🛑चौकुळमध्ये पर्यटकबंदीची वेळ का आली? प्रशासनाच्या दुर्लक्षामुळे निसर्गरम्य गाव कचऱ्याच्या विळख्यात!* *🛑एक वर्षापूर्वी ‘कोकण लाईव्ह ब्रेकिंग’ने वेधले होते प्रशासनाचे लक्ष; मात्र उपाययोजना न झाल्याने ग्रामस्थांचा कठोर निर्णय.

 

*🎥 KOKAN LIVE BREAKING ||NEWS CHANNEL*

*✍️ विशेष लेख: त्रिविक्रम सावंत.*

*🎴सावंतवाडी, दि११- :-*

सिंधुदुर्ग जिल्ह्यातील निसर्गरम्य चौकुळ गाव हे पर्यटकांसाठी आकर्षणाचे केंद्र बनत असताना, पर्यटकांकडून होणारा कचरा आणि स्थानिकांना सहन करावा लागणारा त्रास दिवसेंदिवस वाढत आहे. या गंभीर प्रश्नाकडे प्रशासनाचे लक्ष वेधण्यासाठी ‘कोकण लाईव्ह ब्रेकिंग न्यूज’ने तब्बल वर्षभरापूर्वीच बातमी प्रसिद्ध करून प्रशासनाला जागे करण्याचा प्रयत्न केला होता. मात्र त्यानंतरही ठोस उपाययोजना न झाल्याने आज ग्रामस्थांवर पर्यटकांना बंदी घालण्याची वेळ आली आहे.
चौकुळ परिसरातील मोठ्या प्रमाणात जमीन महाराष्ट्र शासन तसेच वनविभागाच्या अखत्यारित आहे. मात्र वनविभागाकडून प्रामुख्याने आंबोली घाटातील रस्त्याच्या दुतर्फा असलेल्या गटारांमधील कचरा उचलण्यापुरतीच स्वच्छता मोहीम मर्यादित असल्याचे चित्र दिसून येते.
चौकुळ गावात प्रवेश केल्यानंतर रस्त्याच्या कडेला अनेक ठिकाणी पर्यटकांनी टाकलेल्या प्लास्टिकच्या बाटल्या, खाद्यपदार्थांचे रॅपर, प्लास्टिक पिशव्या आणि इतर कचऱ्याचे ढीग दिसत आहेत. निसर्गाच्या कुशीत वसलेल्या या गावाच्या सौंदर्याला त्यामुळे मोठा धक्का बसत आहे.
पर्यटक येतात, निसर्गाचा आनंद घेतात आणि कचरा मागे ठेवून जातात; मात्र हा कचरा उचलण्याची जबाबदारी नेमकी कोणाची? हा प्रश्न आता ग्रामस्थ उपस्थित करत आहेत. वनविभागाच्या अखत्यारित असणाऱ्या जंगलात स्थानिकांनी प्रवेश केल्यास लगेच त्याचा जाब वनविभागातील अधिकारी व कर्मचाऱ्यांकडून विचारला जातो. मात्र पर्यटकांकडून केला जाणारा कचरा हा तसाच पडून असल्याने तो कचरा देखील उचलण्याची सर्वस्वी जबाबदारी ही वनविभागाचीच आहे मात्र अधिकारी सुस्त आहेत.
सुमारे पंधरा दिवसांपूर्वी जिल्हाधिकाऱ्यांच्या उपस्थितीत मोठ्या थाटामाटात स्वच्छता मोहीम राबविण्यात आली. मात्र त्यानंतर परिस्थितीत अपेक्षित बदल झाला नाही.
ही स्वच्छता मोहीम प्रत्यक्ष समस्या सोडवण्यासाठी होती की केवळ कागदोपत्री काम दाखवून वरिष्ठ प्रशासनापर्यंत स्वच्छतेचा देखावा पोहोचवण्यासाठी? असा संतप्त सवाल ग्रामस्थ करत आहेत.
चौकुळला पर्यटक नकोत, अशी ग्रामस्थांची भूमिका नसून पर्यटन शाश्वत आणि नियोजनबद्ध पद्धतीने विकसित व्हावे, अशी त्यांची अपेक्षा आहे. पर्यटकांमुळे स्थानिकांना रोजगार मिळावा, स्थानिकांच्या माध्यमातून होमस्टे, खाद्यपदार्थ, मार्गदर्शक सेवा, स्थानिक उत्पादने आणि इतर व्यवसायांना चालना मिळावी, अशी अपेक्षा आहे.
मात्र पर्यटनाच्या नावाखाली गावात कचरा वाढत असेल, स्थानिकांना त्रास होत असेल आणि प्रशासनाकडून कोणतीही ठोस उपाययोजना होत नसेल तर ग्रामस्थांनी अखेर कठोर भूमिका घेणे स्वाभाविक आहे.
स्थानिक लोकप्रतिनिधी आणि ग्रामस्थांनी पक्षीय राजकारण बाजूला ठेवून कचरा व्यवस्थापन, पार्किंग, स्वच्छतागृहे, प्लास्टिक नियंत्रण, पर्यटनस्थळांवरील सुरक्षा आणि स्थानिकांच्या हिताचे स्पष्ट नियम तयार करणे अत्यावश्यक आहे.
अन्यथा परिस्थिती अशीच राहिली तर पर्यटक येतील, निसर्गाचा आनंद घेतील, कचरा करून निघून जातील; वनविभाग, महसूल आणि पोलीस प्रशासनातील अधिकारी आपला तीन वर्षांचा कार्यकाल पूर्ण करून पुढे जातील… आणि ग्रामस्थ मात्र आपल्या डोळ्यांसमोर निसर्गरम्य चौकुळ विद्रूप होताना पाहत राहतील.
चौकुळची ओळख ही केवळ पर्यटनस्थळ म्हणून नाही, तर निसर्ग, जैवविविधता आणि स्थानिक संस्कृती जपणारे गाव म्हणून निर्माण झाली पाहिजे.
प्रशासनाने आता केवळ पाहणी आणि स्वच्छता मोहिमांचे फोटो न काढता कायमस्वरूपी कचरा व्यवस्थापनाचे नियोजन करून त्याची कठोर अंमलबजावणी करावी, अशी मागणी ग्रामस्थांकडून होत आहे.
एक वर्षापूर्वी दिलेला इशारा दुर्लक्षित केला गेला; आता ग्रामस्थांनी पर्यटकबंदीचा निर्णय घेतल्यानंतर तरी प्रशासन जागे होणार का? हा प्रश्न संपूर्ण चौकुळवासीयांना पडला आहे.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/GX6edZZhJPuIF8DertMr8J
——————————–

