🛑सासोली जमीन प्रकरणाने महसूल विभागात खळबळ!

*🛑सासोली जमीन प्रकरणाने महसूल विभागात खळबळ!*

 

*🛑अकृषिक परवानग्यांची २०२० पासून गावनिहाय चौकशी; अनियमितता आढळल्यास तत्कालीन महसूल अधिकाऱ्यांवर कारवाईचे संकेत.*

 

*🎥 KOKAN LIVE BREAKING ||NEWS CHANNEL*

 

*✍️ विशेष वृत्त : सीताराम गावडे*

 

*🎴सिंधुदुर्ग, दि- ११:-* दोडामार्ग तालुक्यातील मौजे सासोली येथील जमीन प्रकरणावरून आता महसूल विभागाने थेट चौकशीचा फास आवळला आहे. सन २०२६ च्या पावसाळी अधिवेशनात विधानसभा सदस्य जयंत पाटील यांनी नियम २९३ अन्वये उपस्थित केलेल्या सूचनेच्या पार्श्वभूमीवर कोकण विभागीय आयुक्तांच्या अध्यक्षतेखाली त्रिस्तरीय समिती गठीत करण्यात आली असून, सिंधुदुर्ग जिल्ह्यातील अकृषिक परवानग्या, गौणखनिज उत्खनन तसेच महसूल प्रशासनातील संभाव्य अनियमिततेची माहिती युद्धपातळीवर संकलित करण्याचे आदेश देण्यात आले आहेत.

विभागीय आयुक्त, कोकण विभाग यांच्या कार्यालयातून १० ऑगस्ट २०२६ रोजी सिंधुदुर्ग जिल्हाधिकाऱ्यांना पाठविण्यात आलेल्या पत्रामुळे महसूल यंत्रणेत मोठी खळबळ उडाली आहे. विशेष म्हणजे, संबंधित माहिती सात दिवसांच्या आत सादर करण्याचे स्पष्ट निर्देश देण्यात आले आहेत.

*२०२० पासूनच्या अकृषिक परवानग्या तपासणार!*

महसूल विभागाने १ जानेवारी २०२० पासून आजपर्यंत जिल्ह्यात देण्यात आलेल्या सर्व अकृषिक (NA) परवानग्यांचा गावनिहाय आणि तालुकानिहाय तपशील मागविला आहे. त्यामुळे गेल्या साडेसहा वर्षांत जमीन अकृषिक करण्यासाठी देण्यात आलेल्या परवानग्यांची प्रक्रिया, आदेश आणि त्यामागील कागदपत्रांची छाननी होणार आहे.

इतकेच नव्हे तर उपविभागीय स्तरावर विशेष पथक गठीत करून तालुकानिहाय अकृषिक परवानगी आदेशांची तपासणी करून स्वतंत्र अहवाल सादर करण्याचेही निर्देश देण्यात आले आहेत.

*सासोलीतील FIR ची सद्यस्थितीही मागवली!*

संपूर्ण प्रकरणाचा केंद्रबिंदू ठरलेल्या सासोली येथील दाखल FIR च्या तपासाची सद्यस्थिती देखील आता थेट तपासली जाणार आहे. यासाठी सिंधुदुर्गच्या पोलीस अधीक्षकांकडून FIR संदर्भातील अद्ययावत माहिती व संपूर्ण तपशील मागवून समितीसमोर सादर करण्याचे आदेश देण्यात आले आहेत.

यामुळे सासोली प्रकरणातील पोलीस तपास नेमका कुठपर्यंत पोहोचला, कोणावर कारवाई झाली, कोणाची चौकशी झाली आणि पुढील तपासाची दिशा काय आहे, यावरही प्रशासनाचे लक्ष केंद्रीत झाले आहे.

*महसूल अधिकाऱ्यांचीही चौकशी होणार?*

या आदेशातील सर्वात महत्त्वाचा आणि प्रशासनाच्या वर्तुळात चर्चेचा विषय ठरलेला मुद्दा म्हणजे तत्कालीन महसूल अधिकाऱ्यांकडून अनियमितता झाल्याचे निष्पन्न झाल्यास त्यांच्यावर कोणती कारवाई करता येऊ शकते, याबाबत शासनाच्या तरतुदींचा तपशील मागविण्यात आला आहे.

म्हणजेच चौकशीत जर महसूल अधिकाऱ्यांच्या कामकाजात नियमबाह्यपणा किंवा अनियमितता आढळली, तर संबंधितांवर जबाबदारी निश्चित करण्याची शक्यता निर्माण झाली आहे.

*गौणखनिजांवरही प्रशासनाचा ‘रडार’*

सासोलीपुरते हे प्रकरण मर्यादित न ठेवता गौणखनिज उत्खनन, त्यासाठी देण्यात आलेल्या परवानग्या, वाहतूक पासेस आणि ETS मोजणी याबाबतही स्वतंत्र अहवाल मागविण्यात आला आहे.

त्यामुळे जमीन अकृषिक परवानग्यांपासून ते गौणखनिज उत्खनन आणि वाहतुकीपर्यंतच्या संपूर्ण प्रक्रियेची साखळी तपासली जाणार असल्याचे स्पष्ट झाले आहे.

*महसूल विभागाला सात दिवसांची डेडलाईन!*

विभागीय आयुक्त कार्यालयाने जिल्हा प्रशासनाला सात दिवसांच्या कालमर्यादेत संपूर्ण माहिती सादर करण्याचे आदेश दिले आहेत. जिल्ह्यातील तहसील कार्यालयांकडून माहिती संकलित करून ती समितीसमोर सादर करण्याची जबाबदारी जिल्हा प्रशासनावर सोपविण्यात आली आहे.तसेच सिंधुदुर्ग जिल्ह्यातील इतर तत्सम प्रकरणांची आवश्यकता भासल्यास त्यांची माहितीही समितीकडे पाठविण्याचे निर्देश देण्यात आले आहेत.

*आता ‘NA’ परवानग्यांची फाईल उघडणार!*

सासोली जमीन प्रकरणाच्या निमित्ताने प्रशासनाने २०२० पासूनच्या अकृषिक परवानग्यांची फाईलच उघडण्याचा निर्णय घेतल्याने जिल्ह्यातील जमीन व्यवहारांकडे नव्याने संशयाच्या नजरेने पाहिले जात आहे.

या चौकशीत नेमक्या किती परवानग्यांची तपासणी होते, किती प्रकरणांमध्ये नियमांचे पालन झाले आहे, कुठे अनियमितता आढळते आणि आढळलेल्या अनियमिततेवर कोणाची जबाबदारी निश्चित केली जाते, याकडे आता संपूर्ण जिल्ह्याचे लक्ष लागले आहे.

सासोली प्रकरणाने केवळ एका जमीन व्यवहाराचा मुद्दा उपस्थित केला नसून, गेल्या काही वर्षांतील महसूल प्रशासनाच्या कार्यपद्धतीचीच ‘अग्निपरीक्षा’ सुरू झाली आहे. सात दिवसांत मागविण्यात आलेल्या अहवालातून नेमके काय बाहेर येते, यावर पुढील कारवाईची दिशा स्पष्ट होणार आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_