🛑ओरिजीनचा खरा सूत्रधार कोण?सासोलीपासून पिंगुळीपर्यंत ‘ओरिजीन’च्या प्रकल्पांवर गंभीर प्रश्न- डॉ जयेंद्र परुळेकर

*🛑ओरिजीनचा खरा सूत्रधार कोण?सासोलीपासून पिंगुळीपर्यंत ‘ओरिजीन’च्या प्रकल्पांवर गंभीर प्रश्न- डॉ जयेंद्र परुळेकर*

 

*🛑जमीन,वृक्षतोड,पर्यावरण आणि स्थानिकांच्या हक्कांबाबत चौकशीची मागणी.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्ग, दि- १३:-* दोडामार्ग तालुक्यातील सासोली येथील कथित बेकायदेशीर व्हिला प्रकल्पाचा मुद्दा विधीमंडळात उपस्थित झाल्यानंतर ‘ओरिजीन’ या नावाने सुरू असलेल्या प्रकल्पांभोवतीचे संशयाचे धुके अधिकच दाट झाले आहे. माजी मंत्री तथा राष्ट्रवादी काँग्रेसचे माजी प्रदेशाध्यक्ष जयंत पाटील यांनी सासोलीतील व्हिला प्रकल्प, स्थानिक ग्रामस्थांची कथित फसवणूक आणि मोठ्या प्रमाणातील वृक्षतोडीचा मुद्दा विधीमंडळात उपस्थित केल्याने जिल्ह्यात या प्रकरणाची चर्चा सुरू झाली आहे.या संपूर्ण प्रकरणाची चौकशी व्हावी अशी मागणी पर्यावरणवादी कार्यकर्ते डॉ जयेंद्र परुळेकर यांनी केली आहे.

दिल्ली-गुडगाव येथील ‘एक्झॉन डेव्हलपर्स’ कंपनीच्या माध्यमातून ‘ओरिजीन’ नावाने सासोलीबरोबरच दोडामार्ग तालुक्यातील पाट्ये आणि कुडाळ तालुक्यातील पिंगुळी येथेही प्रकल्प सुरू असल्याचे सांगितले जात आहे. त्यामुळे प्रश्न केवळ एका प्रकल्पापुरता मर्यादित राहिलेला नसून, जिल्ह्यातील जमीनवापर, पर्यावरण आणि स्थानिकांच्या हक्कांशी संबंधित व्यापक प्रश्न आता ऐरणीवर आला आहे.

*सासोलीत जमीन आणि वृक्षतोडीचा वाद*

सासोली येथे सामाईक जमिनीवर कथितरीत्या अनधिकृत ताबा मिळवणे आणि मोठ्या प्रमाणात वृक्षतोड केल्याचे आरोप ग्रामस्थांकडून करण्यात आले आहेत. महसूल क्षेत्राबरोबरच लगतच्या वनक्षेत्रातही वृक्षतोड झाल्याचा दावा करण्यात येत आहे. या प्रकरणात प्रकल्प मालकांवर २० लाख रुपयांचा दंड

आकारण्यात आल्याचा उल्लेखही करण्यात आला आहे.

मात्र, या सगळ्यात सर्वात गंभीर प्रश्न आहे तो “स्थानिक जमीनमालकांची संमती किंवा परवानगी नसताना एवढ्या मोठ्या प्रमाणावर जमीन आणि वृक्षसंपत्तीवर हात टाकण्याचे धाडस नेमके कुणाच्या पाठबळावर झाले?” असा सवाल डॉ जयेंद्र परुळेकर यांनी उपस्थित केला आहे.

स्थानिक जमीन दलाल, राजकीय पदाधिकारी तसेच महसूल आणि वन विभागातील काही अधिकारी यांच्याशी संगनमत असल्याचे आरोप केले जात असले तरी, त्याची अधिकृत आणि स्वतंत्र चौकशी होणे आवश्यक आहे. आरोप खरे असतील तर दोषींवर कारवाई झाली पाहिजे आणि आरोप चुकीचे असतील तर संबंधित यंत्रणांनी तेही स्पष्ट केले पाहिजे.

*तिलारीत ‘सेकंड होम’चा मोठा खेळ?*

तिलारी बॅकवॉटरलगतच्या पाट्ये परिसरातही ‘तिलारी प्लॉट फॉर सेल’च्या माध्यमातून मोठ्या प्रमाणात जमीन प्रकल्पासाठी उपलब्ध करून दिली जात असल्याचे चित्र आहे. या भागात मोठ्या क्षेत्रावर ‘सेकंड होम इन फॉरेस्ट’ संकल्पनेचा प्रकल्प उभारला जात असल्याचे सांगितले जाते.