_*🥭🥭🥭कोकणातील शेतकऱ्यांचा आता फवारणीचा खर्च होईल भरपूर कमी….🥭🥭🥭*_

*🏝️ प्रत्येक फवारणी सोबत स्टिकर च्या ऐवजी आता वापरा ॲग्री ८२..🏘️*

*1. ऍक्टिव्हेटर : औषधाची क्रियाशीलता, कार्यक्षमता वाढविण्यासाठी मदत होते.*

*2. स्प्रेडर : औषध पानांवरती पसरवण्यासाठी, आणि औषध आत मध्ये पोचवण्यासाठी मदत होते.*

*3. ओलावा : जमिनीमध्ये ओलावा टिकून ठेवण्यासाठी मदत होते.*

*4. औषधे पाण्यामध्ये सर्वत्र एकसमान मिसळण्यासाठी मदत होते.*

*5. P.H- ज्या जमिनी आमलधर्मी आहेत किंवा ज्या जमिनीमध्ये क्षारांचे प्रमाण जास्त आहे अशा दोन्ही प्रकारच्या जमिनीमध्ये प्रभावीपणे वापर करू शकतो.*

*कसे वापरावे ?*

*एग्री ८२- शेती उत्पादनामध्ये वापरल्या जाणाऱ्या सगळ्या औषधांसोबत वापरता येते.*

*उदा :1. किटकनाशक, बुरशीनाशक, पाण्यात विरघळणारी खते, किंवा वेस्टिज चे एग्री प्रोडक्ट यांच्यासोबत वापरण्यासाठी: ५-१० मिली प्रति १५ लिटर पाण्यामध्ये.*
*2. तन नाशक सोबत वापरण्यासाठी १५-२० मिली १५ लिटर पाण्यामध्ये.*

*3. खतांसोबत वापरण्यासाठी: ३-४ मिली (प्रति किलो).*

*4. पाण्यासोबत वापरण्यासाठी १६० २०० मिली (प्रति १ एकर साठी).*

*संपर्कासाठी*
*9423254613*

*⭕इतर सुविधा ⭕*
*१)माती परीक्षण करून त्यानुसार खतांचे नियोजन करून मिळेल.*
*२)ॲग्री ८२ वापरल्यानंतर इतर रोगराई साठी तज्ञ व्यक्तींकडून साठी मोफत समुपदेशन मिळेल.*

*माती परीक्षण बुकींगसाठी संपर्क:-*९४२३८७८८८७*
*व्हाट्सअप करा-9423878887*
*9423254613*

—————————————-
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Posts by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_