🛑 आषाढी एकादशीनिमित्त उद्या शारदा विद्यालय मळगाव रस्ता शाळेत दिंडी कार्यक्रमाचे आयोजन

🎥 KOKAN LIVE BREAKING ||NEWS CHANNEL

✍ प्रतिनिधी : सहदेव राऊळ

🎴सावंतवाडी, दि-२४:– आषाढी एकादशीनिमित्त संत परंपरा, वारकरी संस्कृती आणि विठ्ठल भक्तीचा परिचय विद्यार्थ्यांना व्हावा या उद्देशाने जिल्हा परिषद प्राथमिक शाळा शारदा विद्यालय मळगाव रस्ता शाळेत उद्या शनिवार, २५ जुलै रोजी सकाळी १० ते ११.३० या वेळेत दिंडी कार्यक्रमाचे आयोजन करण्यात आले आहे. या कार्यक्रमात विद्यार्थी संत व वारकरी वेशभूषेत सहभागी होणार आहेत.

महाराष्ट्राच्या समृद्ध संत परंपरेची ओळख विद्यार्थ्यांना करून देणे तसेच विठुरायाविषयी भक्तीभाव आणि वारकरी संस्कृतीचे महत्त्व बालमनात रुजविणे हा या उपक्रमामागील मुख्य उद्देश आहे.

कार्यक्रमात शाळेतील बालगोपाळ संत, वारकरी आणि पारंपरिक वेशभूषेत सहभागी होणार आहेत. टाळ-मृदुंगाच्या गजरात दिंडी काढण्यात येणार असून विठ्ठल नामस्मरण, अभंग आणि भक्तीमय वातावरणाचा अनुभव विद्यार्थ्यांसह उपस्थितांना घेता येणार आहे.

या कार्यक्रमास पालक, ग्रामस्थ आणि भाविकांनी मोठ्या संख्येने उपस्थित राहून विद्यार्थ्यांना प्रोत्साहन द्यावे व कार्यक्रमाची शोभा वाढवावी, असे आवाहन शाळेच्यावतीने करण्यात आले आहे.