गोवा परिसरातील महामार्गालगत या प्रकल्पांच्या मोठमोठ्या जाहिराती झळकत असतील, तर प्रश्न अधिक गंभीर बनतो—सिंधुदुर्गच्या निसर्गसंपदेचा व्यावसायिक वापर कोणत्या नियमांच्या आधारे आणि कोणाच्या परवानगीने होत आहे?

*पिंगुळीत पाणी आणि शेकरूच्या अधिवासाचा प्रश्न*

कुडाळ तालुक्यातील पिंगुळी येथील ‘ओरिजीन’ प्रकल्पाबाबतही पर्यावरणीय प्रश्न उपस्थित झाले आहेत. सुमारे २७५ व्हिलांचा प्रकल्प पाझर तलावाच्या परिसरात होत असल्याचा दावा करण्यात येत आहे.हा परिसर महाराष्ट्राचा राज्यप्राणी शेकरू याच्या अधिवासासाठी महत्त्वाचा असल्याचे स्थानिकांकडून सांगितले जाते. त्याचबरोबर या पाझर तलावावर पिंगुळीतील शेकडो घरांच्या पाणीपुरवठ्याची नळपाणी योजना अवलंबून असल्याचा दावा आहे.

त्यामुळे तलाव परिसरातील मोठ्या बांधकामामुळे भविष्यात पिण्याच्या पाण्याच्या स्रोतावर आणि जैवविविधतेवर परिणाम होणार नाही का? पर्यावरणीय परवानग्या, जलस्रोतांपासूनचे अंतर, जमीनवापराचे नियम आणि बांधकामासंदर्भातील सर्व मंजुरी यांची स्वतंत्र तपासणी झाली आहे का, हा प्रश्नही उपस्थित होत आहे.

*स्थानिकांचा संघर्ष आणि प्रशासनाची भूमिका संशयाच्या भोवऱ्यात*

सासोलीतील ग्रामस्थ गेल्या दोन-अडीच वर्षांपासून आपल्या हक्कांसाठी लढत असल्याचे सांगितले जाते. या संघर्षादरम्यान दबाव, दहशत किंवा बळजबरीचे प्रकार होत असल्याचे आरोपही करण्यात आले आहेत. हे आरोप गंभीर असल्याने त्यांची निष्पक्ष चौकशी होणे गरजेचे आहे.

दरम्यान, हजारो कोटींच्या संभाव्य उलाढालीच्या रिअल इस्टेट प्रकल्पांसमोर स्थानिक प्रशासन हतबल झाले आहे का, असा सवालही आता उपस्थित होत आहे.

*फक्त सासोली नव्हे; संपूर्ण ‘ओरिजीन’ प्रकल्पांची चौकशी करा- डॉ परुळेकर*

सासोली प्रकरणाची चर्चा सुरू झाली म्हणून केवळ त्याच प्रकल्पापुरती चौकशी मर्यादित न ठेवता, जिल्ह्यातील ‘ओरिजीन’ नावाने सुरू असलेल्या सर्व प्रकल्पांची एकत्रित, स्वतंत्र आणि निष्पक्ष चौकशी करण्याची गरज निर्माण झाली आहे.

जमिनीची खरेदी-विक्री, सामाईक जमिनीचे हक्क, महसूल नोंदी, अकृषिक परवानग्या, वनविभागाच्या मंजुरी, पर्यावरणीय परवानग्या, जलस्रोतांवरील परिणाम, वृक्षतोड आणि बांधकाम परवानग्या—या सर्व बाबींची कागदोपत्री तपासणी झाली पाहिजे.

सिंधुदुर्ग हा केवळ रिअल इस्टेटचा बाजार नाही; तो स्थानिकांच्या जमिनीचा, पाण्याचा आणि निसर्गाचा वारसा आहे. विकासाच्या नावाखाली हा वारसा कोणाच्याही ताब्यात देण्याचा अधिकार कोणाला आहे?

आणि सर्वात महत्त्वाचे म्हणजे—

‘ओरिजीन’च्या प्रकल्पांना नेमके कुणाचे बळ आहे?

हा प्रश्न आता केवळ सासोलीतील ग्रामस्थांचा राहिलेला नाही; तो संपूर्ण सिंधुदुर्गच्या जनतेचा झाला आहे.चौकशी होणार का? दोषी असतील त्यांच्यावर कारवाई होणार का? आणि राजकीय अथवा प्रशासकीय पाठबळाचा आरोप असेल तर त्या पाठबळामागील चेहरे जनतेसमोर येणार का?

या प्रश्नांची उत्तरे मिळेपर्यंत ‘ओरिजीन’ प्रकरणातील संशयाचे सावट दूर होणार नाही असे डॉ परुळेकर यांनी प्रसिद्धीस दिलेल्या पत्रकात म्हटले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_