

महाविद्यालयाचे प्राचार्य डॉ. डी. एल. भारमल यांनी प्रास्ताविकातून महाविद्यालयातील विविध अभ्यासक्रम आणि शैक्षणिक उपक्रमांची माहिती दिली. संस्थेचे संचालक प्रा. डी. टी. देसाई यांनी श्रीमंत शिवरामराजे भोंसले यांच्या जन्मशताब्दी वर्षानिमित्त वर्षभर विविध उपक्रम आयोजित करण्यात येणार असल्याचे सांगितले. या उपक्रमांना संस्थाप्रेमी नागरिक, आजी-माजी विद्यार्थी आणि हितचिंतकांनी सहकार्य करावे, असे आवाहन त्यांनी केले.

यावेळी संस्थेच्या चेअरमन राणीसाहेब सौ. शुभदादेवी भोंसले, संस्थेचे कार्यकारी विश्वस्त व मुंबई विद्यापीठाचे अधिसभा सदस्य युवराज लखमराजे भोंसले, संस्थेच्या विश्वस्त व सावंतवाडी नगरपरिषदेच्या नगराध्यक्षा युवराज्ञी सौ. श्रद्धाराजे भोंसले, संस्थेचे कार्यकारिणी सदस्य जयप्रकाश सावंत, डॉ. सतीश सावंत, सहाय्यक संचालक अॅड. शामराव सावंत, संस्थाप्रेमी नागरिक वसंतराव तथा अण्णा केसरकर, नकुल पार्सेकर, माजी डीवायएसपी दयानंद गवस, सुमन गावडे, प्रा. सुभाष गोवेकर, प्रा. अन्वर खान, लॉ कॉलेजच्या प्राचार्य डॉ. अश्विनी लेले, मदर क्वीन्स इंग्लिश मीडियम स्कूलच्या मुख्याध्यापिका सौ. अनुजा साळगावकर, सुभाष देसाई, प्रेमानंद कुडदेसाई, ए. के. देसाई (कोलझर), पी. पी. देसाई, काका मांजरेकर, प्रा. जी. एम. शिरोडकर यांच्यासह संस्थाप्रेमी नागरिक, पत्रकार, शिक्षक, शिक्षकेतर कर्मचारी आणि विद्यार्थी मोठ्या संख्येने उपस्थित होते.

कार्यक्रमाचे सूत्रसंचालन प्रा. सौ. पूनम सावंत यांनी केले, तर आभार प्रा. डॉ. बी. एन. हिरामणी यांनी मानले.

शिक्षणाची ज्योत ते आधुनिक तंत्रज्ञानापर्यंत…

श्रीमंत शिवरामराजे भोंसले यांनी ज्या काळात कोकणात शिक्षणाची पायाभरणी केली, त्या कार्याची प्रेरणा आजच्या पिढीने आधुनिक शिक्षण, तंत्रज्ञान, कौशल्य आणि सामाजिक बांधिलकीशी जोडणे हीच त्यांना खरी आदरांजली ठरेल. जन्मशताब्दी वर्षाच्या निमित्ताने केवळ स्मरण न करता त्यांच्या विचारांचा वारसा पुढे नेण्याचा संकल्प विद्यार्थ्यांनी करणे, हीच या संस्थापक दिनाची खरी फलश्रुती ठरेल.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_